تقرير معهد دوما للغة الانجليزية

ياهلا وسهلا اخوي.. واذا طرا لك اي استفسار قبل السفر او اثناء السفر لايردك الا الكيبورد.. ولو رحت هناك ما اظن يحتاج تسألني لان مسؤولة شؤون الطلاب هناك "اليزابيث" راح تهتم بكل شي يخصك او تسالها عنه.. لكنك ايضا مرحب تسالني في اي وقت.
بس اخوي تجنب غلطتي اللي ارتكتبها .. لو انت رايح هناك خلهم يشوفولك سكن قبل لا تجي باسبوعين على الاقل او شهر ، حتى لو طلبوا منك تدفع فلوس الدراسة ادفع حق شهر على الاقل وهم بيدوروا عالسكن.

جاييك يالذيب بكم سؤال ان شا الله تعالى.. القلب حن لماليزيا وابي ارجع اكمل فيها الماستر. ادعيلي

اخي العزيز.. يستقبلك المعهد في المطار بعد ما تعطيهم وقت وصولك وتاريخه .. انا من ناحيتي محد استقبلني لاني ماطلبت منهم ذلك، لكن دايما يستقبلوا طلاب اليابان.
بالنسبة للسعر فهو يشمل الدراسة والكتب فقط..
اما التامين الصحي فهو نوعين:
1. تامين ضد الحوادث: هذا للاصابات والكسور والجروح الخارجية فقط ، يعني مايغطي العلاج للزكام والحمى وغيرها من الامراض. هذا قيمته 300 رنقت بالسنة.
2. التامين الصحي: هذا اللي يخليك تتعالج في المستشفيات لاسمح الله من الامراض. هذا نسيت قيمته لكني هونت فيه اول ماسمعت عنه لسبب بسيط انهم قالوا لي عند التقديم لهذا النوع من التامين فانك تدفع الفلوس ثم تبدا صلاحية التامين بعد ثلاثة شهور من تاريخ الدفع !! قلت لهم ليه؟؟ قالو عشان نتاكد ان مافيك امراض مزمنة وجاي تبي تتعالج منها على حساب التامين ، ففترة الثلاثة شهور تكون مثل الامان لنا انك سليم ومافيك شي.. قلت لهم خلوني بسلامتي وفلوسي اصرف لي.
لكن على كل حال ومن واقع التجربة فالعلاج في ماليزيا بالنسبة للامراض المعتادة رخيص باذن الله . انا اول ماجيت تسممت من الاكل ورحت المستشفى وكانت قيمة الكشف عالطبيب مع فلوس ثلاثة ادوية بـ 25 رنقت فقط .. ثم بعد ذلك كنت العب كورة وانكسر ظفري ورحت تعالجت ومع اثنين ادوية كان بـ 35 رنقت..
ولو انت مطول طلع تامين صحي او شوف اللي يعجبك وسوه.

الباقي بجاوب عليه بعد ما ارجع من اشغالي بعد اذنك..

بالنسبة للسكن ! وما ادراك ما السكن..
بقولك قصتي مع السكن.. رحت ماليزيا طبعا بدون ما اكلمهم ولا ادفع لهم رنقت لاني كنت محتار بين معهد دوما وبين معهد بيت اللغات، فقلت بروح اشوف المعهدين بنفسي سافرت واخذت تكسي من المطار على دمنسارا "المنطقة اللي فيها المعهدين".
استاجرت فندق بحوالي 100 رنقت في اليوم بعدين نزلت لمعهد دوما ، قلت بدرس يوم مجاني للتجربة وولمقارنة قالوا حياك الله . خلص اليوم وقررت الدراسة في المعهد بدون ما اروح بيت اللغات "فيما بعد عرفت ان اكثر من 60% من طلاب بيت اللغات عرب وان المدرسة مكتظة جدا"
دفعت الفلوس وقلت لهم الحين شوفوا لي سكن .. قالوا من جدك الحين !!!! قلت ايه انا ساكن في فندق وحالتي المادية ماتسمح
قمنا انا ومديرة المعهد ومسؤولة الطلاب رحنا ندور في الحواري اللي قريب من المعهد ودورنا ودورنا، المنطقة هذيك فيها صينين كثيرين بل ان اغلبية سكان دمنسارا هم الصينين، فكانت بعض الغرف عفنة مرة، وبعد اربعة ايام من البحث بالقوة حصلت لي غرفة فاضية قريبة من المعهد استاجرتها بـ 500 لانها مكيفة وكانت في وحدة جنبها مهي مكيفة بـ 400 .. اخذت الغرفة المكيفة واشتريت فيها اثاث بسيط وسكنت فيها ..المهم هذا قصة سكني.
فا انا ابي اي واحد قبل لايسافر انه يتجنب هذي الغلطة عن طريق انو يخلي المعهد يشوفله سكن قبل لا يوصل او يكون يعرف احد هناك يدبر اموره.. هذي نصيحة لاي طالب مسافر في اي مكان في الدنيا لاي معهد او جامعة.

الله يعطيك العافيه ...انا كمان انصح اي واحد قبل لايسافر يرتب كل اموره من سكن ومعهد وجامعه ويسافر على نور ويحاول ياخذ ارقام ناس عرب في ماليزيا للضروره لو احتاج اي مساعده ...افضل من انه يروح يتخبط والله الغربه صعبه ...

بالتوفيق

يا اخوان كل ماحاولت ارفع صور ماتطلع ليش؟؟ لا من الموقع ولا لمن احاول ارفعها من مواقع الرفع !!!

الصور طالعة
بس صورتين نفس بعض
حمل باقي الصور بنفس الطريقة

بانتظارك

غريبة والله يا ابو احمد .. انا الحين مهي بطالعة عندي !!

المهم بحملها الحين وان شا الله كلهم يطلعوا

هذا صديقي الياباني اسمه "آكي" ..



من اليمين الى اليسار ... ليبي، ياباني، منغولي.



من التنويع في الدراسة انو قد يطلب منك بعض الاوقات ان تقوم بعمل عرض تقديمي بواسطة الباور بوينت .. حيث الهدف منه هو تقوية الــ speaking واشاعة جو التواصل حيث يسال الطلاب زميلهم ويتناقشوا معه حول فكرة الموضوع ..




العرض كان عن مدينتك اللي تسكن فيها .. تايرو تكلم عن مدينة فوجي اليابانية..

شعار المعهد اللي كان من المفترض اني احطه في بداية الموضوع ونسيته.