استفسار لدكتور الهندي والمختصين فقط؟؟؟؟؟؟؟؟؟؟

انا خريج بكالوريوس حاسب واريد اكمل ماستر يا بمصر او الهند
س1- ايهما افضل وكم مدة الدراسه وكم تكلفة الترم بالريال السعودي؟
الهند عزيزي الماجيستير 3 سنوات في كلية تعتبر درجة اولى بحدود 8000 دولار كامل طبعا الدفع بالتقسيط ...
س2-افضل جامعه لتخصصي بالهند؟
الجامعات كثيرة ولكن بالنسبة لمجالك عندك مدينتين الأولى بنغلور والتي يوجد بها جامعة بنغلور ومدينة تعتبر جميلة ومتطورة مو اقول لك جميلة تقولي يعني باريس او تتخيلها فانكوفر المهم والمدينة الثانية حيدر اباد وتوجد بها الجامعة العثمانية وجواهر نهرو
س3-الان يقولون قبل اخش الجامعه ادرس مدة لغة انقلش طيب هل انا اقدم من السعوديه على دراسة جامعه او انقلش او هم الجامعه بالهند يعطوني كورس انقلش ؟ يعني انا اجيب القبول من الجامعه او معهد لاني متلخبط انا ابي ادرس ماستر مدري وش يبون يبوني انسق معاهم الاثنين ولا وش السالفه بالظبط؟
اخي انت راح تدرس في دولة الدراسة فيها باللغة الانجليزية مو العربي يعني لو ما عندك انقليزي لن تفلح ابدا .. طبعا الجامعات لا تعطي كورس لغة ولا هم يحزنون يعني يبيلك معهد ولو ناوي انك تدرس ماجيستير فعندك من الان الى تاريخ بداية الدراسة حوالي 9 شهور تقدر تقوي لغتك فيها بشكل كبير بإذن الله .. ليس المهم ان تدرس اللغة في دولة معينة المهم انك تستفيد من دراستك للغة وتشد حيلك بنفسك ولا تعتمد على المعهد لازم تقوي نفسك بنفسك ايضا
س4-انا سمعت انو الهند تخوف ومافيها امان وبلد فقير وشوارع فقيره هل هالكلام صحيح؟
والله ولله الحمد لنا فيها مدة طويلة الحمد لله مافي شي طبعا من ناحية انه بلد فقير الهند مو بلد فقير اول شي ولكن هناك فقراء كثر الحكومة ماشاء الله تمتلك نووي وتجارة كبيرة لا تسمى بلد فقير بس الهند اكثر من مليار نسمه لذلك مظاهر الفقر والاحياء الفقيرة تجدها بكثرة بس في اماكن جميلة ونظيفة .. وبالنسبة للأمان الحمد لله متوفر بس الواحد برضوا يأخذ الحيطة مو تخرج لي الساعة 2 في الليل تقول ابي اتمشى
س5-انا فقط ابي ادرس ورجع لشقه فقط لا يمين ولا يسار وانا لا افهم بالانقلش شي هل تتوقعون افلح بالانقلش هناك؟
بغض النظر اخوي الواحد تمر به اوقات لازم يروح عن نفسه ولو بالقليل يعني تطلع تلعب كورة مع الشباب تروح تتسوق وهكذا لا مانع من ذلك .. المهم كما اسلفت لك سابقا لو ماعندك لغة لن تفلح .. ولو جيت الهند ودرست لغة وانت ما شديت حيلك واعتمدت لي على دراسة المعهد فقط فبرضوا لن تفلح الا بشكل قليل جدا
س6-من فين اجيب القبول هل انا اراسلهم بنفسي او الوزاره او فيه احد مختص يجيبلي القبول لانو سمعت انو لازم انا اروح للهند عشان اقدم اوراقي ودفع الفلوس هل هذا صحيح؟
بالنسبة للجامعة تراسل الكلية اللي راح تدرس فيها وهم بوروك الطريقة او عن طريق صديق تثق فيه يقدر يساعدك من الهند او عن طريق احد المكاتب المتوفرة
س7- لو توفقت ونزلت بالمطار الهندي هل يوجد هناك عرب اتخاطب معاهم عشان يوصلوني للمكان اللي ابيه او لازم تكون تعرف هندي او انقلش؟
ممكن تجد عرب منتظرين اصدقاء لهم بس اخوي انت على حسب اذا كنت جاي عن طريق مكتب فالمكتب راح يوفر لك شخص يقوم بإستقبالك ولو عن طريق صديق فسوف تجد ذلك الصديق ينتظرك او عن طريقك لوحدك تقدر تحجز لك فندق من المطار شركات الفنادق مليانه وبعدها تمشي نفسك بنفسك بس ما نصحك بهذا الخيار بما انك لا تملك لغة
س8- بجد وبكل امانه هل لو توفقت ودرست وخذت ماستر بالهند تعتبر شهاده قويه يعني اقوى من الشهادات بالدول العربيه مثل مصر او الاردن؟
نعم اكيد اخي
س9-بكل امانه لمن درس بالهند هل هي دوله حلوه للعيش فيها من حيث الطبيعه وجو الدراسه وهل الدراسه صعبه فيها يعني فيها صقوط وتعقيد واشياء تعجيزيه مثل ابحاث مثل مايعجزونا بالسعوديه؟
والله الدراسة راح تكون حلوة اذا شدي حيلك ودرست ومن ناحية الجو والطبيعة بالهند لا تقلق فجوها وطبيعتها جميلة جدا وبالنسبة للسقوط لو ما درست وما ذاكرت وشديت حيلك اكيد راح ترسب .. بالنسبة لنظام الماجيستير يختلف من تخصص الى تخصص اخر بس تقريبا نظام عمل البحوث قليل جدا
س10-نحنو الان بشهر 1 هجري متى يتم التقديم على الجامعات بالهند وكم ياخذ القبول يعني بكم شهر تتوقعون اخلص كل شي ومايبقالي غير اسافر وقت الدراسه ودرس؟
التقديم على شهر 5 عزيزي للماجيستير ويختلف من منطقة لمنطقة اجراءات القبول من الهند في خلال اسبوع انت منتهي من السعودية كمان اديها اسبوع يعني اسبوعين الى اسبوعين ونصف وانت تكون منتهي
س11-هل لازم اطلع للهند اخلص اوراق ولا من السعوديه يعني اروح هناك طوالي وادرس ولا لازم اروح اخلص اوراق قبل الدراسه؟
طبعا ما يحتاج تجي الهند عشان تخلص اوراقك كما اسلفت لك اما عن طريق مكتب يخلص لك اوراقك من الهند او عن طريق صديق موثوق
تكفون جاوبو كل الاسئله واسف اني كثرت الاسئله لاكن تخبرون مالنا غير الله ثم انتم يا اصحاب الخبره....
وشكرن لكم............................

تسلم الايادي وان شاء الله اجر ,,,

صراحه ابداع .......