بكل صراحة ..لكل طلاب كوريا واليابان والصين

إختي مبتعثة كورية
ثقي تماما أن الإنسان قادر على صنع المعجزات وكسر المستحيل
الله يوفقك ويسهل عليك الدراسة

بصراحة موضوعك مررررره مهم وجزاك الله خير انك طرحتية
وعن جد انا متخوف من هالناحية ...لأن قريباً جداً طالع الصين !! انا حاولت اني اغير دولة الابتعاث لاوروبا او استراليا ، بس ربي ماكتب (الحمدلله) .
والله من كلامك اختي (مبتعثة كوريا ) واضح انها عن جد صعبة ، لكن ربي يوفقك وييسرها معاكي ومع جميع مبتعثي شرق اسيا بإذنه تعالى .
انا يمكن لغتي الانقليزية ممتازة بحكم دراستي بالكلية كانت كلها باللغة الانقليزية زيادة على كذا سافرت نيوزلاندا واخذتلي كورس ....بس اتحطمت لما عرفت انه الدراسة بدول شرق اسيا بلغتهم !!!
لو نجي نحسبها ،، حقيقة هناك صعوبات متعددة وخاصة لما نجي نقارن بين دول شرق اسيا والدول الاخرى اولها السنتين اللي راح ندس فيها لغة البلد (صيني ، ياباني او كوري ) بينما دول اوروبا اتوقع بالكثير 6 اشهر ونجتاز اللغة (الانقليزية)
ثانياً : بالنسبة لي انا كاطالب دبلوم. دول شرق اسيا ماراح يعادلوا شهادتي (دبلوم عالي 3 سنين ونصف) راح ادرس بكالوريا بشهادة الثانوية وهذا شيء يحز بالنفس ...يعني راح ادرس بكالوريا 4 سنين ومع سنتين لغة ، هذي 6 سنين ...غير العقبات والصعوبات اللي راح نواجهها باللغة ...
انا وبصراحة باقول دراسة اللغة لمدة سنتين يمكن ماتأهلني بشكل تام للدراسة (دراسات عليا ) ..لاتقارنوا لغاتهم بالغة الانجليزية ..الانجليزية من وحنا صغار عندنا فكرة عنه والعالم كله بيتحدثوا ولاتنسوا اننا دراسين 6 سنين متوسطة وثانوية ولو انها مو بهذيك القوة لكن يعتبر اننا تعلمنا ... انا يمكن صاير دقيق وباحسب الامور بالتفاصيل ..لكن لابد من التخطيط ودراسة الموضوع عساس ندخل عالموضوع واحنا عندنا الفكرة والارادة بعد .. لكن عني انا باتوكل .. عساس كذا، لاننسا ان الفرص مو دايماً تتكرر ..لذا باسعى وباسوى اللي علي وربك ييسر . آسف عالاطالة ياجماعة الخير ..بس حاب اقدم اللي عندي وياريت تشاركونا ياشباب بالنسبة للي التحق في الدراسة واللي باقي .... تحياتي شباب اسيا (:
اختي ( مبتعثة كوريا ) عندي سؤال : ماحاولتي تغيري دولة الابتعاث الى اوروبا ؟ او غيره ؟
يمكن انتي معاكي الفرصة ! عساس انك طالبة ماستر
سلام

الاستمرار في الخطأ .. خطأ .. والسلام

من رأيي المتواضع لك اذا ماقدرتي تكملي التخصص باللغه الكوريه حاولي تطلبي تغيير لدوله ثانيه بس خلال التحويل حاولي تتقني اللغه الكوريه وتتمكني منها عشان تكوني استفدتي أقل شئ اللغه...

الله يوفقك ويكتب لك الخير...

مشكوريين والله على مشاركاتكم الحلوة ....مشكورين على ابداء اراءكم بكل صراحة

صحيح انا ماجستير الحين ...بس انتم عارفين تماما ان احنا بالسعودية درسنا كل المواد بالعربي

واللي كان متعبني زيادة حتى الكيمياء درسناه بالعربي

لدرجة الحين ماني قادرة افهم ولا كلمة انجليزي من اللي بدرسه في الكيمياء

الملحقية والوزارة ماراح تنظر لموضوعي من ناحية الخطأ والصعوبة بدراسة الماجستير كوني انا اللي اخترت وانا لازم اتحمل ...خاصة اني طلبت توقف دراسة اللغة الكورية
لأني شوفت من طلاب الدفعة الاولى في كوريا انهم درسوا سنتين لغة كورية وفي النهاية دخلوا التخصص وهم بيدرسوا بالانجليزي والكوري معا
وخلال السنتين هم ماقدروا يدرسوا الانجليزي بسبب ضغوطات الكلاسات الكورية بالاضافة انه منهج سنتين في اللغة الكورية لن يساعدنا على فهم الدروس الاكادمية باللغة الكورية
والحين هم بيلاقوا صعوبات أكثر مني كونهم بيدرسوا تخصص جديد عليهم ...بما انهم طلاب بكالوريوس

من ناحية تغيير دولة ؟؟؟
طيب هل الملحقية راح توافق تغيري للدولة بعد مااتممت تغيير جامعة لجامعة بصعوبات؟؟؟
وماهي الاجراءات لذلك ؟؟؟

حاولي والله تغييري الدولة ...انتوا الماستر الظاهر متاح لكم تغيير الدولة حتى خريجي الثانوية
لان انا لما رحت باغير الدولة قالولي الدبلوم معاه دول اسيا فقط (الصين كوريا واليابان ) بينما الثانوية والبكالوريوس معاهم 24 دولة ..وباعرف كم واحد غير الدولة سواء ماقبل ابداء الدراسة وبعد كمان ... لذا اسعي اختي وحاولي تغيري لدول اوروبا ..بصراحة افضل من اغلب المعايير
الشعب عسسسسسسل معاملة، ومن الناحية العلمية والاكاديمية ..بتستقري ان شاء الله نفسياً واكاديمياً ..لانك راح تدرسي باللغة الانجليزية واللغة الانجليزية معقولة عن غيرها ..وبتصيري تعرفي مسارك وتسعي فيه ..هذا من رأي ... انتي حاولي تقدمي للملحقية معروض بيشرح وضعك وحالتك ..بيكون مقنع ومجدي ، وان شاء الله بيتعاونوا معاكي .
تحياتي

السلام عليكم اختي عائشة

اعتقد ان صعوبة التخصص كالكيمياء تزيد من صعوبة اللغة وخصوصا اذا كانت بلغتان.. واحدى اللغتين مستحدثة (كاالكورية) ...!!

الشيئ الثاني لو تم تقسيم مستويات اللغة الستة مابين تعلم اللغة العامة واللغة الاكاديمية البحتة.. لكنا بخير ..

حاولي انك ما تستعجلي بالامور وان مع الصبر الفرج حتماّ ....والله يعيننا على الغربة ......

وعليكم السلام

والله الله يعينك ويعينا احنا تووونا بدينا دراسة اللغة الانجليزية واللغة الكورية راح تبداً الدراسة شهر ابريل الجاي

وراح تكوون لخبطة شووي لأن ما تدري تركزين على اللغة الانجليزية او الكورية

مشكور على نضائح اخوي
بس تغيير الدولة هم لها شروط انا حاولت قبل مااجي على كوريا بس مارضيوا لي
كانهم ماصدقوا مسكوا بنت رايحة على كوريا
مالي غير الصبر ....وربي يسهل امورنا كلنا ان شاء الله

عذرا ولكني أرى طلاب جدد في كوريا
وايضا جدد في ساحة ملتقى

JET9 & the tiger KSA

هل انتم طلاب جدد في كوريا ؟؟
وهل فعلا تدرسون اللغة الانجليزية مع الكورية ؟؟؟

انا درست فقط الكورية من غير الانجليزية ....وعلى هذا الاساس الحين عندي التخصص جدا صعب كوني بدرس بلغتين لم اتقنهما بعد

الله يسهل للجميع ...بس اظاهر ان طلاب اليابان والصين مايحبوا يشاركونا آراءهم ....ولا هم مايحبوا يقرأوا مواضيع طلاب كوريا ^_^