*ملتقى طلاب سنغافورة*

اخوي القلم الساخن يحق لك تلتحق طبعا وماحد يقدر يقولك اي شي والقبول فيها سهل وطبعا اي معهد تسجل فيه يسوون لك اختبار تحديد مستوى بس ومن ناحية القبول اكيد بيقبلونك , بس المطلوب منك تبحث بالنت عن معاهد لغة بسنغافورة ورح تلقى كثير

ثاني شي بالنسبة للتخصصات اللي طالبها ماادري عنها بس هاذي اسماء الجامعات وروابطها وانت ابحث فيها

جامعة سنغافورة الوطنية http://www.nus.edu.sg/

جامعة نانينج للتكنولوجيا http://www.ntu.edu.sg

جامعة سنغافورة للإدارة http://www.smu.edu.sg/

ثالثا بالنسبة للسكن في سكن عبارة عن سويت تقريبا بالجامعات انتم اول ماتجون كلكم هم بيكونون مجهزين لكل مبتعث سكن بالجامعة اللي هو فيها بعدين انتم بكيفكم تغيرون ولاتبقون شي راجع لكم

رابعا بالنسبة للولد موجود روضات اسلامية وفي غير اسلامية بس مادري كيف نظام كل من الثنتين عليك انت تشوف هالشي يوم تجي لانكم الوقت اللي تجون فيه يكون اجازة مافي الا حنا ندرس وانتم لان كورس الانجلش طويل شوي

خامسا اخوي انا احمد اللي كلمته بالجوال وانا اضفتك عندي بالايميل واذا تحب تتواصل حياك

سادسا والاخير اخوي في شي بكلامك ماعجبني وهو انك تقول جيب لي القبول بمعهد وخذ اجرك ترا مايصير هالكلام انت اخو ولابين الاخوان شي من كلامك ولانا غلطان ؟
وقبول المعهد انت جيبه عن طريق النت يكون افضل عشان الصورة تكون واضحة قدام عيونك وتكون فاهم كل النقاط وحذافيرها

وبالتوفيق

اختي خوخة السكن سواء خارج او داخل كله نظيف لان سنغافورة مافيها شي مو نظيف
انا ساكن بسكن الجامعة ومرتاح بس ماادري عنك انتي مع مرافق ولابدون هالشي يحدد السعر

وفي شي ثاني انا مااعرف انتي بأي جامعة عشان اقولك كم السعر

وشي احب اضيفه ان دفع الاجور حقة السكن مايطلبونها على طول يعطونكم وقت عشان تسلمونها ويكلمونكم قبل بفترة

وطبعا شي ضروري انك تجيبي معك مبلغ حول 3000 الى 4000 ريال

والمكافأة اكيد انها مارح تكون اول ماتوصلون لاننا انا وزملائي علينا نفتح لكم حسابات بالبنوك وانتم تجهزون اوراقكم وتعطونها للسفارة عشان ترسل للملحقية وبعدها بكم يوم توصل المكافأة

وبالتوفيق

اخوي محمد ماتقصرون كلكم بدون استثناء

بس ماعندك مانع اتمنى انك تكتب عنوان المعهد لي اللي انت فيه

عشان اتأكد بالضبط انه هو اللي عندنا ولالا

او تكتب اسمه بالانجليزي عشان اقولك

وتكتب عنوان الهوستيل اللي حاطينك فيه عشان اروح استكشف واشوف كيف كويس ولالا

الأخ الحبيب ميدو جزاك الله كل خير أنا ما أقصد أتعابك أنت لأنك أتعابك ترجيها من العزيز الحكيم والله يجزاك كل خير بس أنا قصدت اتعاب المعهد والله يجزاك كل خير
حقيقة اني ابحث بالنت ما عندي خبرة في المعاهد اللي هناك أنت أخبر فيها انا ابي نفس المعهد اللي تبعثنا وزارة التعليم العالي له ابي مع زوجتي يعني لو كنت تقدر تعطيني ارقام المعاهد هناك ياليت الله يجزاك خير لو ما فيها كلافة عليك
وبعدين أنا أتشرف وأفتخر بصحبة امثالك وأنا أشهد أن الاتصال معك كنت بغاية اللطافة والتعاون بارك الله فيك

مافي اي تعب يالغاليين

وبالنسبة لك يالقلم معهد اللي تبعثنا له الوزارة صعب مررررة

مارح يكون سهل انا بكرة بشوف واجيب لك الارقام والموقع حقهم

وعاد انت شوف كيف

جهودك رائعة ميدو .. الله يعطيك العافية ويوفقك دنيا وآخرة ..

وما أقول الا الله يكثر من أمثالك ..

الأخ ميدو الله يجزاك خيير ويبارك فيك ويجزاك ألف خير ولا يحرمك الأجر
بانتظارك الله يوفقك لأعلى الدرجات في الدارين الدنيا والآخرة

جميعا انشالله اخواني

يجمعنا مع بعض بالخير

ويوفق الجميع

الأخ ميدو الله يبارك فيك بانتظار أسماء المعاهد الله يجزاك خير
(تم حذف الإيميل لأن عرضه مخالف لشروط المنتدى)