ادرس بالهند لي اسبوعين وابغى ارجع للسعودية ماني قادره اتحمل وش رايكم؟؟؟

وعاد مالقيتي الا الهند الله يهديك
بس الصراحة ما أدري وش أقولك
والله ما أدري بس حاولي تحطي خيار ثاني يعني مثلا تنضمي للبعثة وبعدين تحولي على دولة أوروبية أو على أمريكا

اختي الامل البعيد دامك وصلتي الهند كملي وانا اخوك الين تنضمي للبعثه باذن الله باقرب وقت وباذن الواحد الاحد لمن تنضمين للبعثه يجيك نقل بكل سهوله انا اعرف اي بنت سعوديه من الهند جالها نقل بسرعه بعد البعثه هاذا الي اسمعه فمدامك وصلتي كملي بس اذا حاسه نفسك عايشه في خطر بين الهنود فلا والله ارجعي اليوم قبل بكره هاذي نصيحتي لكي اذا في شئ ولا شئ ناقصك في بنقلور كلمي الاخوان صدقيني ما يقصرون ولا بيرضون على اختهم اي نقص في اي شئ بسيط عسى ربي يوفقك

والله مافيه خطر ولاشي بس ماني قادرة اتاقلم مع الاوضاع المزرية الي بالهند واهم سبب اني ابي ديرتي حاسة بحنين فظيع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياراعي الاوتو ترا ماتحمل ------ سوي معي معرووف ارفق بحالي
خدني على -جده -وفيه تجمل------ واعطيك كل المحفظة والحلالي
ومن الحجاز امسك طريقك وكمل-----وصلني لحايل عروس الشمالي

وعليكم السلام ورحمه الله وبركاته....
اهلا بك اختي الامل ...

شوفي يااختي هذة الشعور ياتي لاي شخص يدرس بالخارج في ايا مكان وفي اي دوله , ولكن هناك اختلاف بالشعور من ناحية التاقلم بعض الطلاب يتاقلم في مده قصيرة
واخرون يتاقلمون في مده طويله ويعود ذلك على الطالب نفسة,
اما بخصوص رجوعك الى السعودية من عدمه فهذا يعود لك شخصيا اولا ومن ثم يعود لمن حولك ,
نحن ننصحك بما انك بداتي هذه الرحله فلديك خيارين :
1- اما ان تستمري حتى تاقلمي على الوضع ومن ثم تواصليين الدراسة .
2- اما ان تنتظري قبول البعثه وخاصة ان افتتاح قبول البعثه سيتم افتتاحه في على بداية رمضان تقريبا , ومن ثم طلب تحويل بعثه الى اي دوله اخرى.
لديك حريه الاختيار وفي كلا الحالتين انتي المستفيدة , اما في حاله رجوعك فسوف تخسري الوقت , وتخسري فرصة الالتحاق بالبعثه...

وفي الاخير نصيحه الشخصية لك هو ان تصلي صلاه الاستخارة لله وسوف تتسهل امورك باذن الله......

بالنسبة لي لا ألومك على تفكيرك هذا فشباب و رجال جاؤوا الهند و لم يتحملوا العيش فيها و عادوا أدراجهم إلى أوطانهم فكيف بالأنثى و لكن أنصحك بالصبر و اصبروا و صابروا و رابطوا و اتقوا
فلن تتحقق الطموحات من دون معاناة .. و انتظري حتى يتم قبولك في البعثة و بعد ذلك لكل حادث حديث

انا ابغى اجل للسنه الجاية هل اقدر التحق بالبعثه في السنه الحاليه ولا لازم اكون ادرس عشان يلحقوني بالبعثه وهل البعثه مضمونه؟؟يعني باختصار هل التاجيل الدراسة للسنة الجاية يضيع على فرصة البعثه ولا عادي ---ارجوكم ردووووووو

دامك منتى قد السفر والغربه ليش سافرتي من الاساس

تحياتي لكى والله يوفقك

السلام عليكم ورحمة الله وبركاته
اختي حاب انصحك نصيحه استمري واصبري ترى الغربه صعبه ورح تتعبين نفسيا اكثر على فكرة خصوصا واللحين قرب رمضان رح تحسين بطعم الغربه اكثرر
لكن انتي خليك اقوى من كذا واقري سورة الشرح ودعاء الهم والحزن وكملي ماعليك توكلي على الله ودربك خضر باذن الله لالاترجعين ولاشئ وترى اختي التعليم في الهند جدا ممتاز
والبلد موذاك الشين
والله ولي التوفيق

اختي الامل البعيد اخر شئ اقوله لكي اذا يمديكي تكملي الماستر في السعوديه فأرجعي مدام يممديكي تدرسي هناك اما اذا ما عندك هناك جامعه تكملي فيها فشوفي خذي قبول مساتر يا طويلة العمر والسلامه وافتحي ملف في الملحقيه يا طويلة العمر وبعدها دزي السعوديه وقدمي على البعثه من هناك اقعدي في السعوديه الين باذن الله تنضمي وانتي في السعوديه وبعدها اطلبي نقل في نفس الوقت وان شاء الله تنقبلي الله يعينك ويصبرك حاولي احسن شئ تاخذي قبول ماستر بسرعه وتفكي ملف في الملحقيه ورجعي السعوديه هذا اشوفه احسن حل لكي