مطلوب معلومات عن المدينتين ملاكا وسايبرجايا والفرق بينهم !

اهلاً أخـي الكريم ,,

انا طبعاً آدرس بملاكا , واقولكـ انا ملاكا ماتحس فيها بالزهق ابداً ابداً لأن متوفر فيها كل شيء المجمعات والسينما والأماكن الترفيهية الي ماتبعد عن الجامعة الا يمكن 7 دقايق , يعني اقولكـ ملاكا بعكس سايبرجايا تماماً , سايبر مافيها شيء يعني ماعندهم الا مجمع واحد هناك وبعيد عنهم وغير عن اسعار الأكل والسكن هناك غاليه جداً جداً ,



الزبده = ملاكا وناسه .
سايبرجايا صحراء قاحلة .


بالتوفيق .

مادري اتذكر كأني رحت سايبرجايا !!
اتذكر كانت طبيعة رووووعة غير عن كل ماليزيا !!
صدق صدق الزهور في كل مكان مرتبة والجو خيال وكل شي جميل
مادري اسمها سايبرجايا ولا بتروجايا ؟؟! p:
اما ملاكا ... فيها افاموسا لووول D:

يا شباب معليش بدخل بالعرض
بس ابي اعرف جامعة بوترا في اي مدينة لأني رايح هناك ليلة السبت القادم أو السبت صباحا فأبغى أعرف الجامعة في اي مدينة

والأمر الثاني إذا فيه احد يستقبلني هناك يكون الوضع جيد جدا ...

أخوكم ابو زياد ...

وهذا إيميلي لمن يريد التواصل معي (تم حذف الإيميل لأن عرضه مخالف لشروط المنتدى)

أهلا أخوي ..

كل واحد المفروض يتكلم عن المكان اللي هو عايش فيه وبس ،، عن نفسي عايش بسايبرجايا و بأعطيك رأيي بصراحه ..

سيبرجايا مدينة مرتبه و الأمن فيها عالي حتى الشوارع أصبحت مراقبه بالكميرات و يسمونها "سمارت ستي"..

بالنسبة للسكن متوفر فيها عماير معقوله تلقى غرفة ب400 رنقت او أقل و إذا تبغى أرقى من كذا موجود فهناك أكثر من سكن ..

سيبرجايا فيها مطاعم عربية متعددة و نظيفة يعني ماراح تفتقد للكبسات و المشاوي و الإيدامات العربية ..

تتميز بقربها من المطار و كذلك قربها من العاصمه كوالا و فيها نظام باص مرتب تركب بـ 1 رنقت و يوديك لمحطة القطار اللي يوصلك للعاصمه و كلها راقيه و نضيفه ..

كذلك فرع الجامعه بسيبرجايا مافيه عرب كثير و هذا يفيدك في اللغة عشان تتعود تتكلم انقلش ..

المدينة هادية و تناسب أجواء الدراسة و عطلات الأسبوع تقدر تروح بوتراجايا اللي هي المدينه الحكومية الملاصقه لها و فيها مركز تجاري فيه مطاعم و سينما و تسوق و أيضا بوتراجايا فيها مناظر جميله و مباني رائعه و منها مسجد بوتراجايا رائع جداً و حوله مناطق للتنزه ..و تقدر تروح للعاصمه بسهوله و بدون تكاليف ..


أتمنى أكون أفدتك و الله يوفقك و أنا حاضر لأي خدمة ..


أعذب التحايا