اليوم الوطني للسعودية أحبك ياوطني ,,,

التعب .~ هلا

يخوي الله يسلمك انت مافهمتني... اليوم الوطني او العيد الوطني كلها بدع ومحدثات في ديننا الحنيف .ٍ~~مافيها شك ابدآ

لكن حنا هنا نعبر انشائيا بطريقتنا الخاصه ... عن الوطن .. وطني الحبيب .~.

حاول تفهم من البداية وين طريقنا .. الله يعافيك ولا ترى بيصير جلد لو جيت ماليزيـــآ عند البرجين ،~,

ولا رح اسأل مدرس التعبير او الوطنية اللي درسك بالثانوية وقله ماحكم التعبير عن الوطن ونثر المشاعر ..؟

~<وشوف رده


~.}>>تحياتي يابطل

عذب

من اولها جلد هههههههههه الله يستر

وقبل شوي كتبت لاحد اصدقائي بيت على نفس قافية ووزن قصيدة الاخت اللي اوردتها بالموضوع

فقلت انا :

كل دولة يوجد الإسلام فيها لو صغيرة ** تعتبر هي موطني , وجهة نظر للي يراها

رد هو وقال :

الله انه ينصر الأسلام ويعز الجزيرة ** الديار اللي سكنا يا رفيقي في ثراها

فرديت عليه :

جيت قاصد صاحبي في امر وابغى استشيره ** جا جوابه شافي للنفس والعلة براها



وسلامتكم

بديت باسم الـلـه أقـــدم قصيـــــــده ***** أذكر بها ما شفت وأدركت بالعين



بديت باسم الـلـه أقـــدم قصيـــــــده ***** أذكر بها ما شفت وأدركت بالعين



شفت أبو متعب عقب غيبة عضيده ***** مشى على المنهج وحنا هل الدين



وكل المناهج مرجــــعه للعقيـــــدة ***** دستورنا القرآن مـا فيه قوليـــــن



وآعــد شـعـوبه بالحيـاة السعيـــــدة ***** وبدا بعزم وجهد يوفي لنـا الديـن



وعز الـلـه أنه ما كـذب بالوعيـــده ***** إلا تعـدى وأصبح الكـيل كيـليــن



وبـأقــل مـن عــام بخــطه جـديــده ***** أنجز بها أعماله مثل طرفة العين



وحـقـق لشـعبـه كـل شـيء يـريــده ***** ومـن حبـهـم سمـوه يا قـرة العين



ولا حـب ربـي عبـد خـلى عبـيــده ***** بـقـدرة الـلـه كـلـهم لــه محـبـيـن



ويـسـر أمـور بالظـروف الشديــدة ***** مـن حـيث لا يـدري يمكنه تمكين



وجـتنا على قـدومه عـطايا عديــده ***** فـضل من المـولى ولا فـيه تقنين



ومـا حدثت نفسـه يـزود رصـيــده ***** رصيده المطلوب (شعبٍ محبين)



ويـوم أنها جـت له على ما يريـده ***** أنعم على الأقصين قبل القريبين



وبدا مع المسكـين وأصبـح سنيـده ***** حقق له المطلوب والطاق طاقين



ويـوم اطـمـأن وكـمل اللي يـفيــده ***** خلاه ينعم مثل الأقصى والدنـيـن



ومـشى عـلى بـاق الديـار البـعيده ***** يعلن مطالبهم على الرأس والعين



بـنفس عن الدنيـا عـزوف زهيـده ***** هـوماتها مـا هـي بجـمع الملايـين



وأعـطى بـغير حساب والله يزيده ***** والفضل عند الله يضاعفه ضعفين



وعسى الذي سخـرك تنـفع عبيـده ***** يديم فضـلك لضـعوف المسـاكـين



ويطيـل في عمـرك سنيـن مديــده ***** تنعم بها بدنياك وتنصر بها الدين



وينعم بها شعبك معك وانت سيـده ***** وحنا جنودك ،عزوتك لك محبين



وسر يا بو متعب جعلها لك حميده ***** بشعب تحـبه وأنت لـه قـرة العين


بقلم محمد الرشيد الحبر الرشيد

تحيات سلطان العبد الله