بوابة السفارة الهندية (كل ماهومطلوب عن الفيزا الهندية)

أخوي الله يعطيك العـآفيه ويعينك
بالنسبه للضمان البنكي
الضمـآن البنـكيللسعودي وغير السعودي شرط من شروط أستخرآج الفيزآ .."

الله يسعدلياك أخوي الدكتور الهندي

بس أنـا أجنبي مب سعودي هــل هذي الطلبـآت للأجــانب لأني سمعت موضوع كفيل ماكفيل
مـدري شالسالفه في هالموضوع وموضوع سفارتنا لازم اجيب منهم ورقه ياليت تتأكدلي من هالموضوع ولا عليك أمر

"موفقين ان شاء الله دنيا وآخره"

شكرا لك يادكتور ربي يجعله في ميزان حسناتك يآرب

السلام عليكم ورحمة الله وبركاته

اللهم وفق كل من ساهم في تسهيل كل الامور

من الاجابه على الاسئله والاستفسارات

ويارب تكون في ميزان حسناتكم

سؤالي هو

اللحين اشوف الردود على الضمان البنكي

7000 ريال ضمان بنكي و شيك سياحي بما يعادل 4500ريال حق ايش الشيك هذا هل اقدر استفيد منه هناك ؟؟

يعني التوتل 11500 ريال ؟؟ علشان اطلع الفيزا حقت الطالب

انا كنت مخطط ادرس في امريكا وللاسف ماحالفني الحظ لتعقيدات الطلبات ومبلغ الضمان المالي

والمعروف علشان تحول على الملحقيه لابد من تواجد قبول معهد وقبول جامعه مشروط

هل الوظع بالهند نفس الطريقه علشان تحول على الملحقيه ؟؟

اتمنى الافاده من اصحاب الخبره

لاني خلاص كنسلت امريكا وحاب اطلع على الهند اكمل هناك

وفي سؤال اخر بخصوص التخصصات الي بالهند

انا حاب اكمل بتخصص مهني الي هو السلامه المهنيه safety

اتمنى احد يفيدني بهالموضوع وهل الدراسه هناك معتمده شهادتها ؟؟؟

اسف على الاطاله

ولكم مني كل الشكر

طيب لو رحت بفيزا سياحية هل يجب دفع الضمان والشيك؟؟؟

الســلآم عليكم.."

لآ أخوي الله يعطيك العـآفيه فيزة السيـآحه مـآفيها هالشروط أبد ع حسب معرفتي
بس في شروط غير هذي الظاهر حجوزات فنادق وبعـد تذاكر سفر هذا اللي أعرفه

"مــآحبيت أعـدي الصفحه ولآ أكتبلك اللي أعرفه"

ويـآرب الشباب يفيدونك أكثر
وممكن تدخل موقع السفاره تشوف الشروط بنفسك وهذا أفضل حل.."

الاخ :sauod.a.o

عشان موضوع الفيزا .. و السفارة ..اظن الشباب افادوك ..

اما عشان موضوع الكورس الي تبي تدرسة ..انت تبي تدرس بكالريوس و لا دبلوم؟؟

في معهد للكورس الي سألت عنه بس نظام دبلوم ..مو بكالريوس .. واسمه :

NIFS - Institute of Fire Engineering & Safety Management

يعتبر من المعاهد القوية للسيفتي بالهند .

ولها عده فروع بالهند ... و ايضا عده فروع بمدينه حيدراباد... نظام الدراسه من سته اشهر الى سنه و معك اسبوعين براكتكل بمدينه اسمها كيرلاا .... و رسومهم مقبولة .. الجدير بالذكر انه في شباب سعوديين درسوا فيه و عمدولهم الشهادات يعني معترف من الملحقية مافي اي مشكلة ...

رقم تلفون المعهد بحيدراباد بمنطقة مهدي باتنم 00914066463235


الموقع الالكتروني :
NIFS, National Institute of Fire Engineering & Safety Management, Fire Engineering, Safety Management, Fire Engineering & Safety Management India

اخوي اذا رائح تدرس ضروري ما تروح بفيزا طالب ... لانه الفيزا السياحيه مدتها ما تزيد عن شهرين و ماتقدر تجددها ... و اغلب المعاهد يطلبون صوره من الفيزا و الاقامة .

و الفيزا السياحيه ما يحتاج تدفع ضمان و لا شي .

توضيح بسيط هناك فيز سياحية 6 اشهر ولكن للعوائل ورجال الاعمال

دكتور..فقط للتوضيح .. السفاره هندية لها عده انواع من الفيز ... مو نوع واحد ... كالاتي :

مثلا الفيزا السياحية .. تعطى عاده شهرين و تعطي ايضا سته اشهر و قابله للتجديد و لكن بحالات وهي انه يكون لك اقارب هنود في هاذي الحاله الفيزا السياحية تتجدد و ايضا تقدر تحولها الى اي نوع من الفيزا الاخرى وبالهند مايحتاج تسافر .

وهناك BUSINESS VISA , MEDICAL VISA .. وكل فيزا لغرض معين .

و ايضا الي معاه اقارب هنود يعطونه (X VISA) متعدده الاغراض و هي ايضا مدتها من شهرين الى حوالي السنه و زياده و قابلة للتجديد و التحويل .

والي معاه اقارب هنود من الدرجه الثانية يعطى فيزا نوعها (PIO CARD) وهي عباره عن 15 سنه فيزا , و تعطى للي (زوجته او ابنه هنود او للي هو اصوله هندية بس تنازل عن الجواز الهندي ) و ضروري ما يسوي اقامه خلال 180 يوم من دخولة الهند و يعطونه اقامه لمده 5 سنوات (MULTIPLE) ايضا هناك شروط اخرى للحصول عليها و يبالك شهرين الى ثلاث اشهر عشان تطلعلك و معقده شويه .

و ايضا هناك نوعية اخرى من الفيز تسمى (OCI CARD) وهي قريبة للجنسية الهندية و مكملة لل (PIO) تعطى للي معاه اقارب من الدرجة الاولى(ابوه او امه او عمه او عمته او خاله او خالته او جده او جدتة هنود) . و هي عباره عن فيزا مدى الحياه(LIFE LONG) و (MULTIPLE) و معفي من الاقامه (مايحتاج يسوي اقامه) , ويستطيع يتعلم و يتعالج على حساب الحكومه و ايضا يتملك اراضي و يبيع و يشتري عقارات و يسوي بزنس ....الخ , نفسه نفس الهندي , بس ممنوع من دخول الانتخابات و التصويت و اشياء اخرى, ويحتاج ثلاث اشهر عشان يطلع ال (OCI) من السفاره و معاملتها كله ع طريق النت .


person of India origin= PIO*
overseas citizen of india=OCI*


الي ابي اوصله انه كل فيزا لها شروط و استثنائات وتسهيلات خاصه ... عدا فيزا الطالب (كل سنه و يزيدونها تعقيد) .


هذا و الله اعلم

سلامي