ياماما والله خوفتوني

السلام عليكم ورحمه الله وبركاته
اختي ..
ابغى اقولك شي وحطيه في بالك
الواحد لو حاط في بالو انو ما راح يستفيد اكيد ما راح يستفيد حتى لو وديتيه امريكا وبريطانيا
روحي شوفي امريكا و بريطانيا عليهم مشاكل كمان
في كل مكان حطي في بالك انتي مش في بلدك و اكيد طبيعه المعامله راح تختلف " ياغريب كن اديب "
وحكايه اللغه .. حتى لو كنتي بامريكا وبتمشي مع عرب اكيد ما راح تتكلمي ولا كلمه
انا صراحه اول ماجيت ماليزيا انصدمت منها كبلد .. اول شي ماكنت اتخيلها كذا بكثر ما سمعت عنها ولا اتخليت انها ممكن تكون اسلاميه و هيا كذا .. لكن للحق وربي شاهد على كلامي اني حسيت فيها براحه نفسيه ماحسيتها بدول الخليج .. وغير كذا انو المجتمع يقبلك زي ما انتي .. مايفرض عليكي تصيري زيو او تغيري من شكلك ..
نصيحه مني .. تجربتك مو بالمثل ممكن تكون نفس تجربه غيرك..
هذا الكلام الي يحضرني حاليا ..

وعليـكـم الـسـلآم ورحمـة الله وبـركـآتـه

انـآ قـريـت كـثـيـر مـن الـمـوآضـيـع

وبـآلـفـعـل فـيـه إربــآكـ مـن طـلآبـنـآ : )

بـس لـمـن فـرفـرت مـثـلـكـ عـلـى كـل الأقـسـآم الخـآصـه

بـآلـدول الـثـآنـيـه لـقـيـت اللي

يـسـب واللـي يـمـدح

وبـعـدهـآ عـرفـت ان الـمـسـألـه شـخـصـيـه

وتـرجـع لـ تـقـبـل الـشـخـص نـفـسـه للـبـلـد اللي يـدرس فـيـه : )

واخـيـرآ قـررت أروح مـآلـيـزيـآ

ورحـلـتــي يـوم الـجـمـعـه الجـآيـه الـسـآعـه 10 ونـص بـآلـلـيــــل

انـتـي إسـتـخـيـري ربـكـ قـبـل كـل شـي

واذا نويتي الـدآسـه

تـوكـلـي عـلـى ربــــكـ ولآيـردكـ شـي : )


هـذآ الـلـي عـنـدي و خـيـتـو UM student

مـآقـصـرت بـردهـآ عــلـيـكـ مـن وآقـع خـبـرتـهـآ بـآلـبـلـد : )

والله بكل مكان الشين والزين محد يقدر يفرض رايه عالكل احنا جربنا ماليزيا سياحه وحبيناها وان شاء الله انحبها بالدراسه انا توني قدمت وناطر القبول

السلام عليكم .. لو مافيه بماليزيا ميزة الا ان المسلم ياخذ حريته كاملة وانك تسمع صوت الاذان كان كفااااها .. فكيف لو اضفنا لها قوة التعليم >> مقارنة باللي عندنا وفوقه رخص الاسعار نسبيا ..!! .. انا من ناحيتي ادرس هنا وماراح ابدلها باي مكان ان شاالله ..
فيه نقطة وهي اللغة .. صحيح انها ماتقارن بامريكا وبريطانيا لكن بالنهايه البلد الانجليزيه مو من لغاته الرسميه ..

اللي حاط فباله انه راح يعيش نفس السعودية ماراح تعجبه ماليزيا واللي حاط فباله ان ماليزيا نفس اوروبا وامريكا بالتعليم ف راح يتحطم ..

نصيحه الي بيكمل ف ماليزيا يروح لجامعه مافيها سعوديين معليش عالكلمه بس التذمر شغال قوولو حمدلله ياناس والي مو عاجبه يروح من البلد peace

هلا فيكي عزيزتي


اول شئ صدقيني الكلام الي قالوه الاخوان عن ماليزيا ومستواها التعليمي ما جاء من فرااااغ يعني اكييد بيكون من تجربه وواقع


انا عن نفسي من الطلاب الي حولو من ماليزيا لدولة ثااانيه لأني ابدا ما ارتحت فيها ابدا ( ليا سنه ونص تقريبا )


((في نظري ماليزيا سياحيه اكثر من انها دولة للتعليم ))


واذا انت مبتعثه حاولي تغيري وجهتك لأي دولة أروبيه وهذه اعتبريها نصيحة أخ

دمتي بوود

لو اتحدت الاذواق لبارت السلع

انا ممكن تناسبني ماليزيا لكن مابالضروري تناسب غيري

ومثل ماقالوا الاخوان استخيري ووكلي امرك لله سبحانه ولا تخافي ابد

وبالتوفيق لنا جميعاً

كل إنسان ذاهب لتحقيق هدف معين .......... وهو أكمال تعليمه .
أول يقولون فلان ذهب يدرس في الخارج ، ولا نعلم ما هو الخارج ، إلأ أنه خارج الدولة فقط ، ولا نعلم كذلك عن الجامعة وتصنيفها ...

أخي / أختي ...

التعليم الآن يختلف ، وأمريكا وبريطانيا أصبحت ثقافة قديمة ، وأصبح غالبية الشعب يحمل شهادة من أمريكا وبريطانيا ..
أخي الجامعات والشركات الآن تفضل خريجي جامعة الملك سعود ، وجامعة الملك فهد للبترول والمعادن ، فالخريجين من جامعاتنا أثبتوا تفوقهم على من تخرج من خارج السعودية ، حتى البعض منهم درس اللغة داخلياً وأصبح أفضل من الذي تعلمها خارج الدولة ..

أتذكر عندما كنت أعمل في أحد البنوك ، كان هناك شباب من بريطانيا وأمريكا ، بعضهم تم الأستغناء عنهم والآخرين مشي حالك .. " طبعاً لا أعمم " .. فهناك كفاءات سواء من الداخل أو الخارج ...
عندما قررت الدراسة خارج المملكة ، تم توجية نصيحة لي من أحد أساتذة الجامعات بأن أذهب إلى الصين أو سنغافورة أو ماليزيا أو اليابان ، وبرر قوله بأن هذه الشهاده سوف تعطيني تميز عن غيري من الناس ، فالكثير الكثير هم من بريطانيا وأمريكا من أكثر من 40 عاما .. وهناك دليل على صدق قوله عندما أكد ذلك وزير التعليم العالي في كلمته للطلاب في بريطانيا حيث قال أذهبوا إلى أي مكان غير بريطانيا واستراليا ونيوزلاندا ... إذ لا يعقل أن يتجمع الطلاب في مكان واحد ..

أخواني أبحثوا عن الندرة في أي مكان ، قال أحد المسئولين لو أتى شخص يحمل شهادة من فرنسا لأستقطبناه مباشرة ، مؤكدا بأنها ثقافة جديدة وتعليم جديد ..

ماليزيا تعتبر من أفضل الدول في التعليم حالياً ، ومطلوبة من جميع القطاعات ... عندما تكون هناك وظيفة يراد شغلها بشخصين وتقدم 6 أشخاص 5 من أمريكا وواحد من ماليزيا ، من تتوقع يشغل هذه الوظيفة ، تم توجيه هذا السؤال لأحد المسئولين ، فأجاب 1من أمريكا والآخر من ماليزيا ..

بالتووووووووووووووفيق