عام 2007 ما احد تخرج .. !!

السلام عليكم ورحمة الله وبركاته
اولا اخواني اريد الفائدة للجميع والله الشاهد على ذلك.
اخوي anas18 انا ما اشتكيت من تاخر الشهادة ومثل ماقلت الشهادة الاهم وقد حصلت عليها ولله الحمد.
عشان اكون واضح معك الطلاب هنا يعاملون معاملة الطالب الهندي وهذا شيء جميل ,بس السيء في الامر ان الطالب الهندي مؤهل اكثر منا لانه درس هذه الاشياء في الثانوية وبكذا اللي يدرسة معنا فقط للتذكير, وهذا يتطلب اجتهاد منك انت لتكون معهم على المسار.
انا عانيت من ظلم التصحيح وهذا علي وعلى الطلاب كلهم بدون استثناء ومنهم الطلاب الهنود. اولا يجب ان تكون كاتب جيد حسن الخط وتكتب بغزارة شديدة وطبعا اكثر المدرسين يتعاملون بالاملاءيعني نص الحصة او اكثر املاء وهذا يرغبه الطلاب الهنود لانهم فلتات في الكتابة .ثانيا الاختبارات هنا لا تتطلب شطارتك وفهمك هنا يبغونك تكتب اكثر عدد ممكن من الصفحات لا يهمهم المعلومة صحيحة ام لا اذا تكتب كويس وسريع وخطك حلو تمشي بالسهولة اما الغير احلم.كان عندنا مادة اضافية ولك الحق تختارها اخترت اللغة العربية ,قلت فرصتي في الكتابة الحين ,المهم كتبت لهم اكثر من اللي في كتاب الف ليلة وليلة وطلعت نتيجت الطلاب كلها متقاربة56 من90 فرق درجة درجتين يعني اللي كتب واللي ماكتب كلو واحد.
اخوي اسير الايام بصراحة انا توي تفضيت للموقع سجلت هنا اول ماجيت الهند ولا اضفت اي مشاركة بس الحين تحت خدمتك .لا اريد لك الا المنفعة و للجميع باذن الله.
1:لما تطلع من الاختبار وانت متاكد من حلك وتفاجئ بنتيجتك صفر00 .هنا لك الحق تطالب باعادة التصحيح .لكن النظام يقول لا تعاد تصحيح اي نتيجة تقل عن 16 درجة مع انك متاكد لو تكتب اسمك بس لقيت درجة واحدة من وين جاء الصفر ذا اذا انت سلمت الدفتر كاتب حوالي 26 صفحة.
بالعقل كل ذي الصفحات مافيها درجة واحدة على الاقل .تعرف ليه خطي لك عليه .
بعد جهد جهيد قالت لي مدرستي كثر من التسطير. وبالفعل صرت احصل على درجة النجاح بس.
2:تروح مكتب الاستعلامات تقول متى يبداء تقديم اعادة التصحيح يقولون الاسبوع الجاي ويحددون لك يوم بعد. تجي على الوقت المطلوب يقولون لك انتهى الوقت انت تاخرت ,وهذي حصلت معي مرتين انا شخصيا .وراحت عليك المادة.
3:حصلت على ورقة اعادة التصحيح وقالت لك المدرسة انت معدي المادة بالراحة وتقدرلك درجتك الحقيقية ومن حقك تطالب بالتعديل تدفع مبلغ وقدرة للكلية عن طريق البنك وحوسة وفي النهاية ترجع لك النتيجة زايدة درجة واحدة فقط ولازلت راسب .هنا المدرسة تقولك الله يعينك عليهم مالك الى الدعاء.
4:بعض الكليات وليس كلها تقفل ابوابها بعد دخول الطلاب 10 ولا تقدر تخرج الى الساعة 3:30 نهاية الدوام شغل مدارس.
اسير الايام مشينا سيدة لين ملت الجدران من الحك فيها لكن مالك من الاحباط صدة .
اخواني ابغى لكم الجودة في التعليم والنقاوة في الاداء لا تذلل على شيء والله مايستاهل .وعشان ترتاح اسأل الملحقية كم طالب تخرج وهم راح يعطونك الجواب اذا كان النظام يسمح لهم .
اذا اتريدون اي معلومة او خدمة انا جاهز في اي وقت.
اسمحوني اذا فيه اي اخطاء لان لوحة المفاتيح عندي انجليزي ومبهذلتني.