هلا بك حياااااك الله بتنوري سنغافوراااااا والله وان شاءالله لاجيتي نلتقى فيك يارب_ 
تفضلي لاي استفسار ...
بلنسبه للسكن... انا آول ما وصلت اخذت شقه صغيره لمده اسبوع بس ..
وكان سعرها 500$
عشان بهالفتره نطلع ندور على غيرها.. براحتنا
حاولنا نختار المنطقه الي تكون قريبه من المعهد.. ( منطقتي commonwealth)
فصار زوجي مع بعض الاخوان الي ماقصرو معنا يبحثو عن شقق موجوده بهالمناطق القريبه للمعهد...
طبعا الشقه .. والمبلغ... تلاقى والله من 1400 دلاور ليييييين 2200 واكثر واكثر
بس يختلف حسب مساحتها ونظافتها المكان ...الخ
وعلى فكره بعض الشقق مآثثه تآثيث كامل بعضها نص نص ... يعني واحنا نبحث حصلنا شقق بـ 1700 مومآثثه كامل وحصلنا بـ 1700 تآثيث كامل.. فلا تستعجلي في اختيار الشقه ابحثي زين
واهم شئ الاساسيات موجوده.. ( اقصد الاثاث الناقص مثلا : مكيفات - غساله .الخ ) اشياء اساسيه انا اتوقع ان شقه مكونه من غرفتين وحمامين ومطبخ وصاله
لاتتعدى 1800$
لو كانت اكثر بتكون مشكله
عشان المكآفات جدا قليله
لان وراها بيكون فواتير كهرب وغاز وتلفزيون وانترنت
على فكره : ياخذو اجار شهر مقدم + تآمين نفس سعر الاجار + نص سعر الاجار لسمسار 
يعني من اولها بتدفعي مبلغ جامد .
.
والسؤال الثاني كيف المعيشه هنا :؟!
انا شفتها ان الحياه هنا حلوه وسهله
والناس رايقه ولا عليها بآحد ههه
واذا تقصدين بلنسبه للاسعار انا اشوفها مناسبه او اعلى من اسعار السعوديه بشوي! اذا حولتيها بالريال بتشوفيها اعلى بشي بسيط ..
يعني المواد الغذائيه :
الي متوفره في السعوديه ( كيري - كرفت -.......الخ ) تلاقيها بس غاليه
لكن لها بدائل موجوده وحلال اشوف ان اسعارها مناسبه جدا
وبعضها تحصليه ارخص
مثلاً: عصير ندى الطبيعي بـ 8 ريال سعودي فيه هنا عصائر طبيعيه حصلتها بـ 2$ يعني 5 ريال تقريباً
ارخص .. وغيره من الاشياء بس في شئ غالي وحارق دمي : الكوكا كولا والمشروبات الغازيه على ريالين سعودي نشتريها... والي يقهر سعره من مكان لمكان يختلف بقالات بـ دولار وبقالات بـ دولار و60سنت وبقالات 65 سنت عشان كذا لاجيتي ابحثي وادخلي كل البقالات وشوفي وين المكان الرخيصه والمناسبببببببه ... وفيه هنا سوبر ماركتات كبيره مثل ( جيان - كارفور) :
واذا تبي تاخذي ادوات للبيت
مالك الا
( دايسو ) محل كلشئ فيه بـ 2 دولار تراه محل مجنووووووون هههه مو مثل الي معنا بلسعوديه لاعبين علينا
وفيه ( ايكيا ) انا اخذت منه مواعين واغراض مطبخ جدا حلووووه واسعارهم مثلنا
:
وبلنسبه للملابس
كلها ماركات
فوقت التخفيض تقدري تشتري بسعر اقل
:
وبلنسبه للمواصلات
هذا اكثر شئ روعه هنا ههه من جد الميترو حيل سهل ورخيص ولا تضيعي فيه!
والباصات رخيصه وبكل مكان
:
بلنسبه للمطاعم
الوجبات السريعه متوفره واغلبهم حلال
واسعارهم مثلنا بزياده ريال او ريالين فقط
والمطاعم الثانيه تلقى الغالي وتلقى الرخيص
_( الاكل الحلال شفته متوفر بكل مكان )
:
في النهايه : اسعار سنغافورا عاديه الا السكن اشوفه غااااااالي -
:
:
:
المبلغ الي يكفيك : حسب عدد الافراد وحسب نوعيه الصرف ! اذا بتجي هنا وبتشتري كل شئ تشوفيه يعجبك - وبتتسوحي من اول شهر
هذه يبلها ميزانيه كبيره - فـ ’ آنا اعتقد انها تختلف من شخص لشخص..
:
:
المكآفات على كلامهم تنزل
في تاريخ 25 هجري من كل شهر
-
\
بس وحياك اللللللللله مررررره ثانييييييه 
LinkBack URL
About LinkBacks
وعليكم السلام
الاوراق المطلوبة هي
صورتين لكل من المبتعث والمرافق
صور الجوازات
وفي فورم مرسل من الاخت ناديا بالملحقية اتمنى ملأه واعادة ارساله لها
وشكرا