*ملتقى طلاب سنغافورة*

اختي خوخة انا ماسويت شي وهذا من واجبكم اذا ماساعدت اهلي وعيال بلدي اساعد مين؟

ثاني شي بالنسبة لك انتي بالفعل تقدري تاخذي كورس اللغة بسنغافورة بعدين تدرسي بدولة ثانية

ولو تسمعين نصيحتي انتي ادري كورس اللغة واختاري تخصص بزنس ولاتسويق ولاادارة وخليها احتياط

يمكن تغيرين رايك وبعد اللغة تكونين مرتاحة لسنغافورة

وبنفس الوقت انه يكون عندك تخصص بالجامعة احسن واذا كان عندك رغبة بالتحويل عادي قبل مايخلص الكورس بثلاث شهور تجيبي قبولك من الجامعة اللي تبينها بالدولة اللي تبينها بعدين ترسلين صورة القبول واوراق للملحقية عشان يأكدون تحويلك ويحولون الضمان المالي للجامعة المحول لها

وبس

اي استفسارات اخرى انا بخدمتك

الله يوفقك ميدو ويسهل امرك ..

صراحة مجهودك تشكر عليه والله يبيض وجهك ..

( كان الله في عون العبد ما دام العبد في عون اخيه )

بصراحة مستوي باللغة كان اعلى الضعيف

بس الحمد لله الحين تحسن صرت متوسط المتوسط

وطبعا الواحد في اللغة لازم يتعلم ويمارس
وانا غلطي ماامارس كثير يعني

لو امارسها كان الحين مستوي متوسط المترفع

وصح ذكرتيني الله يذكرك بالشهادة

انصحكم انكم تدخلون كورسات لغة الحين وانتم بالسعودية افضل لكم وتسهل عليكم مراحل كثير وحتى تخلي مستواك اعلى

ثاني شي الجامعات كويسة معنا بس الجهة السعودية اللي زفت ولاتدري عننا
الجامعات استقبلونا بالمطار

كأننا دبلوماسيين بس كان في سوء بالتنسيق يعني في ناس بالجامعة من المسؤولين مايدرون ان احنا ساكنين بالجامعة

بس الحمد لله ماعليهم

وبالنسبة للإجازات: كورس اللغة عبارة عن الف ساعة لازم تكلمونها والغياب يحسب عشرة في المية من الالف ساعة والاجازات عندنا طبعا عندهم 7 اعياد او ثمان كل عيد يصير يومين اجازة

عيد سنغافورة الوطني
عيد الفطر
عيد الأضحى
عيد الكريسميس
عيد راس السنة
عيد الصينين
عيد الهنديين
واتوقع في واحد بس ناسي اسمه

وهم بعد فترة من الدراسة يعطونكم اجازة اسبوعين تقريبا اللي هي كورس بريك

اما بالنسبة لإجازة الجامعات
تدرس الفصل الأول مدته ابرع شهور بعدين اجازة شهر ونص
بعدين الفصل الثاني واجازة شهر ونص او شهرين

وعلى هالحال

وعادي ماازعجتيني اسئلي على كيفك انتي والباقيين على راسي

انشالله يطلع براسك الف سؤال اكتبيه

أخووي ميدوو والاعضاء الكرام السلام عليكم ..

اول شي الله يكتب لك الاجر على جهدك ويكتب لك تعبك علينا اجور يارب العالمين ..

من حسـن حظي اني راح اكون جارك ان شالله وعسى الله يكتب لنا التوفيق ..

انا انشالله جاهز للذهاب لسنغافور بس انتظر الفيزا وبعدها امشي بأقرب وقت

انا ان شالله راح اخذ دبلومات من ضمنها دبلوم لغه انجليزيه وسويت التست للمعهد

وانا بحايل عن طريق الايميل واخر شي سددت رسوم المعهد والسكن

انا اقول الله يستر لا يكون بعيد عن السكـن حيــل بصراحه اعطوني خريطة موقع السكن

والجامعه ومميزات السكن بصراحه رووعه بس ابي اسألك الله يعافيك ..

هل فيه مغسلة ملابس داخل السكـن ؟

هل يوجد حلاقين داخل الحي الجامعي او قريب له ؟

سؤال ثالث : جنسيات الطلاب في المعاهد وش تغلب عليه ؟

وان شالله ما يطلعون التشاينيز يارب

اخيراً الشكر مقدم لشخصك الكريم أخي ولأخوننا المتفاعلــين ..

اخوي محمد الغسيل في بكل عمارة غرفة لغسيل وكوي الملابس انت تاخذ ملابسك وتروح تغسلها وتكويها والمغاسل مو زينة لانك ماتدري يغسلون ملابسك مع مين
وشي ثاني غالية اسعارها اما للحلاقين في حلاق قريب من المعهد بس انا اوديك عند الحلاقين الكويسين اخوياي لاتشيل هم
والطلاب من جنسيات كثير مااقدر احدد لاني مااعرف

وانشالله نشوفك بأقرب وقت

وبالتوفيق

الأخ ميدو سلمك الله وجزاك الله كل خير
عندي أسئلة أتمنى منك الاجابة عليها واسف لإزعاجك
أنا مرافق لزوجتي المبتعثة هل يحق لي أن ألتحق هناك بمعهد لغة انجليزية وهل القبول فيه صعب
ثانيا : هل هناك تخخصات ماجستير تمويل وماجستير ادارة مستشفيات
ثالثاً : هل هناك سكن عائلي في الجامعات واللي معاه ولد كيف يسوي هل هناك حضانة اسلامية مثلا ً
رابعا ً : الله يجزاك الف خير هل من اللمكن أن أراسلك على الخاص تجيب لي قبول لدراسة اللغة الانجليزية في المعهد لكي أقدمه من الان على الوزارة لأنهم قالوا لي لازم تجيب أنت القبول وحنا نعطيك الضمان المالي وأنا مستعد لدفع تكاليف تعبك الله يجزاك خير ويجعل ما تقوم به في ميزان حسناتك ويوفقك في الدنيا و الآخر
وبعدين بصراحة وش أحسن نيوزلاندا أو سنغافورة بصراااااااااااااااحة

يا بعد حيي انت ما قصرت الله يعافيك ..

وان شالله راح نتقابل على خير يا رب ..

واذا بغيت شي من السعوديه لا يردكـ الا كيبوردكـ