تقرير قصتي مع ماليزيا ومعهد elit

February 13th, 2014, 08:50 PM

بسم الله الرحمن الرحيم ,,,


كيفكم يااخوان وياا اخوات ^_^ والله لكم وححششششششششششه الصرااحه يااملتقى ماليزياا
المهم بعد سنه من الصدمه الي جاتني من ورا سفرتي لماليزيا حبيت اني انقلها لكم واتمنى الكل يتفاااعل معااي

بدخل بالقصه على طووول طبعا بعد مااتخرج من الثانوي بكم شهر كلمني ولد خالتي الي كان يدرس بماليزيا وحمسني كثيير اني اكمل دراستي في ماليزيا
وبعد تفكير طويل اقتنعت اني اسافر وبالفعل سافرت
واول ماوصل جلست ادووور على معااهد وللاسف طحت بمعهد (( elit)) النيوزلندي ومن هنا بدأت معاناتي
طبعا اول يوم دخلت فيه المعهد كنت مرره مبسووط وكان شيء جديد علي , دخلت ولقيت البنت الصوماليه (هبه ) سويت تحديد مستوى وحطوني اخر مستوى الي هو الاستاندر <<<<طبعا جاااي ميييح مااعرف شييء تدخل الفصل ولقييت قدامي المدرسه (ِشيلا) <<يالببى قلبها بس
والفصل كان كله عرب , المهم مرت شهرين وعجبني الوضع قلت بقدم على فيزا طالب <<<جاي بفيزيا سائح 3 اشهور
قدمت على الفيزيا وقالولي 45 يوووم بالكثثثييييير وهي عندك قلت يالله مو مشكله واسلمتهم الجواز <<<كان يوم اسود ,, المهم مرت 45 يوم زي اللوز ولا كاني مقدم على الفيزا راجعتهم وقالولي بعد اسبووع , قلت يالله مو مشكله اسبوع اسبوع , ومرت الاسابيع والشهووور ولا حياه لمن تنادي
رحت ملحقيتنا الحبيبه ومن عند البااب كرشووني قالو ماتدخل وشعرك طوويل <<<كان كدش طلعت من عندهم ورحت السفاره
دخلت وكاني داخل على قهوى ريحه دخااااان كل واحد جالس بمكتبه ومولع السقاره وجالس ,, دخلت عند واحد اسمه محمد العوفي وقلتله سالفتي وقالي ابشر وبكلم المعهد , وكلمهم ولا شيء صار رجعت مره ثانيه كلمته وقالي معقوله ماطلعولك الفيزا قلت ايه والله مااطلعولي شيء قالي لا مايصير هالكلاام الحين انا اكلمهم هههههههه <<< هياااط تام ,, ومرت الاسابيع وانا كل يوم اطارد وراهم من السفاره لاداره المعهد وكل يوم يقوليلي الاسبوع الجاي ,وصلت السالفه للسفيير واجتمع السفير مع مدير المعهد وكلمهم وقاالوله ابشر خلااص الاسبوع الجاااي بيتطلع اككييييد , ومر الاسبوع ولا طلعت الفيزا ههههههه
رجعت مره ثانيه للسفاره ودخلت للدكتور يوسف وقلتله ترى ماطلعوها وسوا نفسه معصب قاال معقووله لا مو ممكن الحين انا اكلمهم واذا واشوف المهم كلم المدير قدامي وقاله لو الاسبوع الجاي ماطلعتم الفيز للطلاب السعوديين راح نسحب طلابنا السعوديين منكم ونحط عليكم بلاك لست ,, طبعا انا طلعت من عنده فرحان على اساس كلمت سفارتنا قويه وراح يتحرك المعهد ,, وابشركم مر شهر ولا طلعت ههههههه ,, اخرر شيء خلااص قفل معاي انا والي معاي السعوديين نبغى نرجع السعوديه كان وقت رمضان ونبغى نرمض عند اهالينا , المهم بعد العيد اتوقع , السفاره سددت كل المخالفات الي علينا <<علشان جلسنا بدون فيزا وكل يوم تجلسه بدون فيزا بماليزيا تعتبر مخالف وعليها غرامه ماليا ) واعطتنا (اسبشل باس ) الي هو ختم بالجواز اني اقدر ارجع فيه السعوديه , المعهد قالي ارجع وان شاء الله وعد اول ماترجع مره ثانيه من السعوديه راح نستلم جوازك مره ثانيه وعلى طول نحط فيها الفيزا قلت اووكي , المهم واخير ارجعت السعودييه بعد معااااانااااااه <<<طبعا كانت ملكه اختي قبل رمضان بشهر تقريبا وللاسف ماحضرتها بسببهم
رجعت مره ثانيه لماليزيا وكنت متفائل خير اني برجع وعلى طول بيطلعولي الفيزا
اول ماول مطار ماليزيا نزلت بسرعه من الطياره فرحان ابغى الحق على صف الجوازات علشان اختم جوازي اول واحد قبل الزحمه المهم رحت لموظف الجوازات واعطيته جوازي وجلس يطالع فييييه , اشوي كلم موظف كان وراه وجلس يبربر معاه بالماليزي طبعا انا زي الاطرش بالزفه اشوي كتب ورقه بجوازي وقالي راجع مكتب الشرطه مدري الجوازات المهم رحت دخلت وانا قامط ام العافيه هههه واعطيت جوازي للموظف الي كان هناك وقالي اجلس , وبدأ يحقق معاي , قالي انت ايش عندك جاي وليه اول شيء جلست 6 اشهور بدون فيزا ومن هالكلام وقلتله كل الي صاار وان الغلط مو مني من المعهد
المهم جالس اقنع فيييه الا ماقالي طيب خلاص بعطيك فيزا 3 اشهور سائح بس تروح من بكره وتسلم جوازك للمعهد علشان يحطولك عليه الفيزيا قلتله اببشر
من بكره رحت للمعهد وسلمتهم الجواز , وقالو الاسبوع الجاي بيكون جاهز <<< الاسبوع الجاي زي العاده وانتضر انتضر ولاحياه لمن تنادي راجعت السفاره وكان ماافي احد . ماافي الا بنت ماليزيا ناسي اسمها هههه اول مكتب على اليمين , هي الي كنت اروحلها واقولها تراجع يعني سفاره سعوديه على قلتها مشغله البنت الماليزيا والموظفين ماادري وينهم حسبي الله عليهم بس ,,,,
اخر شيء قلتلهم ياجماعه الخير انا بقدم الفيزيا من الجامعه شكرا ماابغى منكم فيزا , رجعولي جوازي وكنسلولي اجرائاتي مع الجوازات الماليزيا , قالو اووكي انتضر اسبوع علشان الجوازات الماليزيا تطلعلك اخلاء طرف علشان تقدم الفزيا من الجامعه وانتضرت اسبوع وبالفعل اعطوني ورقه مختومه من الجوازات ورحت قدمت على جامعه ملتميديا تخصص هندسه ميكانيكيه قالولي لازم تدفع رسوم تسجيل ورسوم فيزيا قلت يالله مو مشكله ورحت دفعتها 4500 رنغت قالو خلاص انتضر شهر بالكثير وتجيك قلت اوووكي

مر شهر ومافي اخباااار عن الفيزا هههههه , راجعتهم قلتلهم ياجماعه الخير فيزتي السائح بتخلص ترى , قالولي طيب اصلا النظام الجديد يقول لازم تغادر ماليزيا واذا طلعت الموافقه للفيزا بندق عليك وتجي قلت طيب وحجزت ورجعت ,, مرت الاسابيع والشهوور ولا حس ولاخبر وادق عليهم يقولولي لسى باقي ماطلعت
طبعا كنت متأمل اني ادخل الجامعه بشهر 6 اتووقع وجا شهر 6 وفيزتي ماطلعت فأطريت اني اسوي تاجيل ترم , واجلت الى شهر اكتوبر , وجا اكتوبر وفيزتي ماطلعت وكل مااراجعهم يقوولولي خلاص فيزتك بالاجرائات الاخييير وبتخلص

المهم خلااص عاافت نفسي عن ماليزيا وقدمت باحدى الكليات بالسعوديه وحمد الله تم قبولي والحين انا ادرس فيها ,,, الي يضحك بالموضوع ان الجامعه دقو علي قبل كم شهر وقالولي الجوازات رفضت اجرائاتك كامله قلتلهم لييه .؟؟؟ قالولي لان المعهد ماكنسلو فيزتك وصار تعارض لازم تجي وتكنسل فيزتك من المعهد هههههههههههههه طيب واخلاء الطرف الي انتضرت اسبوع علشان يطلع ايش موقعه من الاعراب
وطبعا 4500 رنغت تقريبا حقت الفيزيا ورسوم الجامعه راااحت بالهوواا

هذي قصصصصتي وتجربتي مع ماليزيا ومع المعهد الي ضيعني الله لايبارك فيه ساامحووني على الاطاااله
واي واحد يبغى يستفسر عن ماليزيا ولا يبغى مساعده ابد حيااااه باي وقت ومايرده الا الكيبورد , ودمتم سالمين

• نشر عبر تويتر
• نشر عبر فيسبوك
• نشر عبر جوجل