بختصار : الدراسة في ماليزيا ماذا تحتاج وكيف تبدأ .

مشكور موضوع اكثر من رائع وافادني كثير

هل ماليزيا ضمن دول ابتعاث برنامج خادم الحرمين للماجستير

شكراااا والله يخليك لنااااااااااااااااا

حقيقة تفاعلكم بالموضوع وردودكم كانت شرف حقيقي لي شكراً لكم جميعاً الاعضاء والزوار بلا استثناء

وبالنسبة لاستفسارات الاخوة:

Belal lutf
بخصوص الفيزا ( ألتأشيرة) عليك أن تسأل الجامعة ترسل لهم أميل من خلال موقعهم الرسمي ( وتطمن الجامعات يشيكون اميلهم ويردون بسرعة ) لأن حالياً انتقال الفيزا من فيزة سائح إلى طالب اصبح فيه صعوبة لذا اسأل الجامعة اليوم قبل بكرة عن طريق اميل ، وللأسف فعلاً كان الامر سهل قبل شهر تقريبا مسموح للسائح يغير فيزتة الى طالب لكن الان اصبح الامر اصعب.

halimo
المعذرة يا استاذي انا ما اقدم خدمات توفير قبولات، ولكن القبولات لا تحتاج اي شخص يساعدك فيها ادخل الموقع الاكتروني للجامعة التي ترغبها وراسلهم واحصل على قبول بكل يسر وسهولة واذا ماعرفت تكتب رسالة بالانجليزي ضع موضوع وحنا كلنا متواجدين لمساعدتك ، وبالتوفيق.

saloo7e
ابشر برسل لك الاميل بس اذا كان الموضوع استفسار اتمنى تطرحة هنا علشان تعم الفائدة والله يوفقنا معك في علمنا وعملنا.

Mr-The100
استاذي بوجهة نظري! كل معاهد التعليم ممتازة لأنها تقدم مادة علمية، لكن المختصر المفيد ! في معاهد الجامعات. وذكرت سابقاً انك تدرس بالمعهد وقت طويل ولا تظمن نتيجة اختبار الأيلز او التوفل وهذا مايجعلك تبدأ الدراسة من جديد سواء في معهد الجامعة او في نفس المعهد. واذا كنت تقصد في المعهد البريطاني ( بريتش كانسل ) للاسف الرايتينق ضعيف جداً ( الكتابة ) وهو متخصص بالمحادثة فقط واغلب الدراسات الاكاديمية كما هو معروف تهتم بالكتابه اكثر وماهو اي كتابة ! لابد تكون طريقة الكتابة اكاديمية ( block method or point by point method ). اما بخصوص جامعة limkokwing حقيقة لم اقم بزيارتها ولكن المعلومات الي عندي انها للأسف غير معترف بها في السعودية ولكن هي سهلة جداً واسعارها مقبولة وكما سمعت من الطلاب الذين يدرسون بها يعرفونها كالتالي ( النجاح للجميع والاستفادة لمن اراد ) . وبخصوص افضل جامعة للحاسب الآلي كما اعرف هي جامعة MMU ولكن الدراسة صعبة وتحتاج ( صبر وتحمّل ). بكلمات اخرى، شخص يدرس في جامعة MMU لا يذاكر يومياً ! لايستطيع اكمال مسيرته الدراسية. بالنهاية كلها جامعات وشهاداتها مشرفه لاشك.

دنيا الطهر:
نعم في طلاب كثير على حساب الدولة وكما ذكرت في الموضوع دراسة 30 ساعة من مواد التخصص بالجامعة تعني قبول في برنامج خادم الحرمين الشرفين بالنسبة للباكالوريوس و 9 ساعات لطلاب الماجستير.

كما اشكر الجميع اعضاء وزوار واخص بالذكر اخواني اصحاب الردود.

نصيحة: راسل الجامعة ولا تعتمد على مقدم لك خدمة ( الحصول على قبول ) ، واذا ماحصلت على قبول حاول انت تحصل على قبول بدون الحاجة الى مقدم خدمة .

واتمنى من الله التوفيق لي ولكم جميعاً بالعلم والعمل
راشد المري

الله يسعدك اخوي راشد المري
وجعله الله في ميزان حسناتك ،،،
بالنسبة للمعهد البرطاني ( برتش كانسل ) حق الرياض مدري يمكن يتخلف للاننها طول اليوم نكرف كتابة المحادثة هي القليلة
وبالنسبة للجمعات والله قالولي MMU اقوى بس تبيلك 6 الى 8 ساعات يوميا دراسة ووووين !! معقولة للدرجه هذي ،، ما تعرف احد تخرج منها ،،
بعدين في القطاع الخاص في فرق بين الجابي من MMU ولة limkokwing ولة كلهم واحد لو كلهم واحد ليش طيب ادخل ملتميديا ،، والله انا عندي واحد من خوواي كان يدرس هناك نصحني بالكليات الدولية مدري وش رايك انت !!
مثل ،،، INTI Colleg & HELP University & Taylors University & ICAEW & UCSI & ukm
وش تعرف عنهم !! وين المميزة !! وين الماينصح فيها
أأأأسف اخوي ع الاطالة ،، وجعلك الله ذخر للاهلك والمسلمين اجمعين

اخوي طيب انا من زمان حاط ببالي هذي الطريقة
ابي ادرس بجامعة mmu ومابي ادخل معهد خارجي وأتعب وتأرجح بين قبول ورفض وخوف من التوفل
اذا اردت اني ادخل معهد الجامعة اقدم على المعهد او كيف ؟ سمعت اقدم على دراسة التخصص الي ابيه وراح يسوون لي امتحان تحديد مستوى لغة
اخاف اقدم على تخصص ويطلبون امتحان التوفل ويكون كل الي سويته غلط

قدم على التخصص واذا ما قدمت شهادة توفل او ايلتس تلقائياً بيحطوك في برنامج اللغة ويسوون لك تحديد مستوى

ما قصرت اخوي ولي تواصل معك بإذن الله

حياك اخوي وجاهزين لاي خدمه

السلام عليكم ورحمة الله وبركاته

شكراً للجميع على وجه العموم،


اخوي: Mr-The100
الفرق بين جامعة MMU وجامعة limkokwing ، الفرق كما أعرف.

Limkokwing:

• الدراسة سهلة. ويقولون طلاب تلك الجامعة كما ذكرت سابقا بإعتبارهم شعار الجامعة [ النجاح للجميع والاستفادة لمن أراد !].
• غير معترف بها [ هذي المسألة تهمك اذا كنت سعودي وهذا يعني لن تقبل بالبعثة اذا كنت تدرس في هذه الجامعة ].
• حقيقة مازرت الجامعة ولكن اعرف بعض الطلاب يمدحون سهولة الدراسة.
• هي جامعة عالمية ولها مايقارب 11 فرع بالعالم. وهي في بعض الدول مثل اندونيسيا، الصين وأيضاً المملكة المتحدة. وفي ماليزيا فقط 3 فروع.

MMU:

• الدراسة تحتاج الى مجهود و 8 ساعات بنظري طبيعية وحقيقتاً جامعة لطلاب لديهم طموح قوي لايعرف اليأس.
• معترف بها الفرعين فرع مالاكا وفرع سايبرجايا.
• بعض الطلاب يمدحون الجامعة وبعض الطلاب يذمونها لصعوبة منهجها.

وبالنسبة للكليات التي ذكرت لا أعرف منها الا جامعة HELP هي جامعة كما اعرف والجامعة ممتازة جداً ودراستها قوية ولكن انت كسعودي الجنسية لن تنفعك لانها غير معترف بها للأسف. وأما باقي ماذكرت ليس لدي معلومات أكيدة عنها.

أخي: 3amer
بالضبط مثل ماقال لك أخي osman1 جزاه الله خير وهذي طريقة جامعة MMU. وبالتوفيق

شكراً للجميع وتمنياتي لكم بالتوفيق والنجاح في العلم والاجتهاد والعمل.