السكن المناسب ومتطلبات السكن بماليزيا ( الموضوع محدث )

في منطقة اسمها سبكات انده 2 ..
هذه ايجارها بالكثير 1400 رنقت بالشهر وايضاً قريبه من الجامعه ..
في كجانج ويوجد بجوارها اثنين او ثلاثه مطاعم عربيه بالاضافة الى سوبر ماركت اسمه التغذيه يوجد كثير من الاشياء من المستلزمات العربيه بالاضافه الى المحلات التي بجوارها تبيع مستلزمات عربيه ..
وفيه حراس امن ايضاً ..
السكن اغلبه عرب ..
فيه غيره بسردانق راقي جداً اعتقد ايجاره 2100 رنقت بالشهر ..
وفيه عرب كثير ولكن ليس بالكثرة التي في سبكات ..

بالنسبة للسكن بكوالالمبور فتقدر تسكن هناك ..
لكن اذا تبغى ترتاح اسكن قريب من الجامعه ..
فيه غيره بس
اذا تبغى ترتاح اسكن بسردانق ابحث من خلال الموقع عن هذا المكان Serdang, Selangor
واذا تبغى سكن بكجانج ابحث من خلال الموقع عن هذا المكان Kajang, Selangor
على فكرة اذا بحثت من خلال الموقع بتلقى اسعار مرره رخيصه ارخص من انك تشوف مكتب يستأجر لك
هذا والله اعلم ..

هذي الاسعار للمتزوج صح

هي كيف نظامها من داخل

وبالنسبة للاعزب كم ايجارها يعني غرفه او غرفة وصالة

هذه شقه ..
الماليزيين ماتفرق معهم تتأجر لعوائل او شباب اهم شي الفلوس يجيهم ..
اغلب الشقق بماليزيا تحتوي ثلاثه غرف وحمامين وانت بالكرامه ..
غرفه كبيرة وفيها حمام وانت بالكرامه وغرفه وسط وغرفه صغيره ..
بصراحه اذا تبغاها شبابيه يعني تجيب اثنين وتتقاسموها او تاخذها لوحدك ما اعتقد يأجرو غرف ..
لو تتأجر غرف تكون اغلى ..
اعتقد هذا والله اعلم ..

طيب اخوي نيزار

بالنسبة للموقع اللي قريب من الجامعة كيف ابحث عنه بالموقع

انا بحثت في كجانج وسرادنق

والافضل سردانق لاني اشوف بالموقع اسكانها حلوة وراقية اما كجانج ممتاز بس مو افضل

طيب اذا اعجبني شي بالموقع كيف احجزها

وانت وش رايك بما انك ساكن في كجانج

شوف ..
الجامعة بين ثلاثه مناطق وكلها قريبه من الجامعة لوسكنت في احدهم بتوصل بالكثير في عشر دقايق ..
الي هي كجانج وسردناق وبانقي ..
كجانج الاكثريه فيها صنيين ..
سردناق الاكثر فيها اعتقد ايضاً صنيين ..
باتقي الاكثر فيها ماليزيين وعلى كلام سواق تكسي ماليزي يقولي افضل من كجانج بحكم اننا مسلمين ..
في النهايه الافضل انك تشوف شقة فيها نظام حمايه خارجيه زي حراس الامن ونظيفه ..
انا انصحك قبل ماتجي تاخد ارقام عشر شقق على الاقل عشان تجي وتكلم المؤجر وتشوف الشقة اذا عجبتك اخذتها الا ماعجبتك شوف غيرها ..
على فكرة ارقام المؤجرين بالموقع ..
بصراحه السكن الي انا فيه الله لا يوريك لاننا اخذناه عن طريق الجامعه بوسط حي صيني وحاس انه المكان الي احنا فيه مشبوه بس خلك على المثل ياغريب كن اديب .. ..
اشوف سردانق افضل شي من جهة الامان حتى لو ماعندك سيارة لان الاحتياجات الاساسية بتكون بالقرب منك, بالنسبة لي اتمنى اروح بانقي عشان نسبة المسلمين فيها كبيره واكيد بيكون فيه مساجد قريبه , مو زي كجانج بس مشكله انها نائية وتحتاج سيارة ..
هذا والله اعلم ..

طيب نيزار مافيه سكن في الجامعة.

وبالنسبة لباتقي كيف يعني نائية يعني بعيده عن الجامعة او ماحولها شي

وشكل تفكيري يبي يتحول لكوالا مادام الدعوه فيها صينيين

وباتقي كيف اكتبها في الموقع

فيه سكن عائلي في الجامعه ممكن بـ750 رنقت ..
بس ما اعرفه فيه مكيفات ولـ لا ؟
بس الي اعرفه الكهرباء بالجامعه مرره غاليه ..
شوف يا اخوي ..
اذا على الصينيين فهم مالين البلد ولا تخاف منهم ..
من يوم ما اجيت الحمدلله ماصار لي مواقف سيئة مع الصينيين ..
ولا تخاف منهم هم ميزتهم احترمتهم احترموك ..
تصدق في السكن الي انا فيه مجرد طلبنا مكان نصلي فيه والله ماقالو لا وعطونا مع اننا كنا نفكر نقط في الغرفه الي بيعطونا ..
لا تخاف يا اخوي ..
وكوالالمبور اغلبها اصلا صينييين
بالنسبة لاسم بانقي فهذه هي Bangi ..
ان شاء الله قدرت افيدك ..

ممتاز اذا فيه بالجامعة سكن عائلي ينفعني انا وزوجتي ولا وش رايك؟

طيب الكهرباء سواءا في الجامعة او خارجها هل هو عليك وبالنسبة للماء هل هو كذلك؟

ومشكور واتعبتك معاي

بارك الله فيك

up>>>>>>.............

ايوة فيه سكن عائلي في الجامعة ..
توي استفسرت عنه كل شي مسموح فيه ..
حتى تقدر تستخدم المكيفات والغاز والغسالات عادي ..
بس المشكله الوحيده ان الشقق مررره محدوده يعني لو رحت تبغى شقة يلا تنتظر لين يطلع واحد وتدخل مكانه ..
على قول الي كلمته انه امان اكثر من سكن الشباب ..
معليش انا هذاك اليوم كنت اكلمك عن سكن الشباب وليس السكن العائلي معروف انه امن جداً ..
الكهرباء عموماً داخل الجامعه او خارجها هو عليك وعلى فكرة في الجامعه اغلى من الخارج ..
الماء مجاناً داخل الجامعه ولكن فاتورة خارج الجامعه ..
الفاتورة مرررره بسيطه لا تخاف منها ..
ان شاء الله لاتخاف الله يعينك اول ماتسكن برى شوف سكن برى وفي نفس الوقت سجل عشان تسكن في الجامعه لانه بيكون اوفر ..
هذا والله اعلم ..
ان شاء الله اني افدتك ..
ملاحظه :
لما كلمتك اخر مرره على السكن بالجامعه لم يكون قصدي السكن العائلي وانما سكن الشباب ..