بخصوص الانظمام للبعثه في ماليزيا

هلا بك اخوي صحيح انا تابعت مواضيع و تقارير بخصوص اللغة في ماليزيا بالعكس عندهم مستوى اللغة جيد جداً هو صحيح فيه دول اقوى لكن المشكلة فيها انها غالية جدا وانا سبق وكنت ابي اروح لأستراليا لكن رسوم غاليه بالحيل يعني بس رسوم معهد اللغة يكلفك حوالي 60 الف ريال سعودي طبعا اتكلم عن معاهد تابعه للجامعات وليست خاصة عشان يكون واضح ..

بخصوص اخوي الشروط شوف انا اقولك شي الشروط من صياغتها لا تستطيع الإنظمام للإبتعاث او برنامج خادم الحرمين الشريفين إلا عند أجتياز 30 ساعة واكيد انك ما تقدر تجتازها إلا بعد إجتياز اللغة لانهم بالاساس ما راح يقبلون دخولك في الدراسة الفعليه بدون إجتياز اللغة ..

بالنسبة لي ما كان فيه من ضمن التخصصات إدارة أعمال وقلت في نفسي معقوله ما فيه إبتعاث على هذا التخصص المهم رفعت استفسار للوزارة وتم رفعه للجنة وافادوا بأنه بالعكس يتم الإبتعاث عليه ولا فيه اي مشكله فيه إذا تم تطبيق الشروط .

لكن حاول تتأكد منهم وتستفسر منهم لعل وعسى هناك استثناءات او شي من هذا القبيل , لكن انتبه انك تقدم على شي ما تعرف الشروط او النظام فيه عشان ما تتوهق بالاخير ..


دعواتي لك بالتوفيق والنجاح ..

انا نصحتكم وأنتو راح تذكرو كلامي الغات في ماليزيا الهنديه والصينيه والماليزيه وانتو جاين تتعلمو انجليزي صعبه ماجبت الكلام ذا من عندي الكلام ذا على لسان طلاب معهد els وانا من خلال تعاملي مع الناس نادر القى واحد يتكلم اننننجليزي وغير كذا المعاهد كلهآ عرب ايش الفايده تغرب نفسك وأخرها الكلاس كلو عرب يعني كانك في السعوديه ماختلف شي آنصحكم لوجه الله روحح دوله اللغه الرئسيه تكون انجليزي ونصيحه بعد لا تاخذ على كلام الناس في النت الكسلان راح يذم البلد والشاطر راح يمدح البلد اسال ناس عاشت بالبلد يعني مثلا يجييني واحد جالس بالديره مايدري ولا شاف الحياه هنا يقلي اللغه الام الانجليزي ياحبيبي انا لي 5 سنين ونص هننا مآبتجي تعلمني ايش الصح وايش الغلط ! انا كلامي الي قلتو نصيحه تبغا تاخذ على نصيحتي آهلا وسهلآ ماتبغى لآ تعلق خلاص حط كلامي ورا ظهرك واذا جيت وشفت الحياه كيف وقتهآ علق على كلامي .. معآكم محمد المالكي , طآلب آسننان

اخوي انا اقولك وبغض النظر عن هل ماليزيا تعلم انجليزي ولا لا هل يوجد عندك بديل ؟؟؟

انا بالسابق كان عندي خطة اروح لأي بلد تكون لديها اللغة قويه عشان اتعلم بعدها ارجع لماليزيا لكن لما استعرضت الدول الي هي لغتها الام أنجليزي لقيت رسومهم شي خيالي فوق طاقة من يدرس على حسابة الخاص هذا مربط الفرس , يعني هذا السبب الاول بعدها يجي التقييم لكن حبيت اوضح لك بأن الامر ما يؤخذ من زاوية واحد وإنما من زوايا عديدة..

نرجع لموضوع تقييم اللغة وانا اقولك بالنسبة لي ما جربت اللغة عندهم ولا حتى جيت ماليزيا إلى الآن لكن لي اكثر من ثلاث اشهر وانا اتابع وأقرا وأراسل اشخاص بماليزيا وطبعاً الجميع ذكر لي بأن هناك فروق بين المعاهد وبالاول والاخير ترا التعليم يقع على الشخص نفسة انا اقولك ولد خالي جلس بأمريكا وهي ام الانجليزية يتعلم لغة حوالي سنه وشهرين لاحظ ؟؟ وخويي بأستراليا خلص اللغة بـ 25 اسبوع فقط , يعني النسبة الاكبر في التعليم على نفس الشخص ومن ثم يكون للأدوات المساعدة ..

هذا ما لدي ,, والله يوفق الجميع ..