*ملتقى طلاب سنغافورة*

ممكن اعرف كيف رفعت طلب التأجيل للوزارة ؟؟

أن طلبت التأجيل من الملحقية فقط وافقوا عليه واعطوني الى شهر مارس ..هل انو لازم الوزارة يكون عندها علم بالتأجيل ؟؟؟

ياجماعة للكل .موني وشوشو وa7sas-sara, الحمد لله الحمد لله الحمد لله انا طلعت قرار الإبتعاث ,رحت بنفسي الرياض واللي حصل اني سألت الدكتور ماجد الحربي عن التأجيل قال ما احتاج عمل اي خطوات من عندنا احنا علينا اننا نطلع قرار الإبتعاث من عندنا وكدا دورنا انتهي . بالنسبة للذهاب في فترة الثلاث اشهر تنسقو من الملحقيه واذا وافقو خلاص . وطبعا انا قلتلو اني كلمت الدكتور عبد الغفار وقال مافي مشكلة تعالو . قال الدكتور ماجد خلاص مايحتاج تعملوا شي.
وبالنسبة لي رفعتلهم خطاب بالتأخير شهر وسويت اللي علي وحانتظر الرد,والحمد لله اخذت صورة من قرار الإبتعاث وطلعت التذاكر وحأطلع في 22-2-2009م يعني 27-2-1430هـ وياليت ياليت يا جماعة نتطلع سوا على نفس الطيارة عشان نسكن سوا ونعمل اجراءتنا سوا , الموت مع الجماعة رحمة , وبالنسبة للكلام اللي بنسمعه من هناك لاتخافو لأنه شي طبيعي الدراسة صعبة والسكن غالي كل الأمور هذه معروفة ياجماعة مهما كانت غالية والوضع سيئ ما اعتقد انها اسوأ من الدول الأوروبية ولالالازم نتحمل المصاعب في البداية فقط وشوية شوية حنتأقلم على الوضع .