مين يجيب لي قبول بماليزيا..

الله يعينك ويوفقك واتمنى من الاخوان يفيدوك يارب

يعطيك العافية اخوي احمد والله يوفقك وتنال مرادك بالدنيا والاخرة..


معقول اكثر من مية رد.. بدون ردود..
وين خبراء القبولات..

ابي قبول مدفوع مو مجاني.. لاهل الاختصاص

يا اخوان احد يجاوبني رجاء..
انا وثيقة تخرجي البكالريوس مختومه من الجامعه فقط
فهل لازم تكون مختومه من الخارجية السعودية او اي أختام ثانية..؟
لاني باقدم عن طريق النت للجامعات واخاف انتظر القبول وبالاخير بعد ما تنتهي مواعيد القبول بالجامعات يجيني رفض من كل الجامعات..
لاني لازم ابدا الدراسة بشهر 2 القادم

لاني رحت لسفاره المملكة بكوالالمبور وقالوا احنا مانقدر نختم الشهادات لازم تتختم من الخارجية بالسعوديه..

فاللي قدموا على الجامعات الماليزيه يجاوبوني هل طلبوا منهم تختيم شهاداتهم من اي جهة حكومية سواء سعودية او ماليزية..؟

اخوي بالنسبة للشهادات مو لازم تكون مختمه ولا شئ ...
الا اذا في قانون جديد يقول كذا... لكن احنا قدمنا بشهادات المدرسية ومو مختومه من الوزارة...
بالنسبة للقبول انت كم نسبتك بالبكالاريوس ؟؟؟ وهل عندك شهادات خبره ..يعني كم سنه عملت كمدرس مثلاً ..
وانا ان شاء الله بساعدك في القبول ..
تحياتي

الحمدلله على سلامتك يا ابو فيصل
نورت بينانغ ,
و بيض الله وجهك يا عثمان
موفقين ان شاء الله

شوف عاد ياابو فيصل مريت على هالموضوع وماحبيت مااشآرك ,,

اسمع طال عمرك اذا تبي تختم الشهادات اطلع لملحقيه وليس الى السفارة هم يختمونها

وهالشي موجود عندنا يوم كنت بامريكا طلبت من الملحقية تختيم على شهاداتي فختم عليها وقدمتها للجامعه ومشت.. لاحبيت اوصله هو

الختم عند الملحقية وانا اخوك ..تحياتي لك ...وبالتوفيق .

حياك الله اخوي عثمان..
البكالريوس تقدير مقبول.. وخبرتي بالتدريس عشر سنوات
لكن ما عندي شهادة توفل ولا ايلتس ومستعد ادرس
عندهم ثلاث شهور لغة .. يعني قبول مشروط
القبول ياليت يكون بتخصص التربية لغة انجليزيه
او تقنيات التعليم اذا موجود..

اخوي مشعل الكلمات تعجز عن مواقفك معي
ماقول غير الله يوفقك ويسعدك بكل أمور حياتك

اخوي سميتك غلاي
للان مؤ متأكدين اذا لازم تختيم من الخارجية او لا
بنقدم ونشوف..
وبالنسبة للملحقية بماليزيا وحت لهم قالي إحنا مالنا شغل بالتختيم
مو كل الملحقيات وانا. أخوك فيها رجال وضعت بالمكان المناسب..

بيض الله وجهكم جميع