تجمـع للطلاب الذين يريدون الدراسة بـ ( ماليزيا ) على حسابهم الخاص

العفوو ..
انا جيت هنا ومافي اي ختم بشهادتي ولا احد كلمني ..
وبعدين الخارجية السعودية في النظام الجديد ماتختم انا يوم رحت كنت بدرس بالاردن قالو روح سفارة خادم الحرمين بالاردن وصدقها هناك ورحت بعدين الله كتب لي ماليزيا وجيت هنا وماختمت شي ..
اذا في ختم تختمه من السفاره الي بالدولة الي بتدرس فيها تختم فيها ..


انت شوف مر ع الخارجيه منت خسران حاجه واسأل بس الي اعرفه عادي ..
وحياك الله ..
بالتوفيق

شكرا ع الرد السريع

أخي أنت تدرس على حسابك او مبتعث؟

حسآب الوآلد ..
والعفو حياك الله

ماشاء الله عليك سريع فالرد الله يبارك فيك

أخوي حموود هل حاولت الالتحاق بالملحقيه وهل كان لازم تفتح عندهم ملف عشان تدرس في ماليزيا؟

والله من الفضآوة وانا اخوك والطفش ادخل اطير ضيقتي بالنت ..

ياغلاتي انا منيب سعودي ...
بس في كثير شباب جربو يفتحو وفي بعضهم انضمو ..
بالتوفيق ..

السلام عليكم الاخوان الدارسين على حسابهم السعوديين بالتحديد هل لو جاني قبول باحد الجامعتين الملتميديا وتناقا على حسابي الخاص وبعد كدا قدمت على الملحقيه يضموني على البعثه مستقبليا او لا علما بان الجامعتين موقفه من التعليم العالي السعودي

شباب انا ناوي اروح لمعهد لغة انجليزية في ماليزيا سؤالي هو هل فيه عوائل اقدر اسكن عندهم ولغتهم الانجليزية

اولا : المعذرة عالتاخير بالجواب
بالنسبة للطلاب اللي على حسابهم الخاص وانا واحد منهم..
جاني واحد من اخوياي قبل شهر وكان يبي قبول من مالتميديا واتصلنا بالملحقية نستفسر هل لو جاب قبول من مالتميديا
يقدر ينظم للبعثة بعد مايخلص الشروط اللي هي سنة كاملة بالتخصص حقه يدرسها ويجيب معدل فوق 2.5...
فقالوا لنا مالتميديا معترفة لكن ممنوع لاي طالب يدرس على حسابه ويبي ينظم للبعثة يدرس فيها
وتيناقا نفس النظام حق مالتميديا..بسبب كثرة الطلاب السعوديين فيها..((لكن الواسطة تمشي فوق النظام))
قالوا عليكم بالجامعات الحكومية...عشان تتسهل اموووركم


ولكن انتوا تأكـدوا عشان تكونوا واثقين وهذا رقم الملحقية بماليزيا 0060392846980
والدوام من الساعة 9 الى 4 العصر بتوقيتنا..مع العلم ان وقتكم ناقص من وقتنا بـ5 ساعات

تحياتي لكم بالتوفيق

عماش كيف الحال

ماليزيا لاتوجد فيها عوايل ...
وعوض العايلة انك تحاول تحتك بالطلاب الاجانب وتتمشى معهم ولو تقدر تسكن معاهم عشان تتطور لغتك

سلملم