LinkBack URL
About LinkBacks والله لخبطه من جد بس ما اقدر اقول غير الله يعينكم و يوفقكم جميعاً
7 " 
انظروا كيف يتخبط الماليزيون
انظروا كيف يتخبط الماليزيون
تنبيه: هذا الموضوع قديم. تم طرحه قبل 6458 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- كل التقدير والاحترام لكلام الاخ ابو محمد7 "
كلامك صح ميه بالميه
وعلى قولة رجال معانا مرافق مع بنته في ماليزيا
يقول الوزارة لازم تعمل مقابلات مع كل المبتعثين والمبتعثات وعلى شكل دفعات
يعني مرة مع دكاترة نفسيين ومرة مع دكاترة جامعات ومرة مع ناس عندهم خبرة في السفر ومصاعب السفر
أما ثلاثة ايام ملتقى وكيك دونات وقهوة وبوفية مفتوح وعشوة ما تسوي ولا حاجة
بالعكس تزيد الدلع
مع خالص تحياتي للأخ ابو محمد - بسم الله الرحمن الرحيم7 "
الحمد الله لقيت عنصر سعودي معي بالجامعة يسرد للعالم الخارجي معانتنا
احب اضيف على هالموضوع قصة خروجي من هذا الدمار الشامل
طبعا من يوم ما شفت الوضع في UPM مايسر ومحلك سر
قلت يابنت باقي 3 اسابيع وينتهي كلاسهم وش استفدتني !؟
للاسف ما زادني شئ
وبنفس الفتره كان الملحق الثقافي متواجد في ماليزيا يحل مشكلة جامعة اخس من وضعنا
والمحلق شاف قد اييييييييه الوضع في تعليم اللغة داخل الجامعة سيئ عشان كذا سمح لنا بعد رفضة المسبق بالتحويل لمن اراد من معهد الجامعة لمعهد خارجي على ان ياخذ من الجامعة خطاب اخلاء طرف او تاجيل سمستر والسماح للدراسة خارج الجامعة والعودة لها
المهم ما صدر هالخبر من هنا الا اليوم اللي بعده رحت للجامعة وسحبت تاجيل سمسترين
ورحت لمعهد ELS سجلت وبديت الدراسة فيه
طبعا ارفقت خطاب الجامعة وخطاب الانتظام بالمعهد وخطاب بخط يدي يوضح اسباب تركي للجامعة والتحاقي بالمعهد
ارسلته من هنا والدنيا صارت وردية قدامي توني احس اني ادرس
حتى وربي اتحسف على العشرة الدقايق اللي بين الكلاسات في ELS تضيع من كثر مني حابه كل وقت دراستي فيه
وتزيد فرحتي باستقراري بالمعهد كلما سمعت وشفت معاناه اخواني في الكلاس المدمر
وتجيييييييييييييييييييييكم المفاجعة الكبري
وهي ان الجامعة عيت تسلمني جوازي بالفيزا طبعا
قلعتي استااااااااااااااهل مسويه فدائية وانا الوحيده اللي تجرأت وسحبت التاجيل من الجامعة
اللحين ورطتي شيييييييييينه
ومو بس انا كل الطلاب ما تسلمهم جوازاتهم الا لمن يسجلون بداية دراستهم في
هذا الشهر جولاي
وللاسف لا فيه دراسة لغة ولا شئ
غصب عنك تنزل ساعات في هالسمستر بجولاي ويطلع لك الرقم الجامعي وقتها تروح للانترناشونال اوفس وتعطيهم رقمك وتستلم جوازك
من جدهم ذولا !!!
ويييييييين اللغة وين السنه حقت اللغة ؟؟
والا ذي موب بماليزيا!!
طييييييب وش الدبرا !! ووش اسوي وانا قايله للمديره حقت المعهد ان الفيزا طالعة من الجامعة وهي جاهزه بس ما استلمتها !!
وبالاصل ما راح استلهما الا لا سجلت هالترم
وفكرة تسجيلي مستحيله لان راح تتضارب مواعيدي مع مواعيد الجامعة غير تاجيل دراستي اللي اعتمدته من مبنى الدراسات العليا في جامعتي !!!
قلت مابه حل الا اني اكنسلها ( فيزه الجامعة ) واسحب جوازي
واطلع فيزا من ELS طبعا مع دفع 7000 ريال عفوا رينجت ادفعها وانا اضحك
يجيييييييييييكم الشئ اللي يغبن
مديرة الانترناشونال حقت الاوفس بالجامعة تقولي ما تقدرين تحولين فيزتك بعدين لمن ترجعين لنا مو مسموح
وش قصدها ذي !!
وش تبيني اسوي وهي تعجز فيني !!
صرت مخلي وضعي على الله وبالله ادعي ربي يسهلها وانتظر كل يوم مكالمة من الجامعة تقولي سمحنا لك تستلمين جوازك
<<<<<<<<<<<<<<<< احلامها وردية
املي بالله قوي وعليه توكلت ..
اللحين بعد ما كتبت هالبراغراف ما ظنيتي احد يقراه !!
وان في احد قراه مابي منه غير الدعاء لنا وان الامور تتسهل قدمنا
وتحياتنا لكم
اخوانكم المنحوسين طلاب جامعة بوترا ( UPM )
<<<<<<<<<<<<<<<< قالت منحوسين تبي تبعد الشبهات عنها
- 7 "اشكر كل من تفاعل وتضامن معنا ووعدنا بدعاءه الخالص .فلكل منكم اسم افتخر بل واماري بتفضله وزيارته للموضوعي فضلا عن رده عليه .
كما اشكر كل من جعل من قضيتنا محور نقاش وتفضل علينا بشيء من وقته الثمين ليجعل منها منبرا لما يسببه المراهقون من تفاهات لم نتطرق اليها ولم
تكن يوما محورا من محاور قضيتنا الا عندما افتى فانني اقدر له ما افتى فيه واتحفظ عليه .
ولضيق الوقت سوف يكون لي رد مفصل غدا انشاء الله للاجابه على تساؤلات بعض من اثرى محور النقاش لبيان ما اشكل عليه وتوضيحه رغم اعتقادي
بوضوحه.
كما انني اذكر بما ذكرت باعلا الموضوع انني ناقل ولست كاتبا له فلا تنظروا لردي ككاتب وانما كناقل ولكن ناقل معاصر للحدث ,
تقبلوا تحيات اخيكم الروسي
ملاحظه : الى روض نجد كم تمنيت لو كنت بدلا منك او قمت بما قمت به . - السلام عليكم ورحمة الله وبركاته7 "
ماليزيا .. اسيا الحقيقية
الحقوا .. ترا افريقيا فاتحة المجال للي يبي "يتفرقن" وكذا كذا منت خسران شي
والله يا ان جنوب افريقيا عليها جامعات اطلق من جامعات العرب
والله ما نقول الا اللهم يسر وسهل امورهم .
عسى الله ان يوفقكم لما فيه الخير والصلاح .. وان يقسم لكم ما يرضيكم ويرضيكم بما قسمه لكم . - 7 "والله يابو السعودي لو يحطوه بالمريخ قال طفش ومدري ايش
ياخي محد عاجبه مكانه .. سبحان الله
الي في امريكيا يبي كندا
والي بكدا يبي استراليا
والي في ماليزيا يبي امريكا
وهلم جرا على اليابان واروبا واسيا ... الخ
ياخوان احسن ان 70% رايحين سياحة والله ماهي دراسة
اصلا الوزارة غلطانه
ابتعاث
راتب
تذاكر سفر
دلع × دلع
اصلا مافي دول فالعالم تبتعث بكاليوريوس الا السعودية بس "يمكن في دول لكن ماتبتعث الا تسبة قليلة جدا ومن اصحاب نسبة 99 وكسور"
وبعدين اغلب طلاب البكالوريوس اعماره في حدود العشرين او اقل .. يعني هذولا يا حبيبي حتى جزمهم"اكرمككم الله" مايعرفون يربطونها ، وين مبتعثينهم برا ؟؟
ياخي اصلا الوزارة لازم انها تتخذ شروط قاسية جدا في الابتعاث ، الابتعاث ماهو حق الا لقليل جدا من الطلاب لانه الشعب من يدفع ضريبة الابتعاث ، مو الوزارة .. يعني الشعب لازم يستفيد .
مو يطلع لك واحد وبكرا يجيك بأفكار اعوذ بالله واشكال وحركات الغرب .. صغار ويضحكون عليه ماعليهم شرهه والله
طبعا هذا الكلام مو موجه لك شخصيا ياarrusi
الكلام موجه للكل واولهم الوزارة
لانه في ناس ياخي تجيك تتشرط على الوزارة تحس والله انهم هنود شغالين عند ابوه مو وزارة حكومية
الي مو قد الدراسة والغربية والدعس على الراس يقعد عنده اهله ابرك له ، وله اجر وثواب من الله في خدمة اهله ، اما انه يطلع ويشترط ويبي كذا ومايبي كذا ومدري ايش .. مابقى الا هي والله .
اسال الله ان يوفقكم جميعا ، واي شخص خلاص طلع برا المملكه لا يفكر انه يشتكي او يرجع ويحط الغلط على الوزارة لانه حتى لو الوزارة غلطانه فما تنلام مدام انها تخدم الالاف الطلاب يمكن تفوق 10 الالف طالب ، وثانيا صورة نفس الطالب تكون سيئية جدا لانه الاغلب يقولك هذا طالب مبزوط ولا هو حق دراسة وهو الحاصل والله اعلم .
الدارسة ماهي فقط تعليم جامعي ، الدراسة هي ان تتعلم بمجرد خروجك من ارض بلدك حتى تعود اليها سواء بشهادة ولا بـ"خفي حنين"
تعلم كيف تدبر نفسك وكيف تعيش باقل القليل وكيف تخدم نفسك وكيف تخدم غيرك وكيف تتحدث وكيف تتصرف وكيف تفكر وكيف وكفي وكيف .... الخ
هذه فعلا هي فائدة الغربة ، ولا لو على العلم ياحبيبي نصف ميزانية المبتعثين الى اسيا تفتح افخم واقوى جامعة في الشرق الاوسط هنا فالسعودية ، وربع ميزانية طلاب امريكا تفتح جامعات اقوى من جامعات امريكا هنا في السعودية وتستجلب افضل الدكاترة والاساتذة الامريكيين والاروبيين للتدريس فيها .
وفقكم الله واعاننا واياكم على الغربة والدراسة وهمها .
اولا السلام عليكم اخوي ابو محمد واحب اقول لك
مع اخترامي الشديد لشخصك الكريم
احنا الغلط مو علينا الوزاره قبلت اللي نسبته اقل والا اعلى من 90
والواسطات شغاله طال عمرك
((((((حط خطين تحت الواسطه)))))))
اولاً: لا تقارن الناس فيك وانهم يفكرون زي تفكيرك
واضرب حساب ان فيه ناس يالله يقدر يصرف على نفسه ولا ويرسل فلوس لاهله
المحتاجين له وهو مبتعث من المكافأه.
واذا انت امورك ماشيه غيرك يعانون من ظروف الله اللي يعلم فيها..
ثانيا : ربط جزم وما جزم ( الله يكرمكم) هذا كلام فاضي
اخوي ابو سنتين يعرف يربط جزمته احسن منك
يعني اذا جيت بتمثل مثل بشي يليق باللي موجوديـــن في المنتدى والاعضاء والزوار؟؟
اللي قريب من العشرين واقل من العشرين قدروا انهم يتاقلمون ويعيشون الغربه ويتحملونها اكثر من الثلاثين والربعين بعد...
ياليت ما تزعل مني مشكور والله يعطيك العافيه.. - الله يوفقكم ويسعدكم7 "
- اخي العزيز ابو محمد اقدر لكم ما اهدرت من وقتكم الثمين وتفضلكم باثراء قضيتنا باشياء لا تتسع لها بعض عقول من ذكرت فكيف (وهذا رايك) تتسع لها عقول المسؤولين وهم من سبقونا وبعشرات السنين( حينما كانت الارض غير الارض) الى البعثات والى وقتنا الحاضر وهم المنافسون الاولون لنا وان لم يكن هم فابناءهم واخوانهم وعشيرتهم الاقربون وانا لا انكر عليهم هذا فهم أولوا سبق ولهم الحق لما خبرو من هذه البعثات من فؤائد علميه تعود بالنفع عليهم. فلكل مجتهد نصيب .7 "
اما ردي على ما ذكرت فاليك به (فإني والله أحب من خالفني ولو لم يعجبني كلامه فهو معلمي الاول بالحياه بعد رسول الله وصحابته الابرار ثم والدي الكرام)
اولا : اخي لقد ذكرت ما نصه (والله يابو السعودي لو يحطوه بالمريخ قال طفش ومدري ايش
ياخي محد عاجبه مكانه .)
اولا لافتخاري بسعوديتي قبل عروبتي ولاعتقادي الجازم بان كل عضو في مبتعث يفتخر بإنتسابة لها ان كان اهلا لها فلن ارد على ما نعتني به فهو مصدر فخري واعتزازي ورفعتي بعد اسلامي أنًا سافرت او حللت ولو كنت بالمريخ كما تقول .
ثانيا : اخي لقد تفوهت بما نصه ( ياخوان احسن ان 70% رايحين سياحة والله ماهي دراسة
اصلا الوزارة غلطانه
ابتعاث
راتب
تذاكر سفر )
هلا اطلعتنا اثابك الله على ما بنيت عليه احاسيسك الكريمه فبكم و منكم ننهل مصادر الحصائيات ولو كانت هذه الاحصائيات ماخوذه من مضيفتك دوله الهند فأمتعنا بقراءتها .
اما ان كان مجرد احساس فإن مارتبته من افكار لايرقى لمستوى الاحساس !. هذا مجرد احساسي فلا تغضب اخي فاحصائيتي تقول اانني ادرس مع احدى وعشرون طالب وطالبه (سعوديون) من طلاب جامعه (ال يو بي ام) لم اكن يوما الا من اقلهم حباُ للعلم رغم ما ابذل من جهود لم ابذلها في جامعتي ومملكتي الملك سعود والتي انجزتها في اقل من المده المفروضه وبأعلا المعدلات وانت تعرف من هي جامعة الملك سعود (الداخل فيها مفقود والخارج منها مولود )وفي اصعب التخصصات ولله الحمد فشهادتي على ذلك شهادتي التي قدمت للوزاره وعلى ضوئها بعثت ,لا على ضؤء غيرها ؟.
اذن احصائيتي تقول ان طلاب (اليو بي ام) ذهبوا وبنسبة 100% للتعلم ليس لما ذكرت انت, وقس على ذلك ان شاء عقلك".
اما قولك اخي (دلع × دلع )
فارجوا ان يدلعك الله بما انت اهل له فدلع المبتعثين ثقيل عليك ايها التقني وسوف يجعلك تدفع ال25000 ريال للمعهد السعودي بدلا من هندك المزعوم ولو من قوت ابيك واخوانك .
ثالثا ً:اخي لقد ذكرت ما نصه (اصلا مافي دول فالعالم تبتعث بكاليوريوس الا السعودية بس "يمكن في دول لكن ماتبتعث الا تسبة قليلة جدا ومن اصحاب نسبة 99 وكسور")
ان كان هذا احساسك فلا امل لمهندسو ا االحاسيس بتغييرك فقنط و ٌإرض بما قسم الله لك .
واريد ان اضيف لمعلوماتك شيء يسير هل تعلم ان مانسبته 9% من مجموع الطلاب الماليزيين تقوم دولتهم بابتعاثهم والى دول متقدمه كأميركا وبريطانيا واستراليا سنوياً واظنه لا يخفى عليك الفرق الشاسع بين حبيبتي السعوديه وماليزيا ماديا كما على نقيضه الفارق التعليمي والصناعي والتقني .كما انه يوجد في جامعتي وحدها اكثر من الف طالب من الجنسيه الايرانيه كما هي اخر احصائيه صدرت من الجامعه وعليك بالرجوع اليها ان شـئت الحقيقه ,وهنا لن ادعوك للمقارنه حتى لا تكون مقارعه نوويه . اما نسبة الكسور فهلا جبرتها جبر الله بخاطرك واوصلتنا الى المئه فلا فرق .
رابعا : لقد ذكرت يا ابا محمد ما نصه (وبعدين اغلب طلاب البكالوريوس اعماره في حدود العشرين او اقل .. يعني هذولا يا حبيبي حتى جزمهم"اكرمككم الله" مايعرفون يربطونها ، وين مبتعثينهم برا )
هل تريد ان نبعث للباكالوريوس من هم في عمر والدك .غفر الله لك ان كان هذا ماتصبوا اليه .
اما عمر العشرين فهو شغف العلم ومحط انظاره وبه يرسن العلم ليكون اسيرا للعقل دافعاً لعمل الجوارح وعمر العشرين حجر زاوية العمر كله فان فاتك بناء فلا تفوته على غيرك .
اما الجزم فكما قلت اكرمنا الله .
خامساً :لقد تطاولت فقلت ( ياخي اصلا الوزارة لازم انها تتخذ شروط قاسية جدا في الابتعاث ، الابتعاث ماهو حق الا لقليل جدا من الطلاب لانه الشعب من يدفع ضريبة الابتعاث ، مو الوزارة .. يعني الشعب لازم يستفيد .)
وهذا على عالية القوم من مشرعون وضعوا لهذه الوزاره انظمتها وقوانينها ودستور والدي خادم الحرمين الشريفين وحبه للعلم واهله .فمن نحن من هؤلاء .
وكما اذكرك بحديث الحبيب عليه ازكى الصلاه والتسليم (يسروا ولا تعسروا ) .
سادسا :كما قلت ولا احتاج لتذكيرك (وثانيا صورة نفس الطالب تكون سيئية جدا لانه الاغلب يقولك هذا طالب مبزوط ولا هو حق دراسة وهو الحاصل والله اعلم)
اجارنا الله مما اتهمتنا به وسألناك به عنده يوم لاينفع مال ولا بنون .
سابعا : اتحفتنا بخفي حنين ومثلك الاعلى عندما قلت (الدارسة ماهي فقط تعليم جامعي ، الدراسة هي ان تتعلم بمجرد خروجك من ارض بلدك حتى تعود اليها سواء بشهادة ولا بـ"خفي حنين" )
وهل ترضى ان تعود لبلدك بخفي حنين!! مما ذكرت يظهر لي كما يظهر للقارئ الكريم انك ترضى بذلك . اما انا وغيري من طلاب خَبٍِرتَهُم فوالذي نفسي بيده لن ارضى ولو اهلك دون ذلك لما بناه الوطن علي من امال وطموحات فلا تعمم وراجع نفسك ثانيةً وثالثه قبل ان تبتاع خفي حنين من الهند فثمنهما غالٍ والله .
ثامنا ً:حكمة التعلم لديك تقول (تعلم كيف تدبر نفسك وكيف تعيش باقل القليل وكيف تخدم نفسك وكيف تخدم غيرك وكيف تتحدث وكيف تتصرف وكيف تفكر وكيف وكفي وكيف .... الخ )
وهذا ليس محور القضيه ولا حتى كسر من كسورها فلا تخرجنا عما جمعني بك .
تاسعاً:تقول (ولا لو على العلم ياحبيبي نصف ميزانية المبتعثين الى اسيا تفتح افخم واقوى جامعة في الشرق الاوسط هنا فالسعودية ، وربع ميزانية طلاب امريكا تفتح جامعات اقوى من جامعات امريكا هنا في السعودية وتستجلب افضل الدكاترة والاساتذة الامريكيين والاروبيين للتدريس فيها .)
مازال يفتأ يذكر الامريكيين والاوربيين وينسى ماقاله من الاعتماد على النفس .ارى انك تناقض نفسك بنفسك فارجع الى ما ذكرت من امثال وحكم قبل ان ترجع بحنين بعينه الى بلدك فتزيد من اعباء البطحا نفر .
عاشرا ُ :ختمت معزوفتك فدعوت بان يزيل الله عنا ما تنفيه بقولك دلع × دلع في اول ما عزفت فقلت (وفقكم الله واعاننا واياكم على الغربة والدراسة وهمها .)
فأقول لك آمين ثم آمين ثم آمين . آميناً توافق آميناً في السماء باذن الله فتحل بها البركه .
اخي ابتسم فانت لست في عشرينك التي عرفت ولست بصدد لبس الاحذية كما اقررت وباقل التكاليف تعلمت فهنيأً لنا بك ان لم تجلب ما ذكرت .
عذرا على الاطاله ولكن لكل مقالِ مقام فلا تاتي بها كالعرجاء فلا تتمكن من بيعها ولا بلعها . - 7 "السلام عيكم
اهلين وسهلين ابو محمد
بصراحه لفتت انتباهي مداخلاتك بالموضوع هذا
الله يسلمك ترى الموضوع اكبر بكثير من انهم يسون جامعه بالسعوديه ويجيبون دكاتره بشهاداة مزوره والا عربي جلس اربع سنين بأمريكا والا استرالياواخذ الجنسيه ويجيك بكرا سعادة الدكتور الامريكي العربي
بقولك شي اخوي انت عارف وش الهدف من البعثات هو انه الطالب يكسب ثقافات الشعوب بمختلف اعراقه ويتفتح شوي من خلال مشاهدته للاجانب بمحافظتهم على الوقت والمواعيد وجديتهم بالشغل
وتعقيب على كلامك بخصوص صغر سن الطلاب لا تنسى اننا دوله تبغى تثبت على رجوله بين الدول المصنعه ولهذا الهدف الدوله ترسل بكلروس كثير حتى تستفيد منهم اما اماالماستر والكتوراه مشكله توظيفهم لانهم يحتاجون مناصب تناسب شهاداتهم وخبراتهم والدوله ماتبغى مدراء تبي دبلوم وهندسه حتى يبدون من الصفر
وبالنسبه للخبطه اللي تصير للطلاب معك حق بالكلام والمفروض يكون فيه متابعه اكثر
وبالنسبه للمكافأه فهي محسوبه صح وصدقني مكافأة بعض الطلاب ببعض الدول ماتكفي وكلامي هذا من تجربه
وبالنسبه لكلامك على انه يبتعث الطالب صاحب النسبه شبه كامله مايصير الكلام هذا وش ذنب الطلاب اللي ظروفهم الاسريه تعبانه وهم مانقصهم ذكاء عن غيرهم اصحاب النسب العاليه
مثال
واحد عنده ابه موفر له كل سبل الراحه من اجل التفوق والثاني مسكين كل يوم ببيتهم مشكله واثرة عليه نفسيا وبسبب الاهمال من قبل اهله ضاع الولد وعلى فكره ماله ذنب الولد باللي يصير حوله نهائياومع ذالك جاب نسبه ثمانين بالميه
مو من حق الولد انه يسافر ويدرس زيه زي الثاني وعلى فكره ممكن يتفوق اكثر من الثاني
اخر نقطه
ابو محمد تحسب التفوق واكتساب العلم بس بالجامعه ترى اكتساب المعلومات ثلاثين بالميه هي اللي تكسبه بالجامعة
والاساس الاهم هو من الصفر اللين الثانوي والجامعة اولى تجيك تمارين واعادة الموادالعلميه بشكل مقسم وثاني برضو مواد علميهواذا فيه معامل وابحاث ,,,,يعني اعطيك بعباره واضحه لا جيدنا ولا مهملنا راح يرتاحون بالجامعه كلهم راح يكرفون ورا ح ينهون مهمتهم ان شاء الله
انا ماادري قد قريت كتب المواد العلميه حقات الثانوي بالدول الاجنبيه او اليابان عندي احساس لو تقرأ كتبهم راح يتغير كثيره من وجهة نظرك حول البعثات والتدريس
طبعا فيه نقاط تجنبته حتى مايصير الموضوع فيه حساسيه شوي او ينحرف المووع لمسار ثاني
- السلام عليكم7 "
اخوي الروسي سلمت اناملك الذهبيه على الكلام الوفي ويعطيك الف عافيه
طلعت اللي في قلبي .. الله ييسر لنا امورنا ويحلها امــــ ـــــ ـــــــيـــ ـــــن.
اخوك// محمد القحطاني
