من لديه اي استفسار عن جامعات ماليزيا انا جاهز للاجابه

السلام عليكم
آخوي انا خريج كلية التقنيه تخصص ميكانيكا أنتاج وابي اكمل دراستي بماليزيا بجامعة مالايا مع ان معدلي 2.85 من 5

هل تقبلني وهل هي صعبه ام سهله دراسه فيها

وكم رسوم الدراسه لترم الواحد
ارجوك اخوي تساعدني لاني ماشي لاسبوع الجاي الى ماليزيا على اساس الدراسه

السلام عليكم
للاسف اخي الكريم ملايا وغيرها من الجامعات الحكوميه قبولها صعب وحتى بمعدل مرتفع
بمعدلك واعتمادا على الثانوي وهو الاهم اذا كان 70 فمافوق وخصوصا علامة الرياضيات اقبلك تناغا والملتميديا فقط
اما باقي الجامعات الحكوميه كماذكرت لك فمستحيله للاسف
تناغا والملتميديا متقاربه فهي 15 الف رنجت سنوي

حبيبي مسآآك الله بالخير
طآلبك آنا دحين طلبه وأتمنى تسآعدني عاجلاً ..


أنا خريج مختبرآت طبيه .. [ دبلوم ]
للآسف ظروفي كانت صعبه جداً عملت تدني للمستوى تبعي وعلى المعدل ..

تحسنت ظروفي الحمدلله بعد التخرج
وخلصت سنه كآمله تدريب بتقدير ممتآز ..
وحصلت على شهادة تزكية من المستشفى والحمدلله ،،


المطلوب أخي منك :

هل يوجد جآمعه ماليزيه معتمده لإكمال البكالريوس
وتتقبل تدني المعدل ؟

يليت تساعدني حتى لو تتواصل معاهم بالنيآبه
ولو حصل قبول آبشر بهديه مني لك على جهدك وتعبك بمسآعدتي

والله يوفقك لمآ يحب ويرضى

السلام عليكم
للاسف جامعات معترف فيها با السعوديه للاسف لاتقبل المعدل
لو جامعات اخرى ممكن لاكن انت محصور بجامعات معينه وهذه امورها صعبه للاسف
المعذره

با التوفيق للجميع

السلام عليكم ورحمه الله وبركاته ...
اولا الف شكر لك ع هذا المجهود الجبار .. والله يجعلها في ميزان حسناتك يارب ..
والله انك ترفع الراس .. وان رجال تستاهل كل خير .. عسى
ربي يوفقك وين ماكنت ...


انا سجلت
علشان ذا الموضوع .. كنت ادور في الصفحات
عن اجابه , لكن مافيه اجابه عن اللي في بالي .. والردود كثيره يبي لي شهر حتى اقرأ نصها بس ..
علشان كذا قلت اسجل افضل واسرع وان شاءالله انك ماتقصر معي ..


انا ياطول
العمر .. ابي ادرس في ماليزيا ..
وابي ادرس بأي طريقه كانت .. طبعا متخرج من ثانوي شرعي معدلي 78 % للأسف ..
وخلصت دبلوم سجلات طبيه من سنتين تقريبا ... معدلي حول الثلاثه من 5 تقريبا ..

ادري الدبلوم ماله فايده
بس اتكلم عن وضعي عموما حتى تكون الصوره واضحه ..


ابي ادرس
في ماليزيا .. وش المطلوب مني بالظبط ؟
وكيف ابدأ .. وين اروح ؟ ومتى ابدأ ..

التخصص
اللي ارغب فيه حلمي حلمي قانون ..
ودي ادرس بكالريوس قانون .. في ماليزيا ...

اذا كان
في مجال ادخل جامعه
واقدم ع ملحقيه والشغلات ذي . قولي وش الجامعه ياطويل العمر
وكيف اقدم فيها ..؟

واذا مافي
عطني وش الجامعه المعترف بها وادخل قانون ..
وكم تكاليف الدراسه ( بالسعودي تكفى ) وكم مده الدراسه ..
مع تكالف المعيشه لهذي المده ..


وان كان تخصص القانون
صعب ادخله , بذا المعدل .. ممكن تقولي تخصصات
حلوه وتقبلني بذا المعدل بجامعه معترف فيها .



الله لايهينك
يالغالي , ولو طولت متى تبدأ الدراسه لو قدمت ؟

السلام عليكم
با النسبه للقانون متوفر با الاسلاميه ورسومه 12 الف ريال سنوي لاكن اخشى انو قبوله صعب بسبب المعدل
الافضل لك اضمن قبول في الملتميديا او تناغا وهم معترف فيهم لاكن القانون مش موجود
القانون با الملتميديا فقط للماليززين
بامكانك الدخول في الاداره وتخصصاتها كا التسويق او ادارة الموارد البشريه او المالليه لاكن انشاء الله علامى الرياضايت تكون فوق ال 75 في الثانوي
تكاليفها 15 الف ريال سنوي

با التوفيق

اخوي الغالي
طيب كيف ازبط وضعي في الاسلاميه ذي ..
ومستعد ادفع اللي تبون اذا سجلت فيها وتعرفون احد يزبط وضعي فيها ..
ماعندي مشكله ..

كيف رياضيات
وانا اقولك شرعي يالغالي ادبي يعني
ماعندي رياضيات ..


اما موارد بشريه
اقدر ادخلها في اي جامعه سعوديه يابعدي
في المجتمع ياخذون اللي تبي بس تعال ادرس ..

انا ابي قانون
او تخصص حلو يستاهل ان الواحد
يدفع ويتغرب علشانه ..


انتظرك يالغالي
لأن الايميل عندي مايشغل او زي كذا
لكن اول مايزبط بضيفك يابعدي ..

السلام عليكم

من دون مقدمات

انا حاب ادرس بماليزيا اخوي بكالريوس طب بشري

مع اني راح اتخرج السنه هذي بشهر 7 وعلى حسب توقعاتي المضمونة راح تكون نسبتي ان شاءالله الثانوية 99% درجات المواد العلمية اقل مادة 99من 100 كلها فول ولله الحمد والقدرات 70 والتحصيلي 70

وحاب اعرف ايهما افضل الجامعه الاسلامية ام غيرها

وكم الرسوم سنوياً للجامعه هل ادرس قبلها سنة تحضيرية او لا

وكم تكاليف المعيشة والمصاريف و السكن بالريال بالشهر وقلها بالريال لو سمحت !! وياليت تعطيني الاجمالي بالسنة كم يطلع

واذا حصلت على معدل حلو بالتحضيريه هل استطيع احول ابتعاث ولالا بأي حاله اقدر انضم للبعثه

وكم المده اللي اجلس فيها بالدراسه إلين انضم للبعثه

انا مستواي حلو بالانجليزي ومامعاي التوفل ولا الايتلس

جزااااااااااااام الله خير جاوبني بالتفصيل بليز لاني تعبت جداً من البحث

التخصصات الموجوده في جامعه تناقا هل هي الحاسب الالي والهندسه فقط
او يوجد تخصصات اخرى