*ملتقى طلاب سنغافورة*

اخوي llooll170 lfv مبروك اداء المقابلة وان شاء الله تنقبل
والله يعطيك العافية اخوي هيمي على زيارتك الرياض وان شاء الله تجيب معاك اخبار حلوة
اما بالنسبة ليه كلمت مركز القبول مرتين وفي المرتين قاالي حولي على الدول (ماليزيا_استراليا_نيوزيلاندا)
والله يوفق الجميع وييسر الأحوال

السلام عليكم

انا توني صار لي نص ساعه واصل من الرياض

رحت الوزاره و قابلت الدكتور أحمد (الجبيلي الجديري ) والله مدري ايش عائلته
بالنسبه للأخبار في أخبار حلوه و في أخبار مش حلوه ( يا كثرها )

اعذروني اذا ما قدرت اعطي تفاصيل الليلة عشان مرره تعبان انشاء الله بكره أعطيكم التفاصيل

بس حبيت اقول الى الي انقبل مبروووك عليك القبول و أفضل كلمة اقولها لك ان تكون سعيد لأنك انقبلت في دولة انت مختارها

و أقول حق كل واحد ما انقبل مبروووك عليك لان عدم القبول كان خيره لك للتحويل لدولة افضل -------لأن دولة سنغافورا بالمررررة ما في احد معبرها في الوزاره
انشاء الله بكره مع التفاصيل راح تفهموا ليش انا قلت هذا الكلام

اولا ، ألف حمدالله عالسلامة على وصولك لأهلك
ثانيا، ماشا الله عليك يعطيك الف عافية على هذا الجهد الكبير لإعطاء الأمل والتفاؤل بخصوص بعثة سنغافورا إلي الواحد مو عارف راسه من رجله عشان يتخذ القرار المناسب لها ..
ثالثا وأخيرا ،، أشكرك على إضافة هذه المشاركة للتطمأننا جميعا ..

السلام عليكم
في البداية أعتذر عن التأخير
طبعا تعرفوا اني امس رحت الرياض

طبعا عملت بنصيحه نيرسيان و رتب نفس عالساعه 5 في الوزاره طبعا وصلت الساعه 4 ونص و ما رضا السكورتي يدخلنا الا الساعه 5 وجلسنا ننتظر 10 دقائق الى ان حضر اول دكتور

الكلام الي فوق كله مو مهم المهم
المهم ان الدكتور الي حضر هو الدكتور ماجد اجتمع عليه الطلبه كل واحد باسئلته في الأخير قام يصرفنا و قال انه مختص بتسليم القبولات حق طلاب امريكا و بس طبعا الطلبه المقدمين لنيوزلندا قال لهم ينتظروا الدكتور علي الكامل و أنا قال لي انتظر الدكتور أحمد
خلال انتظاري و بعد ما وصل الدكتور علي صرت اراقب طلاب نيوزلندا و استفساراتهم و تسليم قبولهم الصراحه عجبني الأستاذ علي كان طيب مره معاهم و كان يشرح لهم كل شيء بأدق التفاصيل-------أنا قلت في نفسي الي يبي يحول الصراحه يحول لنيوزلندا طبعا التأشيره تاخذ 3 أسابيع .
طبعا و الدكتور أحمد الى الآن ما بين الى بعد الساعه 5 ونص حضر أخذ اوراق و بسرعه بروح مكتبه بس صادوه الطلاب ---- بقية الطلاب ليسو مقدمين عــسنغافورا بس الي حاصلين عالفيزا و يقدموا على قرار الإبتعاث يروحوا له.
عالعموم رحت له ( الصراحه الرجال مستعجل مره و يبغى بس يمشي بعكس الدكتور علي ) في البداية سألته عن طلاب سنغافورا ايش صار معاهم
( سألني انت مقدم على سنغافورا ) قل له نعم
( قال طلاب سنغافورا الى الآن ما وصلنا اي شيء عنهم )قلت له ان في بعض الطلاب عملوا لهم مقابلات و آخرين كلمهم الدكتور الحارثي قبل 10 ايام و خبرهم انهم مقبولين و قال لهم بعد اسبوع تعالوا استلموا القبول
( قال لي اعرف بس الى الآن ما وصلنا شيء ) سألته متى قال يمكن هاليومين يمكن الأسبوع الجاي
سألته عن عدد المقبولين ( قال ليش تسأل ؟ يهمك العدد انت ؟) -----اشدعوه العدد معروف من زمان ------ و بعد شوية كلام وافق انه يخبرني بالعدد و كان 8 مثل ما قالوا الطلاب بس يقول ان في زياده راح يعرقوهم قريبا و لا خبرني بالأسامي
و يقول اذا وصلت القبولات بيخبرنا و قال لي كلمني قبل لا تجي مره ثانيه ( انا بصراحه فرحت قلت الآن بيعطيني تلفونه ) الا هو يقول لي على تحويله 685
و قال لي انا مشغول و راح مكتبه

انا عاد قعدت منقهر لأن القبولات ما وصلت و لأني ما اخذت منه معلومه مفيده
قلت بروح له باسأله متى بداية الدراسه و بكلمه عن الطلاب المقبولين اذا يقدر يعطيني عالأقل ارقام الترشيح السكورتي ما رضا يدخلني ووقف في الممر مسوي نفسه بات مان و قال لي ان الدكتور مانع اي احد يدخل عليه مكتبه انتظر في الصاله و هو راح يجيك ( المشكلة انا اخاف من بات مان رحت جلست)و انا جالس شفت الدكتور نبيل قلت بس هذا يمكن يفيدني الرجال ما بين الا و الكل مجتمع عنده و هو مطنش اغلبهم بعدين اعتذر و قال ان عنده اجتماع فوق
شوي و اشوف لي موظف كان واقف مع الدكتور أحمد ( واربطه من اياديه و رجايله و اقول له جاوب احسن لك )
الرجال كان طيب و جاوب على بعض الأسئله و محادثتي معاه باختصار
الرجال بين ان عنده خلفيه عن طلاب سنغافورا ( وطبعا اكد لي ان الدكتور الحارثي خلاص ما راح يجي مثل ما قال أعضاء المنتدى )
و اكد لي هو بعد ان في طلاب زياده راح ينضكوا للثمانيه بس الجامعه الى الآن ما ردت و قال لي انت ما يحتاج تجي احنا اول ما توصل قبولاتكم راح نكلمكم يعني ايش بنستفيد اذا حطيناهم في الدرج و سكرنا عليهم ( انا قلت في نفسي اسألوا انفسكم ليش تسووا كذا و طلاب امريكا اكبر مثال )
المهم قلت له متى راح يوص الرد والقبولات قال مدري حسب الجامعه قلت له طيب ارسلوا لهم ايميل ذكروهم وخلوهم يستعجلوا قال احنا الآن شغالين عالموضوع ( يصير خير )
المهم و يطول انتظاري و الدكتور احمد لسه ما طلع قلت بجرب بكلمه من الجوال و لا رد حتى عالتحويله 685
انا عصبت و رحت لـــ بات مان و قلت له صار لي ساعه واقف هنا انتظر الدكتور كل هذا عشان سؤال واحد ما رضى يدخلني
رحت للدكتور ماجد ابغي ايميل الدكتور احمد ما رضا يعطيني اياه ( وش الحاله هذي )
رحت للدكتور علي الكامل سألته من الدكتور المسؤول عن طلاب سنغافورا قال لي الدكتور محمد الحارثي ( قلت في نفسي صباح الخير )

ايش اسوي الآن ما في الا دكتورين موجودين و الزحمه عليهم مليون
التفت و شفت موظف التذاكر فاضي قلت هلا والله هذا الي باستلمه الآن
رحت و قلت له ابغي تذاكر حق سنغافورا قال لي وين امر الركاب الي عندك قلت له ما عندي بس انا احتاج تذكره الآن ( الرجال استوى كذا ) بعدين خبرته ان السفاره السنغافوريه تطلب وجود التذكره لاصدار الفيزا قال لي احنا ما نقدر نعطيك التذكره بدون وجود امر الإركاب و هذا ما تقدر تاخذه بدون وجود قرار ابتعاث و انا كملت و قرار الإبتعاث ما تقدر تاخذه الا بوجود فيزا و و و و و
بالعربي متاهه جديده لطلاب سنغافورا

طبعا في تفصيل ماوجد ما تحضرني الآن بس اذا تذكرت شي بخبركم ودي اكمل وودي اعلق على ردود الأعضاء بس تراني تعبت
((((((( فاصل اعلاني و ارجع لكم ))))))))

التكملة

السلام عليكم شباب ( وشابات )
((( بسبوسة )))
ردك مره حلو مشكوره عالرد الصراحه الشيء الوحيد الي مخلنا نتحمل مصائب الوزاره و الي يبرد قلوبنا عم الأعضاء الي تعرفنا عليهم في هذا الحدث و هذا يعتبر اغلى شيء اكتسبناه من البعثه طبعا الكلام هذا مو بس لبسبوسة بل هو لغيرها و غيرها من الأعضاء

(( فهد ))
اعذرني أخوي اذا ما عملت بنصيحتك لأنها الصراحه تتطلب صحو بدري من النوم و بعدين لو وصلت الصباح و رحت الوزاره و ما شفت احد ايش راح اسوي وين اروح و تعرف جو الرياض و شوارعها الزحمه ثانيا انا ماكنت ناوي اخذ لي غرفه لأني كنت ناوي ارجع في الليل -------احب المشاوير

((( مي مي 123 )))
انا ابغى اجابة على سؤالي
ليش انا احاول اكلم الوزاره بالايام ولا احد يرد علي و انتي ما شاء الله عليكي يردوا عليك ؟؟
الحمد لله ان الوزاره صايرين حلوين معاك

و الشيء الي ضحكني امس اني يوم كنت انتظر الدكتور احمد قلت خلني اجرب اتصل اشوف ليش ما يردوا والنتيجه
التلفون الي في المركز ما دق اصلا
ولا حتى سمعت صوت تلفون في الغرفه المجاوره
اذا ما صار شيء خلال هذا الاسبوع راح تكون لي روحه الأسبوع القادم يوم الثلاثاء

طبعا انا يوم شفت ان الوزاره مش معبرتنا ولا تاخذ منهم لا حق ولا باطل ( على الأقل استقبلونا و جاوبوا على اسئلتنا ) قررت اني اتعامل مع الطرف الثاني في البعثه

و اليوم الصباح عالساعة 10 بعثت ايميل حق جامعه NUS استفسر فيه عن موعد ارسال القبولات و عن الطلبة المقبولين في الجامعه
و إذا شفت تفاعل منهم راح اخذ كل المعلومات الي تفيدنا

بقية الأعضاء هل في جديد ؟؟؟؟؟؟؟؟؟؟؟؟؟؟؟؟؟

أشكرك HEMI345 على مجهودك الطيب ويعطيك الف عافية ،، واحلى مافي الموضوع انه عندك عزيمة واصرار ماشا الله عليك ،، اللهم زيد وبارك ...

شكلنا كنا في بر الأمان مع محمد الحارثي ،، لكن للاسف صرنا الآن في مفترق الطرق ،، على الاقل كان الدكتور معطي كل واحد فينا وجه الله يذكره بالخير ..

بالنسبة لاقتراحك في التعامل مع الطرف الآخر .. الصراحة الأهل نصحوني اني اراسلهم من اول على الاقل اتطمن من جهة ومن جهة تانية ابينلهم إني مهتمه بالدراسة عندهم و و و الخ .. بس حسيت انه عن طريق مركز القبول هو الأفضل عشان مايكون في ازدواجية وضرر تقع على القبول ؟؟!! لكن برضه اشجعك في دي الخطوة إذا مصر عليها وتسأل الجامعة قسم القبول .. لاني بحسب مافهمت من خلال تصفحي عبر موقع NUS القبول في كل كلية على حدة !!

لكن نقول خلينا نصبر كمان كم يوم للأسبوع القادم .. ونشوف إيش حيصير .. وكل تأخيره فيها خيرة ... وشكلنا بنلحق كورس نهاية جون .. لأنه الماليزيين للآن مابدأوا كورسات اللغة

بالنسبة ليا ،، احساسي يقول ((واتمنى احساسي مايخيب ظني)) انه الاخبار الحلوة جاية بالطريق خلال الاسبوعين القادمين .. إن شاء الله بإذن الله ...

اخوي هيمي
جرب تتصل فيهم على الرقم هذا 014414224
وانشاء الله يردوا عليك

والله يوفقنا جميعا

السلام عليكم كيفكم اخوي HEMI345 وبنت بسبوسه والله اشتقت لكم واشتقت اني اسولف معكم
وبالنسبه لزياده الطلاب الدكتور الحارثي الله يذكره بالخير قال لي انه الطلاب راح يزيدون اثنين على الاقل والله يعينكم وانا حولت على الصين احترازيا حسب توجيهات الدكتور الحارثي لانه احتمال قبولي ضعيف في سنغافوره

اختي نيرسيان انا استلمت رسالتك وانا الخيارات اللي اعطوني اياها هي الصين ونيوزيلندا و استراليا وكندا وماليزيا وفيه دوله سادسه اظنها امريكا وانا اخترت الصين بسبب مدة الدراسه فيها وعندي سؤال لك انتي ما اعطوك الصين كخيار ؟؟؟؟؟؟؟

السلام عليكم
مشكورين شباب عالرد
((( بسبوسة )))
انا مثلك كنت افكر اني اراسل الجامعات من زمان بس المشكلة اني ما كنت عارف انا في اي جامعه و الآن عرفت و بعدها قلت خلني انتظر اسبوع الى ان يرسلوا القبول و ما جا شيء !!! فمثل ما يقولوا الصبر له حدود و انا افضل اني اعمل اي شيء حتى و ان لم ينفعي على ان اجلس انتظر ايش الي راح يصير ( عالأقل اسمها تحركت و سويت شيء ) و انا الآن انتظر الرد من الجامعه عالإيميل الي بعثته المشكله انهم رسلوا ايميل ( تلقائي ) يخبرني بان رسالتي و صلت و انهم سوف يردون علي خلال خمسه ايام ( كثيره ) انا ما اقدر الصراحه بس ( بصير دبلوماسي غصبا عني واذا مرت الخمسه ايام بدون رد انا راح اكلمهم و اشوف نهايه القبولات
طبعا انا راح اجهز مجموعه من الأسئله ( سواء ردوا بالايميل او بالمكالمه ) و اذا شفت تفاعلهم معاي راح اخذ كل المعلومات الي اقدر عليها من ناحيه القبولات --برنامج الدراسه --- الدراسه بعدين--- الخ
على الأقل راح يردون من اول مكالمه هاتفيه
((( meme123 )))
انا جربت اتصل عليهم من هذا الرقم و في مره الصبح رد علي واحد و سألته و قال لي ان هذا قسم ثاني و طلب مني اني اتصل من 5---7 بس ما في فائده

((( سلطان )))
والله لك وحشه يا اخي من زمان ما سمعنا عنك و لا شفناك تشارك معنا ---يعني ايش خلاص رحت الصين و نسيتنى الله يعينك بس عدراسة اللغه
ملاحظه :انا قريبي يشتغل في شركة ارامكو قسم التوظيف و هو خبرني قبل سنه ان الجامعات الصينيه لها اعتبار حلو في الشركه و يفضلوها على جامعات امريكا
طبعا هو قال لي كذا لان جتلي بعثه عالصين وانا رفضتها بسبب اللغه ( غبي لو رحت واجد اريح )
و انا ما اعرف الا كلمه واحده بالصيني ( نفس الرسمه بس لها عده معاني ) منها المملكه العربيه السعوديه و الرمل

اتمنى للجميع التوفيق