نسبة القبول 100% في الجامعات اليابانية

السلام عليكم ورحمة الله وبركاته ..
لاراح تدرس لغة بالإضافة للمواد المطلوبة عليك على حسب تخصصك ..
نعم فيه البعض ماينقبل في بعض الجامعات وهذا شي طبيعي .. لكن اليابان فيها تقريبا 700 جامعة
فالأفضل التقديم على جامعات كثيرة ..
وإن شاء الله تشدون حيلكم من البداية وكل شيء يتيسر .. السنة هذي تقريبا 150 طالب سعودي التحقوا بالجامعات اليابانية .. وعقبالكم

مشكور أخوي بس هل يوجد أختبار قبول للطلاب الأجانب و ما هي نسبة الحظوظ لأن عرفت بأن لا يقبل للطلاب الأجانب أكثر من 30 % هل النظام مطبق على جميع الجامعات الموجودة هناا ؟

و بالله التوفيق

انا ماأدري

معليش بس , كيف تفكر انك تخاف ترجع وانت باقي مارحت اخوي؟ خلي تفكيرك شويه ايجابي, الخوف حلو بس مو للدرجة هاذي, واللي مايشد حيلة اكيد بيرجع للأسف ,,, و لايكلف الله نفسا الا وسعها سوي اللي تقدر والباقي على الله, لاإفراط ولاتفريط, والله يوفقكم ان شاء الله

تحياتي وتقديري

مشكور أخوي UNKNOWN
تصدق كنت منتظر ردك .

أنا خايف من شي واحد أنه في أختبار قبول للجامعة و نسبة قبول الجامققعة 30 % للأجانب يعني مشكلة بنسبة للقبول أنا الا أعرف أن أختبار الجامعة فقط للتحديد مواد الضعف و ليس للقبول .

هل النظام هذا في جميع الجامعات أو فقط الجامعات القوية مثل جامعة طوكيو .. ؟


و بالله التوفيق .

من جامعة لجامعة يفرق ولكن, في الغالب يطلب منك تنجح في اختبار اللغة 日本留学試験
هذا الاختبار كأنه التوفل في الانقلش, وفي جامعات ترمي هذا الاختبار بعرض الحائط وتقول اختبر عندنا يابطل واذا جاوبت تقبل...! وفي جامعات الاثنين, وفي جامعات الاثنين بالاضافة الى المقابلة الشخصية, وجامعة تويكو تطلبها كلها بالاضافة الى التوفل (انقلش), وفي جامعات مقابلة شخصية فقط

ولكن بما انك سعودي (بترول) يعني ان شاء الله مقبول, ولكن القبول يعني البداية وليس النهاية تذكر هذا الشي!!!, لازم يكون معك اللعة اللي تأهل بعد هذي البداية

في ناس انقبلت ولكن تورطت!

بإختصار, لاتتعب نفسك في هذا الموضوع من اليوم, شد حيلك والباقي على الخالق سبحانه

تسلم حبيبي ..........

بس كيف أنقبلت ولكن تورطت . هل هي بخصوص اللغة أما شي أخر ؟؟

و بالله التوفيق

ايوه بسبب اللغة يجيك مثلا واحد (الله يهدي الجميع) ويقول مادام اننا طلاب سعوديين وجايين على حساب الدولة وورانا سفاره ووزارة وملحقية وفلوس وتوصيات راح انقبل, حتى لو ماأنقبلت في جامعة انقبل في الثانية, ويهمل, ويتخرج بلغة مره تمشي الحال, وينقبل بالفعل في جامعة ويتفاجأ بأنهم مايرحمون, ويعاملونه ويكلمونه بنفس اللغة اللي يكلمون بها الطلاب اليابانيين, وبكذا يتورط ويقول ياليتني ذاكرت من البدايه

الله لايقوله, ماجبيت اطرح فكره سلبيه (الله يبعدنا ويبعدكم ان شاء الله) ولكن من باب التذكير, خلينا ننسى الموضوع هذا ونكون طموحين, ونستمتع بالدراسه, تراها ممتعة اللغة وحلوه

والله يوفقك

مشكور حبيبي و الله يوفقك و خلك بالدراسة ..........السنة هاذي راح أسجل بالأبتعاث .