إستفسار بإجراءات ما بعد القبول ( إستخراج فيزا لي وللعائلة )

عادي ياختي
سافري قبل الموعد اقصد قبل شهر 9 .. و مجرد انك توصلين سلمي جوازك و جوازات عيالك للجامعه و هي في شهر ترجعلك اياه مع الفيزا
طبعا يا اختي مجرد تقطعي التذكره اتاكدي انك تقطعي رايح جاي .. لان بتدخلين ماليزيا بفيزا سياحه .. ومن الجامعه تكنسل السياحه و تطلعلك الدراسه

ان شاءالله اكون افدتك

أشكرك يا اخي الفاضل على حسن تعاونك معنا بس في مشكلة بالنسبة لإقتراحك اني احجز ذهاب وعودة بصراحة انا من فترة حجزت ذهاب فقط على التذاكر المخفضة لأني قلت بأروح للدراسة وماني راجعة بمشيئة الله تعالى وخصوصاً أنه معايا اوراق القبول بس اوراق التأجيل ( تأجيل دراستي من جون لسبتمبر ) ماهي معايا طيب اش الحل الآن هل ممكن تصير لي مشكلة هناك بسبب انه تذكرتي ما فيها رجعة ؟ بصراحة انا ناوية اكتب في اوراق الدخول اللي يعطونا في الطيارة اني رايحة للدراسة ولا كدا غلط ؟ على العموم انا حاجزة في 20 جولاي يعني في شهر سبعة ان شاء الله يعني قدامي شهرين على بداية الدراسة بمشيئة الله أقدر أقدمها بمجرد وصولي ولا انتظر لشهر 8 ؟
وسامحنا يا سيدي على الإطالة بس حابة آخذ إحتياطاتي قبل السفر وجزاك الله خير وما قصرت .

دمت بصحة وعافية

انتبهي اختي تسجلي باوراق الدخول انك رايحه دراسه وانتي جوازك مو محطوط عليه فيزا الدراسه
لان صدقيني الطياره الي تروحي فيها هي نفسها حترجعك .. اصلا من مطار السعوديه بيسالوكي الجوازات ليش رايحه
اختي خذي اي تذاكر ثانيه وبعد كذا رجعيها مو شرط نفس الشركه
بس رجعيها من ماليزيا او اكتبي خطاب باسم الشخص الي راح يرجعلك التذاكر وخليه يكنسلها من السعوديه
انتبهي حتى اوراق الجامعه ما تطلعيها بالمطار
لانو كذا انتي مخااالفه تكوني .. انتبهي اختي
انا بعد رايحه شهر 9 ان شاءالله .. و للحين ماعندي الا القبول .. ومن الحين حجزت خطين رايح جاي .. عشان القصه الي تصير بالمطار
هههههههه عارفه اختي انا دراسه الماجستير بماليزيا .. اول ماجيت جوازات ماليزيا .. قالي ليش جايه ..
بس لازم ياختي خطين يكون معااكي .. انتبهي
بالنسبه للدراسه .. لازم تبدائي مع نظام الجامعه .. على حسب كل جامعه متى تبدا ماتقدري تقدمي شي

عفواً أنا ما انتبهت انك أنثى مع العجلة هههههههه
يا ستي الله ينور عليك دنيا وآخرة بصراحة كنت حأورط نفسي طوريطة زي العسل الحمد الله اني دخلت وسألت بس انتي عارفة الحمد الله اني ما حجزت الرجعة من زمان لأنها كانت حتروح عليا لأنها مخفضة ما تسترجع ولا تتغير فخلاص خيرة الحمد الله دحين ادخل واحجز راجع في اي وقت واكون حريصة انها تذكرة مرنة والله المستعان وبالنسبة للأوراق اقدمها للجامعة قبل بشهر من موعد الدراسة كدا صح ؟
طيب حبيبتي عندك علم عن المدرسة السعودية في ماليزيا وكيفية نقل ابنائي لهناك يعني الإجرءات الازمة وجزاك الله خير وشكراً ما قصرتي .

دمتي في حفظ الرحمن ورعايته

الموضوع مايحتاج تكبير بزياده ،، اللي عليك تسوينه لما يعطونك ورقه تعبينها بالطياره ،، اكتبي انك سياحه واي شي يتعلق بالسبب للمجيء هنا هو السياحه

واول ما توصلي وتريّحي وتطلعي للجامعه ،، سلّميهم اوراقك ومن هالكلام وخليهم يطلعولك فيزا الدراسه ،، والجامعه الاسلاميه ماشالله تعاملها مع وزاره الهجره حلوو ،، بعض الطلاب والطالبات فيزتهم تطلع في خلال اسبوعين او 3 اسابيع فقط

بخصوص تذكره العوده الضروريه ،، اول مره اسمع فيها ،، انا اغلب رحلاتي من البحرين ( طيران الخليج ) وماقد مره قالولي هالكلام وسألوني ليش طالع وتحقيق معي ولازم تحجز تذكره عوده ومدري شنو .
تقدري تحجزي تذكره ذهاب والعوده تخلينها مفتوحه

كل اللي سويته اني عبيت الورقه بالطياره ونزلت للمطار وعطيتهم الورقه والجواز وختمو فيزا سياحه وبس

لا تصعبي الامور ،،مايبيلها شي انشالله

جزاك الله خير اخي الفاضل darky sama انا الآن بأدور على حجز بس اش تعني كلمة غير مقيد في درجة الضيافة المميز رغم نفس الشروط مكتوبة على الدرجة الضيافة الإ قتصادية غيرانه دي مو مكتوب عليها غير مقيد فممكن أعرف اش الفرق لأنه انا ابغى التذاكر تسترجع لما اكنسلها والتذاكر المخفضة لا تسترجع ولا تتغير ؟
وفضلاً لا امراً إذا كنت مسجل ابنائك في المدرسة السعودية في كوالا ممكن اعرف اش الإجراءات الازمة لنقلهم من مدارس السعودية لهناك بصراحة شكلها الشغلة معقدة شوية لأنه مدرس ابني قاله فلم طويل عريض وانا كنت احسب انه بس اسحب ملفاتهم من هنا واسجلهم هناك فهل يكون المدرس بالغ ولا فعلاً يبغالها إجراءات من طلب نقلة ولتوقيع من وزارة التربية والتعليم وامور تانية ماني فكرتها إذا عندك فكرة ياريت تخدمني فيها لأني ابغى اخلص من مدارس ابنائي قبل ما تقفل وجزاكم الله خير وشكراً على كل المعلومات اللي افدتوني فيها ويجعلها الله في موازيين حسناتكم بصراحة لولا الله ثم انتم كان دخلت في مشاكل انا في غنى عنها شكراً جزيلاً لكم .

ودمتم في سعادة ورضى وقبول في الدارين

اختي التذكره خديها مفتووحه الرجعه بس تاكدي ان حجز العوده 3 شهور من روحتك لماليزيا
لان ممكن يدققو فيها .. انتبهي اختي
وبالنسبه للشهادات تبع اولادك لازم تختم من الخارجيه السعوديه قبل تسافري .. وبعد كذا تروحي السفاره السعوديه بماليزيا وتختميها على ختم الخارجيه
وبعد كذا تقدمي عادي ..
المدرسه السعوديه مره متعاااونين .. الله يذكرهم بالخير
حتى القنصل السعودي مجرد تدخلين له وتقوليلو مشكلتك على طول يسااعدك بالحل
اختي روحي قبل شهر ونص .. و اجازه المدارس السعوديه نفس اجازه المدارس بالسعوديه
برسلك رقم الملحقيه بماليزيا عالخاص وانتي تواصلي معهم

الله يسهل طريقك

أخي الفاضل crazy_d7o0om يمكن لأنه سفرتك كانت من البحرين وكل بلد ولها إجراءاتها والله اعلم بصراحة انا اخاف اجازف وبعدين اواجه مشكلة من مطار السعودية والله المستعان شاكرة لك حسن تعاونك معنا وجزاك الله خير

دمت في حفظ الرحمن ورعايته