تقرير قصتي .. للدراسة في ماليزيا , بين الخوف والقلق والفشل والضياع والنجاح والراحة والمصاري

January 14th, 2014, 06:21 PM

في بـــلد الاقامة

[SIZE=5]بدات القصة ب صيف 2012 شهر 7 عندما ظهرت نتائج الثانوية العامة .. وكان معدلي 80% علمي , نفس ماكنت متوقع ومتحظر اني ب قدم على جامعة البلد الي
انا مقيم فيها .. هندسة كمبيوترنفس اخوي الاكبر ب سنتين,
قدمت اوراقي وعلى اساس ان القبول اكيد لاتي 80
ودخل شهر رمضان وكنت معتكف بالعشر الاواخر .. وجالسين نشرب قهوة مع الربع الا وجوالي يجيه مسج انا والشاب الي بعمري
الا واسمع واحد منهم يقول (" اووه حصلت قبول بالهندسة ومعدلي "70 ")
والثاني يقول ("الحمدلله قبلوني هندسة ")
انا شيكت عالجوال , واحصل مكتوب ( عذرا .. لم يتم قبولك بالتخصص المطلوب , الرجاء مراجعتنا لاختيار تخصص اخر )!!
انا قريت هالخبر وكانه واحد ضربني كفف
طبعا لان انا مقيم .. والشباب مواطنين

المهم اتصلت بالجامعة وقالو لي ان قدامك 4 تخصصات اختار منهم 2
كلية العلوم
كلية الرياضة
كلية الشريعة
...

انا اخترت كلية العلوم وبعدها الشريعة
المهمم
خلص رمضان وجا العيد وخلص العيد .. ورحت لهم , قالو لي تم قبولك بكلية العلوم ( لازم ايلس 5.5) او تاسيسي سنة انجلش
توكلت على الله وبدات لغة تاسيسي
من شهر 10 بدانا .. سالت المرشد الجامعي ايش التخصصات الي اقدر اتخصصها قالي تخصص (بيئة )او (بحر ) المهم انا بحثت وسالت وطلع البيئة حلوة نوعا ما .. رجعت له واخترت ان بعد التاسيسي ادخل بيئة , وبعدين ممكن احول هندسة .. قالي شوف التحويل بحالتك مستحيل للهندسة, والبيئة احتمال قبولك فيها 50%
قلت له فرضا ماقبلوني !!
قالي بتختار علوم رياضة او اوا و
قلت له يعطيك العافية

قــــرار الســــــفر
رجعت البيت وجلست مع الوالد جلسة عاطفية وخبرته بالسالفه
قالي : انت قرر تبي تكمل هنا او تدرس برع
قلت له : برع وين ؟
قالي انت شوف تبي الاردن ولا مصر ولا فلسطين ولا ماليزيا , اهم شي تحسب المصاريف كم بتكون

الوالد خلاني احتار اكثر واكثر , بعد يومين بالصدفة واحد من الربع يقول باخذ بعثة لماليزيا , قلت له قدام بروح ادرس معاك هناك ( طبعا على حسابي )
المهم اخترنا الجامعة وكلمت ابوي ووافق وحسبت المصاريف
اعتقدت ان المصروف يكفي (1000 رنجت )

المهمم بدانا نراسل الجامعة وكذاا , الا رفيجي يقولي ماحصلت بعثة لان البعثة بس حق الجامعات الحكومية , فخلاص بحول بريطانيا

انا كانه واحد عطاني كففففف , بديت اتخيل الامور بشكل ثاني , بروح بنفسي , لغتي ظعيفة , بلد غريبة , الكل يسبها بالانترنت, كلام الناس اذا فشلت وووو...
المهم , تراجعت عن موضوع السفر وكملت تاسيسي
كانت حياتي مملة دوام يوميا من ص8 لين 3 العصرلان ( اخوي يخلص 3 )
وماعندي موتر
حسيت اني ب مدرسة والتخصص مب مضمون والجامعة مصاريفها مب بسيطة وووو

قررت مرة ثانية اني اسافر وبروحي وتشجعت واتخذت القرار , بس باقي اختار الجامعة والتخصص

اخوي قالي: ان اخو صديقه يدرس ب ماليزيا وفي خصم حق جنسيتنا , شوف الجامعة ,دورت بالانترنت عالاسم (ليمكوكوينج) شفت الجامعة والتخصصات وحسيتها ممتازة ورخيصة
والصور بالموقع اغرااء , غرف حلوة وجامعة رهيبة ((بالصور بس ))
اخترت التخصص وطرشت اوراقي والمبلغ المطلوب(1000) .

سؤال الناس

وانتظرت وبدات اسال عن ماليزيااااااا
الانترنت : بلد خطيرة , كفار , ضياع , مخدرات , رسوب , فشل , صعوبة , تعب , غالية
الاصدقاء : افف, اعرف ناس رسبو ورجعو , خلك هناا
الوالد : القرار لك
اخوي : اكيد روح برع احسن لك
صليت استخارة عدة مرات وحسيت اني مرتاح للسفر

تقديم على الليمكو
أوراقي ارسلتها لصديق اخوي بنص بشهر 11 عشان يقدمها لجامعة :
LimKoKWing
شهر 12 جاني القبول , وارسلت فلوس الفيزاا
شهر 1 .. مافي اخبار
شهر 2 اتصلت بالجمعة وقالو الخلفية بالصور خطا
بداية شهر 2 شفت واحد من اصدقائي القدامى , وقلت له عن السفر وكذا , سالني في خصم للسوريين ؟! قلت له اي في
سال ابوه انه يسافر (لان هو نفس قصتي ) , ابوه قاله بالبداية لا , بعدها قاله على راحتك , والرجال بدا يفكر

انا كنت فرحان لان واحد بسافر معاي ونفس الجامعة ونفس التخصص , يعني بيكون شي جميل
المهم بعد ايام بدا بالقبول والحمدلله باسبوع طلع قبوله

وبعدها بيومين طلع ان فحصي الطبي في خطا (500 ريال سعر فحص المخدرات )

قررنا نسافر بدون فيزا الى ماليزيا
جهزنا نفسنا للسفر , طبعنا خرايط من المطار للجامعة , سجلنا اسم بعض الفنادق
سوينا فيزا لاندونيسيا احتياط
وانطلقنا في رحلة الغموض والاثارة والاكـــــــــــــــشن

الى مــــــــــــــــــــــــاليــــــــــــــــــــــ ــــــزيــــاااا
28-2-2013 كانت رحلتنا عالخطوطو السيرلانكية
كنا فرحانين وخايفين شوي ومشتطين .
بعد 15 ساعة وصلنا ماليزيا , وخلصنا اجراءات فيزيا السياحة
وعلطول خذنا القطار نفس ماعرفنا من الانترنت لمدينة بتراجايا وخذنا تاكسي الى فندق رخيص في مدينة دنكل
طبعا المدينة وصخة ريفية قديمة جدا .. مافي حد يفهم انجايزي .. كرهنا ماليزيا
بعد 10 ايام قررنا استئجار بيت لان صديق صديقي جاي هنا بعد , ف بنكون 3

دفعنا تامين 7000 رنجت للبيت ووقعنا العقد

رحنا الجامعة نراجع الفيزا
وبدانا دوام

حقيقة الليـــــــــــــــــــــــمكوو

الكلاسات مش نفس ماتوقعت , يعني بالعربي الفصيح حسيت ان البناء مب مخلص هههه ( يعني الصور من الجيب )
الجامعة تصميمها حلو , صغيرة نوعا ما
المدرسين اكثرهم مش دكاترة ( شي حلو ومب حلوو )
كنت اسمع ان كل شي يمشي ب فلوسك !!
شي خطا
سمعت ان الجامعة سهلة ج\ا وتنجح وانت تلعب !!
كلام جرايد
المهم ...
ومر 3 اسابيع وللحين ماطلع الابروفل
انا فيزتي السياحية مدتها شهر وتخلص
صديقي 3 اشهر
المهم رحت للجوازات وخذت سبشل باس بالعاااااافية وافقوا لان طلعت ان تذكرتي العودة بعد 20 يوم
ومرت بعد 3 اسابيع واحنا نداوم بدون فيزا
ورحت للجوازات عشان سبشل باس مرة ثانية .. ورفضوووو الطلب
رجعت للجامعة , قالو لي سافر بلدك بكل برووووووووووود
كلمتهم .. يمين يسار , مالنا خص فيك , محد قالك تيجي بدون فيزا !!

الى اندونيسيــــــــــــــــــــــــــا
المهم حجزت على الخطوط الاسيوية عشان اسافر على اندونيسيا (ميدان )
ب فيزتي ( الاحتياطية ) وارجع معاي فيزة سياحية مرة ثانية ( لازم 3 ايام )
ورحت المطار قبل الرحلة ب 3 ساعات , واكتشفت اني رحت مطار خطا , ودفعت 80 رنجت لتاكسي عشان يوديني المطار الثاني

المهم وصلت وانا مرتبك , ركبت الطيارة ووصلت بعد 45 دقيقة
نزلت المطار , وحولوني مكتب الظابط عشان يختم لي , الظابط سالني : ليش جيت بلدنا ؟
قلت له : سياحة ..
قالي كم يوم ؟
قلت له : 3 والرجعة بعد 3 يوم
قالي انت كذاب انت طالب ب ماليزيا وجاي بلدي عشان تجدد فيزة السياحة
ارجع بلدك
وطلعني برع
بعد ربع ساعة رجعت له , قلت له ارجوك دخلني انا جاي سياحة ووو
نقعني ساعة وبعدها قالي كم معاك فلوس ؟
قلت معي قريب 100 رنجت
قالي لا برجع بلادك خلاص
وبعد 3 ساعات جاني شرطي وقالي اعطيه 30 رنجت بيدخلك
قلت له بس ؟؟
واعطيته 50 رنجت للظابط وعلطول ختملي وحمل شنطتي لين باب المطار وقالي اهلا

انا للحين مااعرف ايش الي صار !!
المهم ركبت تاكسي وقلت له وديني اقرب فندق
رحت ونمت
قعدت هذي ال3 ايان وانا خايف اني اجع ماليزيا ومايدخلوني
كانت اخيس 3 ايام ب حياتي كلهاااا
3 يوم كلمت مسؤول بالجامعة عربي (احسن واحد) وقالي بشيك على فيزتك
بعد 5 د قالي طلع الابروفل حقك
انا فرحت
المهم طرشلي ياه عالايميل .. وبدات رحلت البحث عن طابعة
نزلت تحت عند الاستقبال ماعندهم ورحت المحلات الي صوبنه بعد مافي اخر شي حصلت بنك وفيه طابعة
بس ممنوع تطبع من فلاش .. قعدت اترجاهم واعطيهم فلوس نص ساعة ولا حد عبرني
طلعت وحصلت بنك ثاني وعلطول طبعو لي

رجعت الفندق ونمت وقمت ورحت عالمطار المعوق حقهم
وركبت الطيارة وانطلقنااااا
العودة الى مـــــــــــــــــــــــــاليزيا
وصلت ماليزيا ك طالب بعد قصة حيااااااااااة

والله حسيت نفسي راجع بلدي الام
وصلت البيت وقعدت مع الشباب ونمت براااااااااااااااااااااااااااااااحة بال
بعدها سلمت جوازي للجامعة وبعد شهر اعطوني ياه وفيه فيزا سنة كاملة

بدانا دوم بالجامعة .. تخصص هندسة برمجيات , البداية صعبة لان لغتي كانت ظعيفة ومع مرور شهر صرت افهم كل شي
كونت صدقات
تعرفت على الكثير من الطلاب , عرفت البلد اكثر واكثر
خلص اكورس الاول ..

الان :

ماليزيا :
بلد امنه
بلد جيدة
الي يبي يخرب بيخرب
الي يبي يرسب بيرسب
.................................................. .............
.................................................. ........................
TO BE Continue



الي عنده سؤال .. او تعليق .. او اي شي
يتفضل ..

• نشر عبر تويتر
• نشر عبر فيسبوك
• نشر عبر جوجل