للحاصلين على قبول من جامعة بوترا للتعارف

الدرجة العلمية : ماجستير

التخصص : تسويق

والدراسة توني بادية كورس الانجليزي

تحياااتي لك ولكل قروب UPM

وعن الايميل استقبل رسائل خاصة على هالمنتدى

هلا بك اختي روض نجد
انا لحد الان ماسافرت ودراستي تبدا في 9/7/2007 لبرنامج الدكتوره والقبول الذي وصلني مشروط باللغه
ياريت تفيديني ماهي الاجراءات؟ هل عند وصولي سالتحق باللغه ام بالبرنامج ؟علما بان لغتي لاباس بها لكن ماعندي اختبار توفل او اي ال تي اس

والسوال متى يبدء عادتا كورس اللغه هل هو شهريا ومتى تاريخ البدء ؟
وهل هو بالجامعه ام خارجي ؟

ولكي جزيل الشكر

مساء الخير حسب توقيتنا(مع مراعاه فارق التوقيت)

احب اسال عن التسويق كم مده الدراسه لماجستير التسويق ؟؟
وباي لغه يدرسونك ؟؟
وهل ارسال القبول ياخذ وقت كثير عندهم ؟؟

بصراحه انا عندي قبول ماجستير اداراه (مفتوح) لاي جامعه بماليزيا

اشكرك على تعاونك مقدما

اخوي هلابك اولا

ثانيا كلنا تبدى دراسة التخصص على شهر جولاي

بس انت لا جيت اكيد بيحطونك الان معنا في الكلاس

الكلاس هذا ضامين فيه كل المبتعثين السعوديين في بوترا

وله بادي من اسبوع اكيد بتلحق عليه لان اصلا يومهم بسنه بس انت حدد موعد سفرتك

وان كان ما بقى لك شيء على التوفل الافضل خذه من السعوديه وتعال على جولاي وقتها تدخل بالتخصص على طول

انا راح اوصل لماليزيا باخر شهر 6 انشاء الله

ياريت تفيديني هل الدورة تبدأ كل شهر ولا كل 3 اشهر
والكلاس وين موقعه هل هو بجامعة بوترا ولا بمعهد خارجي
اما انهم جامعين كل السعودين بكلاس واحد فهذه مشكله ماراح نستفيد لغه راح نعلمهم سعودي

وبالتوفيق

هذه اصلا ما فادونا فيها ومهي كل شهر

هذا كلاس فتحوه للطلبه السعوديين اللي جو يعني لمده 7 اسابيع على قولتهم

ويقولون اللي يجتازجها يختبر ويدخل على الدراسة في جولاي

واللي ما يجتازها يكمل لغة

ويوم سالنا يكمل قد ايه ؟؟ يعني كم شهر والا شهرين

ما عطونا جواب

لان اصلا الجامعة موب مؤهله لتعليم اللغة الانجليزية

وما عندهم برنامج محدد يعني على البركه

انا اليوم قدمت اخلاء طرف وقبلوه اني ارجع لهم في شهر ابريل الجاي حول السنه تقريبا

منها ادرس في معهد خارجي ومنها اخذ دورات ثانيه

بس وضعي ما ضبطه مع الملحقية الله يستر لا تنقلب على راسي

راح ادرس على حسابي لو عوضوني خير وبركة لو ما عوضوني مني بناقصة شيء بس اهم حاجة استفيد مو تضيع علي فتره وانا محلك سر

وعلى فكره بالكلاس فيه 9 بنات وتقريبا 15 شاب او يمكن اكثر ما عديتهم

الله يعينكم
صدقيني اذا كنتم كلكم سعوديين ماراح تسنفيدوا شي وهذه اكبر غلطه من الجامعه المفروض تحتكوا مع اجانب عشان تستفيدوا

والله خوفتيني بصراحه طلعت الجامعه ماعندها سالفه

بس برضوا ماقلتي لي هل الكلاس بنفس الجامعه ولا خارجها لاني ابغى ابحث عن سكن وابغى اعرف اذا كان برضه بسلانقور ولا بعيد عنها

للرفع


يانتظار ردود

ما دري وش الأجانب هذوول هنود وصينيين لو تجلس معاهم طول عمرك تتكلم باللغة الإنجليزية ما راح تفهم شيء ( تقول واحد ظاربهم وهم يتكلموون ،، الله يخلف )

خلنا نتكلم مع بعضنا أحنا ياسعوديين أحسن بكثير