المشاركة الأصلية كتبت بواسطة لــــــــــودي
السلام عليكم ورحمة الله وبركاتة
مساء الخيرات وصباح الفل على الجميع . واحب اشكر كل الاخوان اللى ساعدوني في هدا المنتدى واعطوني معلومات تفيدني عن دولة الهند . والشكر للله اولا واخيرا .. لاكن من لايشكر الناس لايشكر الله .. والفضل لله ثم لأخواني البشـر والدكـتور الهنـدي .. على معلوماتهم الدائمة ...
وانا نفسي اتكلم كثير عن الاخوان لاكن مافي وقت في الهند وفعلا مافي وقت ..
-----------------------------------------------
انا الان في الهند وصلت ولله الحمد ولي الان شهرين تقريبا في الهند
وحبيت اساعد كل الاخوان اللى ما راحو ومايدروا كيف طريقة السفر وطريقة استخراج الفيزا وطريقة
استخراج الضمان البنكي واشياء كثيرة راح اتطرق فيها وبالصور .. وايش المتطلبات . وزي ما ساعدتوني حاب اني اساعدكم وبالصور كمان عشان كل شي يكون واضح للجميع . وبدون توهــان ..
لان فيه ناس توهتني قبل سفري وقالت لي اشياء مالقيتها في الهند . لاكن الحمد لله على كل حال ..
بسم الله نبدااء .
أنواع الفيزا :
1- فيزا سياحية
2- فيزا دراسية
طريقة الاستخراج الفيزا السياحية :
1- من 250 ريال الى 350 ريال ( كل يوم تتغير ^:^ )
2- الباسبورت
3 تعبئة اللوكيشن
(( ومن بكرة تستخرج الفيزا ادا كنت في مدينة فيها القنصلية الهندية اما ادا ترسلها عن طريق الفيفا في مدينتك تاخدلها ثلاثة ايام الى اربعه ايام (( انا اقاللي مكتب الفيفا اللى بالمدينة تاخدلها 8 ايام واعطاني معلومات خطاء وماتكلم عن الضمان البنكي وما اتلكم عن الفلوس .. صراحه اللى بالمدينة مكتب فاشل للفيفااا ... وطبعا السياحيه معاك 3 اشهر فقط ))
يعني تسافر فيها للهند وانت تروح تسوي امورك كلها يعني نصيحه اللى يبغا يجلس بس شهرين ولا ثلاثة تعليم انقليزي في الهند نصيحه يستخرج سياحية . ويريح راسة عشان هو يختار المعهد
وهو يروح يسوي امورو كلها بنفسة . وطلباتها مرا قليلة ما تتوه الواحد وعلى ايش الواحد يدفع
سبعه الاف ريال ويحطها ظمان بنكي باسم القنصلية . وكمان ينتظر ورقة قبول من معهد ولا من جامعه وشهر عشان اللى في الهند يرسلها لك . شغله وربي . !! (( رأي الخاص )) .
مع العلم اني دافع 7 الاف ريال ضمان لاني جالس اكثر من 3 اشهر
طريقة استخراج الفيزا الدراسية :
1- الباسبورت
2- 350 ريال
3- تعبئة اللوكيشن
4- البونفايد
(( اللى هيا ورقة القبول من الجامعه او المعهد اللى انت رايحلو ))
5- الضمان البنكي بقيمة 7 الاف ريال لايحتاج ترجمه
(( طريقة استخراجه حكتبها تحت ))
6- احضار ورقة بعدم ممانعة الوالد من سفر الابن .
( انت اكتبها واعطيها هما وترجمها بالانقليزي مع انو ماطالع فيها القنصل . ))
7- نسخه من اخر مؤهل حصلت علية ثانوي ولا جامعه ولا كولج . او اي شي .. وترجمها
(( فيه بعض الجامعات او المعاهد او .. الخ تعطيك هيا مترجمة انقلش وعربي . هدي تمشي تمااام ))
8- نسخه من الجواز السفر
وهذي المتطلبات بالصور .
هدي اول ماوصلتني ورقة القبول (البونفايد ) من الهند عن طريق صاحبي الحبيب تركي
. عن طريق الارمكس .
طبعا من معهد فاليوا بوينت << راح اكتب موضوع عن المعهد التجاري هذا 
. وهدا هوا البونفايد اللى من الفاليوا بوينت وطبعا وصلني بعد اربع ايام من الهند من الارمكس .
ومن بعدها ر حت اسوي الضمان البنكي . واودعت 7 الاف ريال في الصراف الراجحي وبعدين رحت بنك الراجحي . وقلتلهم انا ابغا اسوي ضمان بنكي باسم القنصلية الهندية في جده . واعطاني ورقتين وقال عبيهاا .
وبعد ماعبيتها قال خلاص تعال بكرا وخد الضمان البنكي .. واخد عمولة البنك 200 ريال .
وهدا الضمان جاهز بأسمي ومقدم للقنصلية الهندية .
وتوكلت على الله وعلى جدهـ انا وصاحبي ..وجلسنا ثلاثة ايام في جده و وصررفدهـ
فيه المحلات اللى بجانب القنصلية الهندية هيا تعبي اللوكيشن وكل حاجه تسوي لك
وتطبع وتترجم كمان .. المحلات اللى جمب القنصلية تسوي كل حاجه ^:^
ويعبوا اللوكيشن بـ 10 ريال (( عندهم نسخ من اللوكيشن ))
وهذى اللوكيشن اللى عبيته .
ومتكين انا وصاحبي جالسين نزبط الاوراق ومزبطين التوت والفروالة عشان الواحد يروق
ههههههههههههه وهدي الاوراق كلها .
الكيف ياعم 
الاوراق اللى بالصورهـ
من اليمين
1- نسخه من الباسبورت
وعلى يسارها الورقة الصفراء الضمان البنكي
ويسارها اللوكيشن
وتحت الضمان البنكي البونفايد و اخر شهادة حصلت عليها . وطبعا الشهادة اخدتها من الكلية مترجمة .
وبالاخير ورقة مترجمة مكتوب فيها بالعربي والانقليزي ان والد هذى
الطالب او اخ الطالب او ماينوب عن الوالد انه لا يمانع بسفر الطالب للدراسة
طبعا انت اكتبها او خلي المحل يكتبها انا ما شفت القنصل دقق فيها على العموم سويها
عشان تخلص امورك سريع سريع ..
وبعد ماسويتها من بكرهـ الصباح رحنا القنصلية لان القنصلية تفتح الساعه 9 وتقفل 1
وقابلنا القنصل وقام يسئل القنصل الهندي ليش رايح الهند وشو بتدرس وقام يسئل على
العموم مادقق في الاوراق . المهم ووقع على الموافقة وكتبها سنقل للأسف
وانا كاتب له في اللوكيشن ابغا دبل على العموم سئـلتة يقول انتا البونفايد حقك تسعه اشهر ما اقدر ..
المهم وافق ووقع على الاوراق ورحنا على مكتب الفيفا عشان يخلصون الاوراق بعد ما وافق القنصل (( مكتب الفيفا بجده خلف القنصلية ))
المهم قالوا بكرا تعالوا تاخدوا التاشيرة واخد مننا الـ 350 ريال و 350 تاشيرتين ..
واستخرجت ولله الحممممممممممد ..
وهدي صورة التاشيرة الفيزاااا وفيها مكتوب اسم المعهد الفاليوا بوينت
وصلى الله وبارك ..والحمد لله والمنه ونصيحه لاتسمعون كلام
اي احد لان فيه كثير يتفلفسون .. خدوا النصيحه من اهل النصيحه ومعروفين في هالقسم . الدكتور والبشر . وبعض الاعضاء الاكفاء هناا . لان فيه بعضهم يحبوا التشويش لا اكثر .
وبالاخير حاب اقول ملاحضات هامه
1- الهند بلد جميل ادا حبيتة حبـــك وادا كرهتـه كرهـك
2- اغلب الغرف والعائلات في الهند لاتحتاج الى ديبوزت ( اي ضمان للبيت )
3 - نصيحتي ورائي الخاص . لاتسكن في غرفة لحالك . لان ماراح تتعلم لحالك
اما ادا سكنت مع عائلة اللى تدرسة تطبقه عليهم وتسوي براكتس معاهم تطبيق .
4- التاشيرة لاتحتاج ان تستخرج تذكرة سفر عشان توريها السفير .انك رايح الهند . كلو كلام في كلام .
5- خد اغراضك كلها ولاتبقي حاجه في بلدك الصغير والكبير . بس مو كل حاجه
تشيلها كانك بتهاجر .^:^ لاكن الاشياء اللى حتستعملها لازم .
6- في مطار الهند .. ماتفتشنا نهائيا ولا احد جانا بس كم واحد يتلحوس
عندك بييك تعطية فلوس . عاد انت اعطية 50 ربية ولا عشرين وانتهينا .
7- الاجواء هنا بالهند جميلة لاكن هنا مشكلة كربون السيارات والركشات .
لاكن مو مشكلة راح تتعود ^:^
8- خد لك بايك او دباب بالعربي . ومشي امورك فه وتعال وروح للمعهد فيه بالهند فيه ايجار وبيع .. دباب عجيب ايجارهـ 2500 ربية بس المشكلة انك لازم تعطيهم الاقامة او الجواز . لاكن نصيحه لاتعطيهم جوازك حتى لو انو مو دباب لو حتى فيراري .الجوااااز لاتعطيهم اعطيهم الاقامة . الاقامة حتى لو صار شي تقولهم فقدت وتطلع بدل فاقد اما الجواز لايحبيبي . 9- القنصلية الهندية تبحث عن معلومات فقط لا اكثر مايهمها الا المعلومات المعهد والضمان واللوكيشن هذى اهم الاشياء اللى لاحضتها في القنصيلة مطلوبة . راح اكتب اشياء كثير لاكن انا صورت هذي من قبل شهرين عشان اوريكم هيا
للاخوان اللى يبغوا يسافروا ومو عارفين الطريقة وكيف الطريقة والصور
وان شاء الله الموضوع القادم عن كيفية استخراج الاقامة ومتطلباتها وبالصور وأسال الله العظيم ان يوفق جميع الطلاب المبتعثين . على حسابهم الخاص او على حساب الدولة . وبالتوفيق .. تحياتي لكم . خــالد . هذة المشاركه تم نقلها..
و كتبت عن طريق العضو لـــــــــــــــــــودي
LinkBack URL
About LinkBacks
بصراحه نظام السفارة بالرياض 2000 دولار 7500 سعودي .
والقنصلية بجده 50000 الف روبية 4500 سعودي تقريبا ,
بتقول غريبة !!!
نعم هذا الحاصل ,
اما بخصوص استرداد الملبغ نعم تستطيع تسترد المبلغ بعد انتهاء اجراءت السفارة.....
هل اقدر استرد المبلغ بعد انتهاء السفارة او بعد الرجوع من الدراسة