استفسارات جوا........

أخي العزيز عبودي 33 وأختي العزيزة خلود الحلوة (( بالنسبة للمعهد فهو حاليا ليس موجود في بنغلور ولكن توجد مكتبه تابعه لهم ويوجد بها الكتب وتستطيع ن تطلع وتقراء فيها أما كتدريس فلا يوجد إلا في دلهي وكلكت وعلى ما أعتقد في مومبي ...

ربنا يعيطكم العافيه ماشاء الله ميزة هذا الملتقى سريع الرد الله يزيدكم ويوفقكم يارب

الله يعافيك ....

ونسعى ان نكون الافضل باذن الله ...

الله يعطيكم العافيه
بس الأستاذ أبو البشر أيش رائيكم بالدراسه بدلهي
الله يكون في عونكم


أنا لست أستاذا أنا طالب يدرس الماجيستير فقط أما الأستاذ والمعلم والمختص بدلهي هو الدكتور الهندي حفظه الله فقد درس هناك ويعرف كل صغيرة وكبير ة بها ..

بالنسبة لرأي أنا زرت دلهي مرة واحدة قبل سنة وعجبتني صراحة السبب هو أن هناك جامعة جواهر نهرو وسوف أسجل بها لدراسة الماجيستير .. وطبيعة الحياة احس والله أعلم أنها أرخص من بنغلور وأفضل وأجمل ..

كي لاتتداخل الامور في بعضها فهذة بوابة استفسارات جوا,
وسوف افيدك بالمعلومات المطلوبة في البوابة الجديد لدلهي.........

بسم الله الرحمن الرحيم

أمسيكم / أصبحكم .... بالخير

أخوي الدكتور الهندي جزاك الله الف الف خير علي موضوعك وربي أستفدت منه أشياء كثيره كنت أقرء بمواقع ثانيه لاني كنت ناوي ادرس بالهند وفيه واحد من أخوياي ماقصر دلني على هالموقع وأعطاني عضويته عشان أكتب في هالموقع وقال راح تحصل موقع مبتعث وادخل قسم الهند وراح تحصل واحد أسمه الدكتور الهندي ولا راح يقصر معاك وشاكر لك جهدك أخوي وحبيت أسئل كم سؤال لأني أبي أتاكد أنا معاي حوالي 20 الف ريال قلت بدرس في مدينة قوا لغه انجليزيه وكثير قالو أحسن لك روح لكندا ولا بريطانيا !! مسوين فيها جايبين شي جديد عارف انها افضل بس الظروف تحكم عارف أن السياره لكزس أضل من الكورلاء بس كل واحد على حسب دراهمه والكورلاء واللكزس تسوي نفس الغرض يعني سمعت ان قوا بالهند حلووه بالانجليزي وكنت متحمس بقوووووه وفرحان بس انصدمت من قرار وحبيت اتأكد منه اللحين يقولون ضمان مالي لهم 7000 الاف ريال !! اجل يبقى معاي 13 الف ريال مراح تسوي شي بما اني اقل شي ابي اجلسه ست شهور وقلت هالمبلغ زين وكل شهر يحولون لي الاهل الف ريال امشي حالي على كذا اقدر اعيش واسدد المعهد بس يوم اني سمعت عن 7000 الاف ريال وربي تحطمت مافيه طريقه مايحجزون المبلغ ولا اقدر اخذه بعد شهر لانهم قالو تاخذه وانت راجع اجل ويش اسوي فيها وانا راجع ابيها وانا هناك وانا بالهند الزبده راح يفيدني مبلغ 7000 الاف ريال ولاتنسى التذكره حوالي الفين ولا ثلاثه يعني راح يبقى عشره الاف !! في نظري مراح تفيد بشي لانه اكيد اول ماتوصل راح تصرف اللين تستقر وتعرف العالم اللي حولك يعني تقدر تقتصد بعدها تكون عندك خبره ..

اسف طولت عليك يادكتور بس على الاقل طلعت اللي في خاطري وارتحت لاخلى ولا عدم يادكتور وكثر الله من أمثالك

تحياتي لك
أخوك

ياهلا وسهلا ,,,,,

الحاله صعبة شويتين , وتوقع انه اذا كنت مسؤول في السفارة الهندية كنت , صرفت لك فيزا دراسية بدون اي التزامات,
ولكن هذة الاجراءت لابد منها , وهناك حلول جانبية سوف اقترح عليك بها والله يسهل عليك....

ياليت أسمع هالاقتراحات أخوي الدكتور يمكن تنفعني وجزاك الله خير ^_^

اخوي ....

الاقتراح الاول :
هو انك تستخرج فيزا سياحية , لمده ثلاثة اشهر وعندما تنتهي ترجع وتجددها ومن ثم تذهب مره اخرى.
الاقتراح الثاني:
المحاوله على الحصول على فيزا زيارة لمدة سته اشهر .

وكلاهما بدون ضمان بنكي .....

والخيار لك ...

أخوي الدكتور طريقه حلوه وان شاء الله راح اسويها بس مادري اقدر ادرس بالمعهد بدون فيزة طالب لاني مابي جامعه بس معهد ؟؟

واقتراحاتك جدا حلووه ولاهنت ياذيب