مساعدة ياا شباب محتااجكمـ ضروري للدراسة في ماليزياآ !

يا طويل العمر انا طالب في تناقا جامعة اقوي شئ فيها الكهرباء وانا تخصصي الكهرباء طبعا ما اقلل من التخصصات الثانية كمان قوية لكن الكهرباء قوية عشان شركة الكهرباء ماسكة هذي الجامعة لكن بالنسبة انت ما قلت اي هندسة ؟؟؟؟؟؟؟؟
لا تنسى تكتب كم عمرك

وعليكم السلام ورحمة الله ..

هلا أخوي , حياك الله في ماليزيا

انت تخرجت من الثانوية , ولا توك تدرس ؟؟

طبعا إن تخرجت أو توك ما تخرجت فلك خيارين
الأول : إن كانت نسبتك حلوه ( فوق التسعين يعني ) , فأنصحك تقدم للجامعات الحكومية الماليزية , فمن وجهة نظري أنا .. إنها أفضل في الشهادة , ومن ناحية أخرى هي أرخص , والإجازات عندها بين الترمين وفي نهاية السنة تكون حلوة .. وللمعلومية , الجامعات الحكومية مفتوح التسجيل فيها الآن إلى شهر 1 أو 3 .. فإذا كنت تخرجت , ونسبتك حلوة , فأنصحك تخش جامعة حكووومية

الثاني : إن كانت نسبتك ماهي ذيك يعني , فعليك بالجامعات الأهلية , هي كثييرة جدا , أول شيء شوف الجامعات المعترفة في البلد اللي ناوي تستقر فيها في المستقبل إن شاء الله - بعد الجامعة يعني - , ثم قرر أي من الجامعات تناسبك ..


ونصيحة مني .. لا تخش أي جامعة إلا إذا عرفت عنها كل صغيرة وكبيرة , كل شيء تبي تعرفه إسأل عنه , عن نظام الجامعة في حمل المواد , نظام الإجازات , مميزاتها وسلبياتها .. خش مواقع الجامعات الماليزية .. وإن كانت الإنجليزي تبعك مش ذيك يعني , فعندك متصفح ( قوقل كروم ) يتيح لك خيار ترجمة أي صفحة ويب إلى العربية , صحيح إن الترجمة ماهي ذيك , لكنها تمشي الحال للي ماعنده إنجليزي ..

وإذا خلاص قررت على جامعة , وجيت ماليزيا لا تسجيل في الجامعة على طول , إسأل الطلاب العرب عن الجامعة , وعن مستوى الجامعة , وإن كنت تحس إن الجامعة ما بتستمر فيها لا تسجل فيها أبد , حتى وإن دفعت لهم مبلغ الـ 200 رنجت تقريبا حق إستلام الملف ..

طبعا أنا وجهة نظري إنك تسأل الطلاب العرب أفضل من إنك تسأل أي شخص آخر , لسبب واحد بس .. لأننا قريبين من بعض في التفكير , وكمية الدراسة والمعلومات .. أنا ما أفضّل إنك تروح تسأل واحد صيني أو هندي , لأنهم يختلفون عننا كثير , ما أقصد إنهم أذكى مننا , لأ .. لكن يمكن هم يتحملون أمور العرب ما يتحملونها , والعكس برضه صحيح ..

أنا غلطتي يوم طبيت ماليزيا قبل شهرين وصلت المطار , وداااايركت على جامعة ملتميديا عشان أكمل إجراءات التسجيل , لا سألت عن نظام الجامعة ولا عن أي شيء , كل اللي كنت أسأله الجامعة قوية ولا لأ .. لكن بعد ما سجلت وكل شيء وبديت أعرف نظام الجامعة , أبدا ما أقتنعت فيه , وندمت إني سجلت فيها , وإن شاء الله بكرة رايح لجاهور بارو أقدم في جامعة UTM ..

وعلى فكرة , ترى ملتميديا نظامها ما عجبني , مو يعني هذا إنه ما يعجبك , ملتميديا فيها كثير عرب .. لكن انت قبل لا تسجل في أي جامعة أسأل عليها , والأفضل تسأل ناس يدرسون فيها عشان تكون الإجابة أقرب للمصداقية ..

وإذا تبي أي خدمة راسني على الخاص أو حتى على المسن ...

في أمان الله

يعطيكمـ الف عافية عالردود .. وتمـ الرد عليك يالحبيب عالخاص

ويااريت تفيدوني بالاسعاآر

اخوي TSAR يا ريت ترسلي ايميلك عالخاص عشان عندي مقفل لسة ..

أرسلت لك ع الخاص .. إن ما وصل لك شيء كلمني ..

وبالنسبة للأسعار تختلف من جامعة لأخرى ، الجامعات الحكومية بشكل عام أرخص من الأهلية ، فجامعة UTM ‎‏ مثلا ، في السنة كاملة الدراسة تكلفك ١٥٠٠ دولار تقريبا ، أما جامعة ملتميديا تكلفك تقريبا في السنة ٣٠٠٠ دولار ..

طبعا فيه تخصصات أغلى وفيه تخصصات أرخص ..

وانت راجع سفارة بلدك يمكن يقدمون لك خصم لبعض الجامعات ، يمكن ماني متأكد ..