برقية للملك لوقف استهتار الوزارة

ياناااااس لاتختلفوا انا في ماليزيا من شهرين واكتر وجامعه usmارسلت قبولاتنا للوزارة والى الان ماجاني قرار الابتعاث والوزارة الموقرة تقول انه القبول ماجاه من الجامعه والمشكله اني شفت القبول بعيني والجامعه مشت اموري مع باقي الطلبه اللي وصلوا بس مستعده امشي معاكم لاني رسميا لسه مو مبتعثه



الله يوفق الجميع

...............................

بسم الله الرحمن الرحيم

اخواني واخص بالذكر اخوي عرب ماليزيا....

الوزاره بالاول مو مجبره انها ترسلك او تدرسك بالخارج لأن فيه جامعات وفيه كليات بكل مكان بالسعوديه تقدر تدرس وترفع راسك وتجيب افضل الشهادات منها

وثانيا انا اتكلم عن نفسي وعن مجموعه من الطلاب مثل حالتي واحلف لكم اننا طلعنا لماليزيا ودرسنا على حسابنا والحمدلله ارسلنا اوراقنا للملحقيه وتم الموافقه عليها لنكون مبتعثين والحمدلله اكملت اجرائاتي كامله وجميع ما حصل بتوفيق من الله ثم بجهد اخواننا بالوزاره

ثالثا لو تبي تسوي شي او تتكلم ياخوي من رادك هذا الديوان الملكي ينتظرك روح لمهم وتكلم ولا تصير فالح تتكلم بالمنتديات وتقول وتقول وتقول

ورابعا والاخير اتمنى من الله ان يهديك ويصلحك لما فيه الخير والسداد

-----------

اختي توفي....

بأمكاننا مساعدتك بهذا الخصوص ولكن اتمنى شرح حالتك بالتفصيل وعرضها بملتقى الطلبه السعوديين بماليزيا www.sainmy.org

وسيتم اخبارك بالتفاصيل بما انك بماليزيا


دمتم بحفظه تعالى
اخوكم
عبدالعزيز بن محمد الضبيب

السلام عليكم
حنا مانخلص من موضوع الا نطيح بواحد اكبر منه
الله يهدينا واياكم ويفقنا جميعا وان شاء الله القبولات عن قريب توصل .
ادعوا لبعض يا اخوان بدال التعليقات الي لا تقدم ولا تاخر .

اخوي عبد العزيز .. انت مجال دراستك ايش ؟؟

الله يوفقنا واياكم

هلا بك ابو محمد

انا ياطويل العمر حاصل على دبلوم حاسب آلي من السعوديه وطلعت اكمل دراستي بالبكاريوس

وتخصصي حاسب آلي بعد

واي شي انا حاضر
اخوك

السلام عليكم ورحمة الله وبركاته

هلا بك عبدالعزيزي
ابد ياغالي مابي الا سلامتك واسال الله لنا ولك التوفيق والسداد
سؤالي كان من باب "اللقافة " لا اقل ولا اكثر
شكرا لك