*ملتقى طلاب سنغافورة*

رحت امس لادارة البعثات لاسأل عن قبولات سنغفورا واليكم الحوار الذي دار بيني وبين ماجد الحربي

مبتعث: السلام عليكم
الحربي: عليكم السلام تفضل
مبتعث: ابي اسألك وش صار على اللي ما جاهم قبول بالمنتدى
الحربي: اي دوله
مبتعث: سنغفورا
الحربي: اووووه سنغفورا هذي شي ثاني
مبتعث: ليش واش السالفه
الحربي: لسا يبيلها شوي
مبتعث: يعني ايش نسوي حن قبولات والا كيف
الحربي: تقدر تسوي قبول
مبتعث: ممكن احاول بس المشلكة كلها ثلاث جامعات واخاف اسوي قبول يتعارض مع قبولاتكم
الحربي: صح صح لكن اصبر وراجعني بعد اسبوعين ان شاء الله يكون خير.
مبتعث: طيب الله يعطيك العافيه مشكور
الحربي: يالله اللي بعده (يعني خلاص فكنا)

ههههههههههههههههههههههههههههه
حوار حلو مرة
جزاك الله خير اخ مبتعث
بصراحة استغرب أن القائمين على البرنامج من ذوي المؤهلات العالية لكن ودي لو ترجموا هذه المؤهلات في تعاملهم مع الاخرين
سؤال مهم جدا : ليش الوزارة ماحاولت تلغي بعض الدول اللي فيها صعوبة شوي في القبول مثل ستغافورة طلاب سعودين قليل معيشة غالية جدا انظمة معاهد وجامعات صعبة نوعا على حسب مانسمع
لو حددو دول قليلة متميزة كان افضل لهم ولنا واريح لهم ولنا يقل عدد الدول يعني يقل الجهد على الوزارة وجود مجموعة كبيرة من الطلاب السعودين في دولة معينة يعني وجود راحة نفسية اكثر
دول مثل سنغافورة مافيها غير 3 جامعات معترف بها من وزارتنا الحبيبة وش تبي فيها الوزارة ؟ ؟ ؟
اقتراح ووجهة نظر بس . . .

أخي متعب جزاك الله خير الإخوان في المنتدى يمنعون تبادل البريد الالكتروني ورقم الجوال
ياليت تشوف لنا حل
انا من سكان المنطقة الشرقية - الدمام - ودي نتقابل في الاجازة الصيفية لو تكرمت يعني بارك الله فيك
شوف لنا طريقة نتقابل فيها واتشرف انا ايضا بك

سلام عليكم

مع جمال وبساطة سنغافورة، إلا أنه بالنسبة لي فنظام المواصلات في قرف المقرفين للأسف.....هناك عدة وسائل للمواصلات:
الأولى: تشتري لك سيارة خاصة فيك وهنالك الكثير من الشروط المعقدة والضرائب الكثيرة على ذلك وأسعار السيارات الخيالية أيضا في هذا البلد مما يوصل أحيانا دبل السعر عندنا في السعودية...ثم أن البنزين عندهم أغلى شيء...أكثر من.2دولار للتر الواحد...تخيلوا.....وإذا تبي تجيب سياراتك من السعودية شبه مستحيل....ليه؟ لأنهم يسوقون سياراتهم باليمين مو زينا باليسار...والشوارع عندهم عكس شوارعنا...زي بريطانيا بالضبط......ملاحظة::في سيارات مستعملة ولكن محدودة بسنوات معينه....
الثانية: تستخدم التكاسي,,,,,وااو....التكاسي غالية مرة، وحاليا قبل لا تجون زادوها زد شوي......يعني لو تقول مشوار يأخذ عشر دقايق بيأخذ عليك 10دولار......هذا لو كان الطريق سالك ولا في أي زحمة،،،،أما لو في زحمة والا أي معوقات تأخذ بدال عشر دقايق عشرات الدقايق وتدفع إلى ما يقارب 20-30دولار على المشوار الواحد وأنت أحسب كم بيكون عندك مشوار في اليوم....
الثالثة: الباصات،،،،وهي رخيصة جدا مقارنة بغيرها من المواصلات,,,,ومكيفة كلها ومريحة بس،،،،إذا ما كان الباص زحمة،،،،،لو كان زحمة فانسى الراحة لأنك بتظل واقف على طول الخط....والباصات منتشرة حول سنغافورة كلها....وكل باص يحمل رقم ويوصل إلى منطقة وبتتعرفون عليها يوم توصلون إن شاء الله......
الرابعة: القطارات....وهي مريحة ورخيصة ولكن ينطبق عليها نفس كلام الباصات....

حكايتي أنا أول ما جيت،،،،،مصمم على شراء سيارة،،،،الشهر الثاني بعد ما شفت الغلاء الفظيع.....قلبنا على التكاسي.....الشهر الثالث يوم شفنا كل شهر نفلس...قلبنا على الباصات والقطارات......فاستفيدوا اخواني وخلوكم على الباصات والقطارات من البداية..


تحياتي للجميع HassanAlyami

تقرير كويس بس فيه نوع من الاحباط بس ما يخالف

انا بالنسبة لي الله لا يعوق بشر الباصات والقطارات
لانه ياشباب لازم نعود انفسنا على ضروف معيشه تختلف ونشد الاحزمة خلال هذه الفترة واذا رجعنا فلوهااااااااااااااااااااا زي ما تبون

صدقت أخوي متعب..ومشكور على التعليق...ولازم كلنا نكون أقوياء ونسعى إلى تحقيق أهدافنا المرجوة بأي ثمن بإذن الله.....ولا يوقف أمامنا أي عائق.....

تمنياتي لجميع الدارسين في سنغافورة حاليا ولجميع من سيشرفنا فيها إن شاء الله بالتوفيق......




تحياتيHassanAlyami

اخي الحبيب all about Singapore ممكن اسألك عن التخصصات التالية بأي الجامعات توجد
تخصص إدارة مستشفيات - تخصص إدارة الأعمال ( موارد بشرية - او ادارة الجودة ) بارك الله فيك ويجزاك ربي خير الجزاء على ما تقدمه لنا هنا , ,

أول شي ابارك لكم فوز المنتخب على سنغافوره

ثانياً انا مبسوط عشانهم فازوو لأني مقهور من هالسنغفوريين مسوين انفسهم شي كبير

قسم هالفيزا اللي قدمتها عليهم لو انا مقدمها على نيويورك كان رحت من شهرين

واخررررتها يرفضون فيزتي بدون اي سبــــــــــــب ..!!!!؟

مع العلم اني دافع فلوس السكن والمعهد سويت لهم خطاب استعطاف مع انهم مايستاهلون ابد ابد

ادعو لي يا شباب تنجز هالفيزا ويوافقون السنفوريون ..

والله اتك صادق انا اقول ان سنغافورة مش دولة متقدمة جدا جدا عشان تحرص عليها الوزارة لا وبعد سمعت منك ومن غيرك انها معقدة جدا . . الله المستعان .. ربي يعينك ويوفقك

افا حتى الفيزة فيها انننننا
مع ان ممثل السفارة في الملتقى يقول اسبوع الى عشرة ايام بالكثير.
لكن من هنا لوقتها يحلها حلال.