*ملتقى طلاب سنغافورة*

الله يعطيك العافية اخوي سلطان
ويسهل امورنا جميعا

اخوي سلطان سنغافورا مشكووووووووووووووووووور والله ماقصرت ورايتك بيضاء اخوي
ومعليش مادخلت النت إلا في الليل لاني تعبانة لوز وتغيير جو الله يبعد عنك المرض ويوفقك ويعطيك على قد نيتك ون شاء الله اكلم الدكتور الحارثي والقى عندة خبر
والحمد لله طمنتنا انو المقابل بس لبنات الدكتوراة

السلام عليكم

بسبوسة مشكوره عالمعلومات وانا كنت اتوقع ان دراستنا للغه راح تكون في السمستر الي قبل يعني في شهر 5 (7 مايو ) بس الآن اتوقع ( اتمنى ) مثل ما قلتي انتي لان الصراحه لو كان ابعد من كذا ..... راح تكون مشكلة
بس ما اشوف التاريخ ( 7 مايو ) في الجدول الظاهر لان وقت التسجيل انتهى
بس والله وناسه الدراسه من 9 الى 1 او من 2 الى 6

اخي العزيز سلطان مثل ما تفضت الي يشوف مصيبة غيره تهون عليه مصيبته ( بس بعضنا حول من امريكا و كندا الى دول آسيا لأنه عارف ان مشاكلهم كثيره و ياخذوا وقت اطول )
انا ارسلت ايميل للدكتور الحارثي يتضمن بعض الإستفسارات التي تهم الطلبه السنغافوريين و اول ما يرد عليه راخ اخبركم

بالنسبة للأخ فهد استفساراتك هذي ما في احد يقدر يجاوب عليها الا انت
بالنسبه للسؤال الاول اعتقد مثل ما قالت بسبوسة
اما من ناحية السنه التحضيريه متى ؟ فهذا انت تحدده .. هل مستواك جيد في اللغه ؟
السؤال الثاني اجابته نعم ( بحسب ما اخبرنا به الوفد السنافوري ) بس طبعا راح تكون المواد مبسطه ( اساسيات )
السؤال الثالث يعتمد عليك ( بس اسمحلي ماني متأكد من الإجابه )

يعني بالنسبه للسنه التحضيرية كيف راح ندرسها ؟ طبعا كلنا مستوانا في اللغه متفاوت لو في ناس خلصوا بدري و ناس بعدهم كيف راح يكون الوضع ؟؟

الله يسمع منك و بهذا الكلام اتوقع الدراسه في شهر مايو
الا اذا تأخرت القبولات لا قدر الله

سلامي الى بقيه الأعضاء وانشاء الله نتلاقى قريبا لأخذ القبولات
أمانه سلطان اسأل الدكتور ( في احد ما انقبل ؟؟) اتمنى الإجابه لأ لأ لأ لأ

نيرسيان مشكوره اختي

meme123 ماتشوفين شر ان شاء الله وشكلك راعية مكيفات علشان كذا مرضتي

اخوي HEMI345 ان شاء الله يرد عليك الدكتور وانا يوم الاحد راح اكون عنده ان شاء الله ويارب نكون كلنا قبلنا

اخوي HEMI 345 مشكوور على ردك لأسئلتي

انا عارف انه يعتمد علي بس اكيد انه في خطه اساسية للطلاب المفترض انو يمشون عليها
وطبعا راح يكون منا مين يخلص قبل ومنا راح يخلص بعد هذا ما فيه شك..

يعني السنة التحضيرية ، وش اقل مدة ممكن الواحد يخلصها؟

انا ليش قاعد اسأل كل هذي الأسئلة لأني الحين قاعد آخذ سنة تخضيرية في جامعة البترول
ادري (أوريا ) ف ما ودي اروح لسنغافورة وآخذ سنة تحضيرية ثانية؟ لين متى وانا بقعد احضر..
ابي اروح ادرس (تخصصي) باقرب فترة ممكنه..

ومشكووور عموما..

اخوي سلطان سنغافورة ياليت تسأل الدكتور محمد عن السنة التحضيرية متى ممكن الواحد يبداها وماهي اقل مدة ممكن ينهيها الطالب.. معليش نتعبك معانا بس الله يوفقك انشاء الله ويجزاك خير

أخوي فهد ،، استفسارك جدا مهم ... وفهمت أيش تقصد .. ،، تقصد انهم يعادلولك المواد الي ماخدها الآن بجامعة البترول ..

هنا اعتقد الاجابة على تساؤلك بعد ماتعرف قبولك في أي جامعة .. وبعدها تبدأ تتصل عليهم وتستفسر أكثر عن معادلة المواد ويختصروا عليك المشوار .(بس مدري المواد الي تدرسها بجاعمة البترول عربي ولا انجليزي؟) .. وفي حال المعادلة ،، أتوقع تقدر تحط جدولك الدراسي باضافة المواد الي حتدرسها في ترم واحد وتضغط على نفسك وتخلصهم ,, كل جامعة لها نظام معين في حذف واضافة مواد .. أنا اقترح عليك تدخل في جامعات سنغافورا (المواقع حقتها) وتشوف كيف برامجهم في البكالوريوس بالنسبة للطلاب الدوليين.

كمان فيه نقطه مهمة ,, بإذن الله بعد قبولك في جامعة بسنغافورا .. عشان لو تبغا المعادلة يصير تجيب معاك الترانزكريبت تبع المواد الي درستها في جامعة البترول .. (كل ماكتب أعلاه اجتهاد وليست معلومة مؤكدة 100%)

السلام عليكم

بسبوسه بالنسبه للدراسه في البترول فهي باللغه الانجليزيه

اخوي فهد بما انك بعدك ( أوريا ) فانت شوف الترانسكربت ايش هو الكود حق المواد ( ان اظن ان الكيمياء والفيزياء تاخذوها في مادة واحده و القراف والوورك شوب في ماده ثانيه )

فانت الي عليك انك تروح لاداره الكتب و تطلب course discription حق الكورسات الي انت اخذتها و ترسلهم للجامعه مع الترنسكربت و بعدين يجيك الرد عالمواد الي انقبلت طبعا راح يشترطوا GBA Lمحدد
و يمكن ان التحضيرية في سنغافورا تكون اقوى

تحياتي

وش حالكم شباب وصبايا سنغافورا

اليوم الساعة 6 المساء دق جوالي والرقم 01 رفعت السماعة

سلم علي وقال لي معاك مركز القبول 1000 مبروك أخوي وصلك قبول بس وصلنا على الايميل انتظر اسبوع على الاقل لين يوصل علشان يصدر القرار وتقدم على الفيزا

وش صار معاكم أخواني ؟؟

كيف حالكم شباب

اليوم الساعه 6:11 دق علي رقم 014414224
ان كنت خايف ( ارد ما ارد ارد ما ارد) وآخر شيء قلت ريح نفسك و رد
كان مركز القبول ( الدكتور محمد الحارثي بالتحديد )

كلمني و قال لي مبروك الف مبروك عليك يا هيمي القبول في جامعه NUS قسم الهندسه
و مثل الأخ مجنون
قال لي ان القبولات وصلت بالايميل بس و قال ان المركز بيبعث لي SMS اذا وصلت الاوراق ممكن عالأسبوع القادم يوم السبت حتى بعدها اقدم عالفيزا

الف الف مبروك اخوي مجنون سنغافورا بس ما خبرتنا انت في اي جامعه انقبلت ؟؟؟

بانتظار اخبار القبول من بقية الطلاب

ماشاء الله تبارك الله .... الف الف الف مليون مبروك لأخواني مجنون سنغافورا ,, ولـ HEMI 345 وعقبال مانسمع بقية قبولات الجمييع ياارب ... هانت والحمدلله الفرج قريب وشكله بنلحق كورس اللغة حقت مايو ..