السلام عليكم ورحمة الله وبركاته ،،،
جاني الاتصال من سنغافورا ، الجامعة الوطنية السنغافورية ...
الساعة 7:52 صباحا الى الساعة 8:10 يعني تقريبا حوالي 18 دقيقة استغرقت المكالمة ، وهو اتصال من بعد مارسلت الايميل لهم وهما ماصدقوا خبرر واتصلوا على طول لوووول وكنت متوترة جدا حتى من استعجالي كتبت DearTrichy Krishnan من دون لقب ولا شي لووول واطالع والاقيه بروفيسوووور في التسويق ورئيس قسم التسوويق
علما بانهم ارسلوا الايميل الساعة 2.30 بالليل وطلبوا مني خلال 4 ساعات لازم اكون سويت المقابلة معاهم ... وانا اتأخرت عليهم في الرد بس الحمدلله اني صحيت من نومي ودخلت على النت على طول .
بدأت المكالمة وكلهاا بالانجليزي ,, وكان فريندلي جدا الحمدلله .. وأتاريه الشغله ماهي لعب طلعوا لجنة مكونة من عميد كلية إدارة الاعمال وبعض البروفيسورات وأساتذة يعني حوالي 5 او 6 أنفار ... مكالمة مفتوحة على السبيكر ... وقلتلهم عن التوقيت الحالي عندي انه صباح بدري وهما عندهم كان 1 ظهر .
سألوني أسألة كتيييير ...
- سبب اختياري لدراسة التسويق (السبب الشخصي والمستقبلي ... قعدت اتفلسف وذكرت أسباب كثيرة)
- سألوا عن حياتي وفين قضيتها وبعدين سالوا عن اصلي وفصلي وشرحتلهم كله بالتفصيل الممل لوووول .
- سالوني عن مواد علم النفس وهل درستها وإيش هي بالضبط (ذكرت المواد الي درستها وشرحت عنها بالموجز البسيط، بالاضافة شرحت عن مراجع كتب علم النفس الي درستها ومين الاساتذة الي درسوني )
- سألوني عن حاجات انا كتبتها في الغرض من الدراسة (دراستي في ايطاليا) وايش استفدت منها كناحية تسويقية (شرحت لهم عن المحاضرات الي اخدتها هناك ومتى اخدتها وايش اسم المعهد وفين موقعه)
- سألوني عن الابحاث وطرق البحث الموجودة عندنا وايش الابحاث الي سويتها خلال دراستي (قعدت اتفلسف كتير وشرحت موجز على مشروع بحثي للتخرج )
- سألوني عن خلفيتي في المعالجة الاحصائية (ذكرت المواد الي اخذتها في الجامعة وايش البرامج والطرق الاحصائية الي درستها وكلمتهم عن برنامج SPSS للمعالجة الاحصائية وسالوا ااذا اعتبر نفسي متمرسة في استخدامه وقلتلهم البرنامج سنويا يتحدث وينضاف اليه الكثير وبالتالي خلفيتي عنه فقط اثناء سنوات الدراسة واني عندي الرغبة اتعلمه زيادة واعرف تفاصيله الجديدة )
- قعد يشرحلي انه سنوات دراستي راح تكون 5 سنوات ، وفي السنة الأولى حيكون تركيز على مواد علم النفس وسالني اذا بعد السنة الي راح ادرسها حأرجع بلدي وماراح أكمل دراسة ؟؟!! قلتله لألألألأ انا مصرة وعندي العزيمة القوية اكمل دراستي السنة الاولى كلغة وابذل قدر المستطاع وادخل البرنامج وادرس (بيتأكدوا اذا انا جدية في الدراسة ولا بس رايحة افلها سنة وارجع )
- سألوني عن اني لازم اجتاز اختبار التوفل واختبار GMAT بنجاح يؤهلني للدخول للبرنامج وقلتلهم اني جالسة احضر نفسي للاختبار وايش الكتب والمراجع إلي استخدمها حاليا .
- بعد المقابلة حطولي اختصارات الافكار الموجودة براسي ووصلوا لنتيجة هدفي وقالوا لي الافكار والهدف الي في راسي راح يتغير بمجرد ادخل السنة التحضيرية لاني حأكون أطلعت على اشياء كثيرة تخص مجال التسويق .
- نصحوني بمرشدين supervisor وأعطوني اسمائهم في الوب سايت الخاص بالجامعة وأقرا عن ابحاثهم واشوف مواضيعهم .
- في الأخير اتمنولي النجاح ونفس الوقت قالوا حيرسلوا خطاب للجنة القبول بالجامعة سنغافورا وتقرير عن المقابلة التلفونية الي صارت وخطاب موجه لمركز القبول بموافقتهم الدراسة عندهم ، وقلتلهم اني جدا متحمسة للدراسة في جامعتهم
وقلت كلمة انشا الله وشرحت لهم انه الكلمة دي تنقال اذا اتمنى الانسان شي ويسعى له فترجمها لي البروفيسور وقال تقصدي God willing
وبعدين انا ختمت المكالمة بمديح عن جامعتهم وعن رغبتي الشديدة في اكمال تعليمي الاكاديمي ... وشكرتهم على حسن تعاونهم واالحمدللله انتهت علي خيررررررررررررررررررررررررررررررر والحمدلله يارب اتسهلت من عنده ........
وان شا الله يارب تجي قبولاتكم كلكم وتعدوا اختبارات المقابلة التلفونية بنجااااح .....
NUS - Singapore Student April 20th, 2007, 08:35 AM
LinkBack URL
About LinkBacks
وننتظرك ياسفيرنا في الرياض>>>>>>>ملطوشة من saudivip