رسالة من أرض الأوهام ( أسيا الحقيقية زعموا ) إبراء للذمة ....

أنا مع الاخت بنت بسبوسة

ومع كل هذا .. تبقى ماليزيا من ارقى الدول الاسلامية وافضلها

حتى من ناحية تطبيق بعض الاحكام الشريعة

ويكفي أنها الدولة الاسلامية الوحدية اللي جامعاتها عالمية

ويكفي أنا الدولة الاسلامية الوحيدة اللي معدل الشفافية فيها مرتفع ..

بينما جميع الدول الاسلامية والعربية بالذات .. تعوووووم في بحووور من الفساد

ولو بقارن ماراح اخلّص ..

وشي طبيعي أن الزيارة السياحية غير عن العيش في البلد .. في كل الدول

الله يستر والله بأذن الله وجهتي الى ماليزيا بس بصراحه ماادري كأني بهون

أعجبني ردك يامسافره.....فعلا كلامك في الصميم

شكرا لك يا أخي العزيز

كبيييير والله يا حور ... وكثر الله من أمثالك

جبت كلامك على الوتر الحساس ....

لكن الله ييسر الحال ...

بغض النظر عن كون ماليزيا دولة اسلامية او لا فاي دولة ستبتعث لها ستجد الانحلال الاخلاقي لكن الاهم هو مسألة الدراسة حيث ان المعاهد اللي ابتعثت لها التعلم العالي كلها ضعيفة و مكدسة بالسعوديين ...

لكن لا تستعجل ! لأنه مرحلة اللغة تفرق كثير عن مرحلة الدراسة الجامعية ... بالتوفيق و لخيرة فيما اختار الله

اخي الكريم

انا في ماليزيا للدراسة

اسمح لي بان اعلق على بعض ما ذكرته

تتكلم عن الفساد هنا

اول شيء: ماليزيا عبارة عن مجموعة من الأديان يعيشون في دولة واحدة وكل منهم يحترم الدين الآخر

فهذا طبيعي جدا ان ترى اختلاف الاديان حنا حتى من ناحية الأكل يوجد هنا لحم خنزير يكون في علمك

بالنسبة للفساد اعتقد ان الفساد متواجد في كل مكان وتستطيع اي شخص ان يفسد حتى في السعودية وكم شاهدنا وسمعنا عن مشاكل عرض ولا تنسون حادث التصوير في حديقة الروضة الشهير

بالنسبة للدراسة : مشكلة الدراسة هنا هي الوزارة لأن الوزارة معترفه فقط في جامعات قديمة وحكومية ماليزية بالأمس فقط تم اعتراف لجامعة مالتيميديا

لماذا هذه المعانات للدراسة لا يعاني الطالب الخليجي الآخر العماني وهم هنا بكثرة
لأن وزارتهم تعترف بجيمع الجامعات هنا خاصة الدولية

فستطيع ان تدرس في اي جامعة دون ان تدرس اللغة الماليزية


بالنسبة للغة : اللغة هنا مكسرة وهي خليط من اللغة الماليزية والصينية وهذا الكلام انا اتفق معك فيه واعتبر ان ماليزيا بلد سياحة كدراسة لغة لا تصلح ابدا

لاكن حاول ان تعتمد على نفسك دون الرجوع للمعاهد

بالنسبة لكلامك عن آسيا الحقيقة كلامك صحيح وهم اوهام اعطوا ماليزيا اكبر من حجمها
ماليزيا بلد سياحة فقط

اما إذا كنت تبي الدراسة فهنا نسأل وزارتنا

لماذا جميع او غالبية الطلبة المبتعثين يدرسون فقط في مالتيميديا
يا وزارة افتحوا المجال للدراسة وطلب العلم مثل ما هو موجود في جميع وزارة التعليم العالي في الدول الخليجية

لاحظ عزيزي ان الطالب يشتكي من الوزارة خاصة في اعترافها بجامعات قديمة
سؤاء كنت بأستراليا او حتى الطلبة الدارسين في امريكا او بريطانيا

يشتكون من قلة عدد الجامعات وكذلك قلة عدد المعاهد المعترف بها


اما بالنسبة لللأشخاص الذين رجعوا فأعلم عزيزي ان اكثر من يدرسون اكثر يعتبرون الدراسة سياحة ولاحظ الطلبة الذين ذهبوا لأمريكا في بداية الأبتعاث درسوا سنه وبعضهم سنتين لغة فقط
ثم كنسلوا البعثة

فيوجد فشل كبير من الوزارة خاصة في التخطيط للمستقبل

لأن الأنظمة المتبعة من الوزارة بحاجة ماسة للتحديث والتطوبر

اشكر اخوي طالب الحور على الاهتمام
بس كلامك جاء في وقت متأخر احنا الحين همنا بس يجينا القبول بعد انتظار استغرق سنه من اول ماسجلت وانا خايفه من ماليزيا تكون اقل من طموحي بس لان ما عندي محرم بيبقى معي في دولة الابعاث واختي بتروح مع زوجها وحاولت اقنعها ان نسجل في دوله غير بس ما وافقت بناء على طلب زوجها على اساس ان مالزيا اسلاميه وانا الحين اسمع واشوف اللي كنت خايفه منه

اتذكر اول ماسجلت في البعثه كنت مره فرحانه وقفت كل شيء بسويه افكر اني بكره بسافر وماتتخيلو الحماس اللي كان معي اني بتعلم لغه وبكمل دراستي شوي شوي قام يقل الحماس

لما سمعت عن اللغه وبعدين كلام اللي راحو ماليزيا وهلم جرا
وصرت الحين بس ابي اروح ويجيني القبول وكم مره تجيني فكره اني اغير الدوله بس اقول خلني اروح ماليزيا وبعدين اقرر
وبعدين اذا ماليزيا دوله غير مؤهله ليش يرسلونا لها انا بس منقهره على اللغه لاني نفسي اتعلم لغه عدل ان شاء الدراسه الاكاديميه تكون بمستوى عالي مانبي نتعب وبعدين نرجع حالنا حال اللي ماتغرب
وفي النهايه اللي فيه الخير بيصير
وسامحوني على الاطاله ترى اول مره اكتب موضوع طويل هذا كله من الانتظار اللي اخذنا عليه شهاده

ياعآلم كل وآحد وله وجهة نظر ..

فيه ناس انبسطت من ماليزيآ .. وفيه ناس ماتعجبهآ ..

سلخيررر يا شباب . .

والله الموضوع باختصار وبدون فلسفه . . اللي راح من ديرته في راسه دراسه بيدرس . . أبووي راح الهند من أيام الفقر والجهل والحمدلله ما شكى من شيء . . مع ان الوضع كان اسوء من ماليزيا بمليوون مررره . .

أنا جيت ماليزيا واعترف اني شفت الوضع عكس ما كنت متوقع . . بس الحمدلله انا عايش في مدينة ملاكا

واجلس شهر كامل ما اطلع من السكن . . بس من الكلاس للسكن . . خلاص تعودت وتبرمجت على كذ1 . . وارتحت . .

المشكله الوحيده في ماليزيا انهم شعب متخلف والإسلام عندهم ماشي حالك . . وجاهلين . .

((( ومافيه نظام يحمي المواطن او المقيم .. . الزبده نظام عصابات . . وما يحتاج أسرد واتفلسف ..

بس السكن والجامعه فيها امان مرررره . . عكس اللي حوالي السكن . .

ونصيحتي للي بيدرسون .. أقولهم ادرسوا لغه برى ماليزيا وتعالوا احسن لكم .. .

وبعدين ترى الطلاب السعوديين ما كثروا في ماليزيا الا بعد ما فتحوا الابتعاث لماليزيا . . والا أول كانوا عدد قليل ما يذكر . .

ولا تنسون ان فيه طلاب جااايين على حساب الخيشه .. يدفع من جيبه . .ناس تركت وظايفها وناس اتسلفت وراحت لماليزيا لأنها أفضل الدول الموجوده للدراسه بإسعارمناسبه . . كل واحد يقول الحمدلله انه مبتعث تراه فيه نعمه . .وطاعة الله والصحبه ترى لها دور هناك في تأقلمك مع الحياه هناك . .

وفيه ناس بصراحه ما تستحق بعثه جاييين يوسعون صدورهم ويتمشون مع الأسف . . تحصلونهم في كوالا بشارع العرب جالس يعسل ويضيع وقته . .

فيه ناس بامريكا تقوم من النوم متروعه ومفزوعه من اصوات اطلاق النار . . واحنا هنا بماليزيا نتروع ونصحى متروعين من صوت الرعد ... يا رب لك الحمد ..

عندي كلام كثير .. لكن ما احب اتفلسف . . الله يخلي لي قهوتي ويا رب ما تخلص بس ولا اموري زينه ..

متى اخلص من هالديره وافتك وياخذ هالصينيات اللي مسوين لي أزمه بحياتي ..

أعوذ بالله نصلي صلاة الجمعه بحرم الجامعه واحنا بالصلاه تمر من قدامك وحده صينيه يالله عاد تجلس تدعي ربك انها تقبل منك هالصلاه .. حسبي الله عليهم . .

متى تزوجيني يا أمي

قولوا الحمدلله بس ما راح تعيش عمرك كله هناك .. اخذ منهم الشهاده وبعدين . . !!! إلخ ))

الله يوفقكم . .