الى طلاب جامعة ملتيميديا MMU استفسار عن الاجازات الله يخليكم...

هي في التقويم اسبوعين فقط
لكن بامكانك تأخذ اسبوع في الغالب من جدول الاختبارات والاسبوع الاول من بداية الفصل الجديد وممكن الاسبوع الثاني بعد
بالتوفيق.

اخـويَ تكفـون جـأوبونيَ ..

انا بقدم ع طلب ب نفس الجامعة و المدينةة ..

بس متردد مــرةة سمعت ان الجامعة مو كويسةة

او شهادتها مو قوية ب السعوديـــة

و خـايف اني اذا اخذذت الشهادة بنــدم

تخصصي / هندسة امن المعلومات

اللي يعرف معلومات عنههها يتواصل معي

السلام عليكم

الأخ lightray


بالنسبة للإجازات فعلا أغلب الجامعات الماليزية نظام الأجازة فيها اسبوعين. ممكن توصل لشهرين في حالة عدم التزامك بالترم الصيفي.

أما بالنسبة لجامعة الملتيميديا فهي كالآتي:
بالنسبة لدراسة اللغة والمرحلة التمهيدية فما فيها ترم صيفي كلها أترام دراسية عادية يعني الاجازات بين كل ترم وترم اسبوعين. وزي ما اتفضل الأخ وجيه ممكن توصلها لشهر وهو حسب انتهائك للامتحانات.
فمثلا لو كنت في مرحلة اللغة الانجليزية والمرحلة التمهيدية فالامتحانات فيها خلال اسبوعين كاملين. وعادة اللغة الانجليزية أول يوم في الامتحانات. يعني اجازتك تبدأ بعد ما تخلص امتحان اللغة. يعني عندك أسبوعين من الامتحانات واسبوعين من الاجازة الرسمية وممكن تسحب سيفون لأول اسبوع من الدراسة... يعني عندك اجازة شهر واسبوع...

الأخ عبد الله طلال
المعروف عن جامعة الملتيميديا أنها أول جامعة خاصة بماليزيا وفيها ورشات عمل كثيرة لشركات كبيرة من ضمنها المايكروسوفت والكاتيل والنوكيا وغيرها الكثير. ورشات العمل هذه تساعد الطلاب على التطبيق مباشرة. وصراحة انا سمعت كثير عن سلبيات الجامعة، هي وغيرها. ولكن مع اختلاطي مع الطلبة اتضح لي انو هناك في طلبة كثيرين ومن ضمنهم طلبه سعوديين متفوقين وكرموا من قبل الجامعة. يعني انت واجتهادك
أما بالنسبة لشهاداتها فهي قوية في السعودية

والسلام

مشكور أخوي الوجيه و أخوي عباس عبدو..الله يجزاكم كل خير...

لكن أنا عندي التوفل و و حيخلوني اختصر السنة التحضيرية كمان...فهل ينفع اني اسوي نفس هالحركة في الدراسة الحقيقية؟ وهل غياب أول أسبوع ما يأثر على معدلي و درجاتي في المواد؟؟؟

العفو سيدي...

السنة التحضيرية تتحدد عن طريق شهادتك الثانوية ... أما التوفل فهو متطلب قبل دخولك التخصص... وهذه الحركة تنفع تسويها بس لازم تكون دافور دراسة... وعادة أول اسبوع المدرسين يسحبو سيفون ... وأما لمعدلك وغيابك فلكل طالب نسبة معينة من الغياب لازم ما يتعداها .. لو تعداها ما يخش الامتحان

والسلام