المشاركة الأصلية كتبت بواسطة الدكتور الهندي
اذا كانت الشروط مخالفة لك فأنصحك انك لاتجي الهند
كيف المعيشة في الهند وكيف ممكن لاي شخص يتأقلم في الهند.....؟؟
الموضوع مهم جدا ولابد من كل شخص يفهم مااعنية قبل مايسوي أي خطوة ....
طبعا لاحظنا كثير والكثير والكثير من الشباب اللي يسافر للهند وسرعان ماينصدم لحضة وصوله طبعا السؤال ليش ؟؟؟؟
اغلب الشباب متوقعين الهند ولاية تكساس ولا لندن ولا باريس ولا من احد المدن المتقدمه في العمران والشوارع ووالخ .
عشان كذا مسكين ينصدم ولا بعد كذا وهو في الطريق الى السكن او الفندق يرى منظر مقرفه (ياربي ) وع ايش هذا القرف , مثلا يمر بأحد الشورع يجدها متسخه او يجد اشخاص لبسهم وسخ او شوارع ضيقة ووووالخ...
تحصلة مسكين قلبه مصدوم وكأنه ضاع مستقبله وكأنه سافر لكوكب اخر ...
يبدأ يفكر طريق الملك فهد سواء بجده او الرياض , وين التحليية وين البيك وين وووووووالخ ....
فيبدأ يأخذ بباله انه الهند بلد وسخ وانه بلد غير جيده وانه وانه وعاد يكثر الحديث والحديث ...
في مثل ببدأء فية ويقول (( اللي يبغا الدح مايقول اح ))
خلينا نتكلم بصراحه شوي , ونخلي البساط احمدي زي مايقولوا ,
ابسأل سوال وفكر معاي الحين بنفس الوقت ,
اول ماتحب تأكل او تشتري اغراض او تسافر او تشتري سيارة , ايش الشيء المهم اللي تعمل حسابه ؟؟؟؟؟؟؟
طبعا اولا الكل عارف الميزااااااااااااااااااااااااااااااااااااااااااااا اااااااااااااااااااانية ثم الميزااااااااااااااااااااااااااااااااااااااااااااا اااااااانية
صح ولا لا .
يعني حاب اتعشى اليوم انا والاهل بسأل نفسي كم ميزانيتي ؟؟
اذا كانت ميسورة والحمد لله .. اذا بتوجه الى احد مطاعم خمس نجوم بروح تشيليز ولا افريكانوا ولا ابو شقرا ووووالخ..
اما اذا كانت الحلة متوسطه وميزانيتي محدوه بروح البيك ولا ابو زيد والدجاج الساخنة ولا البخاري ...
اما اذا كانت الحالة ضعيفة مااقول الا الله يخلي الفول والتميس ,
يعني كل واحد يمد رجله على قد لحافه ....
ولا يحاول يعيش وضع مو وضعه صح ولالا ....
يعني بالعربي الفصيح الا مايقدر يشوف مناظر مقرفة , عشان قلبه يتأثر يهذه المناظر, او يبغا يشوف شوارع كبيرة ,
ويبغا ناطحات سحاب , ويبغا البيك وابو زيد ....
قصة بسيطه حصلت معايا ... الكلام هذا عندما كنت في جده ,, اخوكم الدكتور يحب حاجه اسمها عطور , المهم احد الزملاء مر عليا وحاب يروح يقضي, واخوكم حالته المادية متوسطه والحمد لله , المهم زميلي قال بيغا يروح احد الاسواق التجارية الفخمه , طبعا حالته المادية ميسرة والحمد لله. وصلنا لاحد محلات العطور طبعا احب استخدم نوع من انواع جفنشي, وحصلته في المحل واخذته وعند الحساب وجدته بسعر دبل ب 320 بينما اخذة من البلد والله يخلي لنا البلد ب 120 طبعا الفارق 200 ريال, وايضا الفرق سوق كبير فخامه , بخور مواقف , بالمقابل البلد منطقة شعبية يع , زحمه , مافي مواقف حر , مناظر مقرفة حجات يبيعوا فصفص , صاحب اليغمش , والبليله , واصحاب الخضار... يع يع مناظر ماتخلي الواحد ينام صح ...
وازعاج ووووالخ.. ولكن الفرق بالتكلفة ... انصحه نصيحه لوجه الله من القلب الى القلب , انه لايذهب الهند ....
لاتجي الهند لاتجي الهند لاتجي الهند .....
اللهم بلغت اللهم فشهد ............
طبعا قد يكون الكلام صعب شوي وقوي بعض الشيء لكن هذة مااجبروني اشخاص هداهم الله ,
والله ياشباب انه احد الشباب التقيت معه في حيدر اباد , وبدانا نتكلم ونتناقش كيف الهند وايش الاوضاع ,
المهم طبعا كان يشكي ويبكي والهند بلد زفت وعفن وووووالخ ....
المهم حبينا تناقش معه ليش خير ان شاء الله عسا ماشر....
تصدقوا ايش الاعذار اللي يقولي اياها والله الشاهد :
1- ماعندهم بيك .(قصدة مطعم البيك)
2- مافي عندهم اسواق زي حقنا ايسلاند وصيرفي مول (الكل عارف مشاء ايش فيها هالاسواق).
3- ماعندهم كباين وشاليهات زينا .
4- بناتهم مايعطونا وجه .
طبعا مشاء الله تبارك الرد واضح انه الولد رايح يبغا يدرس ومقطع بعضه على الدراسة ,
وكأنه رايح السوق يتمشى ولاكأنه رايح للدراسة...
وكثير وكثير والبعض يقول , ماعندهم شوارع كبيرة , والاخر ماعندهم سيارات فخمه زينا وووووالخ ..
المهم اعذار لايفبلها أي منطق وعقل وواعي برأسه هدف يريد تحقيقة ...
على العموم ممكن اكون طولت عليكم ولكن في الاخير اذكر بنقطه اخير ومهم جدا جدا جاا ...
اللي لديه القدرة المالية وربنا فاتحها عليه انصحه من اخ لكم بالهند وخبرة طويله بهذا البلد انصحك بالتوجه
امريكا او بريطانيا ...
اما اذا كانت القدرة المالية ضعيفة وابوك يصرف عليك ومسكين يبغا يدرسك ويطلعك رجال وقدرته ضعيفة ,
والاهم في الموضوع انك ممكن تتحمل الحياة العلمية وصعوبتها , وانك من الاشخاص اللي ممكن تتأقلم او تأقلم نفسك على أي اجواء ولست من ضمن الاشخاص اللي يشوف منظر مقرف مايقدر ينام في الليل ويجلس يحلم بكوابيس طوال الليل ,
كذا نقول لك مرحبا بك بالهند ومرحبا بك ترليوووووووووووووووووون ........
الرسالة وصلت للجميع والكل فهمها واتمنى منكم استيعابها ...........
LinkBack URL
About LinkBacks
هذا الكلام نردده لنا كثير , بس بعض الاخوان يحسبونا نجيب معلومات من راسنا ولا نجامل الهنود ,
الهنود سوا اشياء ماحد سواها في العالم العربي ولابيسوها , ولايفكروا ....
احنا اللي ناجحين فيه الفلسفة , وكثرة الكلام , وشاطرين في النقد الغير بناء فقط ....
تشرفنا بعبورك الطاير..............