معهد ELS في ماليزيا لمدة شهر

الف شكر لك اخ عيدين وعلى تفاعلك وتعاونك معي والله يكتبه في موازين حسناتك والله انك سهلت

ومهدت لي الطريق بشكل اعجز صراحة ان اشكرك بالشكل او بالطريقه المناسبه ومالي الا اني

ادعيلك بالتوفيق والسداد لما يحبه الله ويرضاه

الحمدلله انها جت على مانتمنى

اخ انيس الود اشكر لك رأيك لكن ابغى اقولك اني منيب حاط في راسي الاستفاده في الدرجه الاولى انا ابيها سياحه ثم دراسه

وشكرا لك

هلا وغلا جميعاً

solo1
شلونك شخبارك

انا هم طالع ماليزيا
يابعد العيد او شهر 11 بالكثير

الي ابغي اعرف

موقع المعهد الامريكي ELS على الانترنت علشان اقدر اخاطبهم وانسق معااهم


لان وربي المكاتب الي عندنا كل يضاربو بالاسعاار

وهم ابي خدمة منك اخوي عيدين اذا تقدر تفزع لينـا

نبغي نعرف اوقات دورات المعهد
حتى نهاية السنة الميلادي
متى تبدا الدورات ومتى تنتهي

وانا مثلك اخووي solo1
بطلع ماليزيا سياحة ودراسة

لمدة شهر

فنبيغي الافادة منكم

يعني ملخص الحديث


وسلامي قبل ختـــامي

هلا ومرحبا أخوي .. وتامر أمر .. كتبت رد وامسح لكن هم بكتبه ثاني مرة >>>> علشان أجاريكم يا أهل الشرقية !!

دوام المعهد من الأثنين حتى الخميس من 8 ونصف صباحا حتى 3 ونصف عصرا يتخللها ساعة غداء من 11 ونصف حتى 12 ونصف .. ويوم الجمعة من 8 ونصف صباحا حتى 12 ونصف قبل الجمعة ..

دورة أوكتوبر ( شهر 10 ) تبدأ تقريبا في 6 / 10 ودورة شهر 11 تبدأ في أول شهر 11 لكن ماني متأكد بالضبط في أي يوم ..

إذا أنت جاي سياحة ودراسة لمدة شهر فقط ... فأنصحك بشهر 11 وأنصحك بكوالالمبور .. لعدة اعتبارات .. أما لو في بالك أكثر من شهر فلا أنصحك بكوالالمبور ..... على العموم لابد أن تعرف أن مدة شهر واحد فقط لن تخرج معها بكبير فائدة ....

ولتتميم الفائدة لك لو أردت السياحة .... أحسن لك في مثل حالتك أن تأتي قبل موعد دراستك بأسبوع أو عشرة أيام ... أو أن تبقى بعد دورتك لمدة أسبوع أو نحوها ... لأن أيام الدراسة لن تستطيع أن تخرج كثيرا .... طبعا ما يحتاج من يوصيك بتقوى الله في السر والعلن .. وأنت أخوي ما يحتاج من يوصيك ....

وفقك الله

هلا وغلا اخووي عيدين شارك على مشاركتك الطيبة


وماقصرت اخووي
بس
هم بثقل عليك وابغي تشووق ليه وقت بداية الدورة في شهر 11

لان شهر 10 شكله ماكو لو يتأخر سبوع ثاني كان كويس بس اذا يبدأ 6 يعني مو خوووش

عموماً أملنا عجل في شهر 11

إذا أنت جاي سياحة ودراسة لمدة شهر فقط ... فأنصحك بشهر 11 وأنصحك بكوالالمبور .. لعدة اعتبارات .. أما لو في بالك أكثر من شهر فلا أنصحك بكوالالمبور ..... على العموم لابد أن تعرف أن مدة شهر واحد فقط لن تخرج معها بكبير فائدة ....

وهذا هو الاعتبار اخووي بس ليش 11 بالذات ماخبرتني وهم ليش كوالامبو بالذات على حسب علمي الخلجيين مبسطين في شارع العرب
ومو خوش للتعلم وخاص اذا قابلت احد من معارفنا هنااك خووش

ماقصرت وعارف انا شهر ماراح اطلع بالكثير ولكن هي تغير جو ومرة وحده دراسـة اثنين بواحد يعني

اذا تقدر الله لايهنيك ملعومات شهر 11 وقت التسجيل والاجراء وهل اقدر اخاطب المعهد علطول واسجل (علشان المكاتب اكلوني بالاسعار)
علشان نحاول نرتب امورنا من الحيـن ونعدل الميزانيـة

وسلامي قبل ختاامي

هلا ومرحبا أخوي ... المرة هذي كثرت من هم ...و هم ... الله يبعد عنا وعنك الهموم ...

وزودت عليها مصطلح خوش >>> تحداك تقول 10 مرات : خوخ الشيوخ خوش خوخ !!

بالفعل أخوي .. شارع العرب مليء بالربع .. ولا تقدر تتعلم فيه كويس ..... وهذا قصدي .. خصوصا الأيام هذي ... أقصد قبل رمضان .. وأعتقد كذلك بعد رمضان تحسبا للعرسان الجدد ... أنا أعرف من سيتزوج وسيأتي لماليزيا بعد العيد .. الله يوفقهم جميعا .. لكن هذا يسبب زحمات وتصبح كوالالمبور بالذات ( خنقة ) ... صحيح كوالا فيها زحمة طول أيام السنة ... لكن من جرب العيش فيها أيام الدراسة وأيام العطلة ... يعرف الفرق بالنسبة للزحام .. فأنا نصحتك بما أشوفه أحسن وهو شهر 11 لأنه أبعد عن العطلة الصيفية ولو خيرتني بينه وبين شهر 1 مثلا أو 2 لنصحتك بالأبعد ... لنفس الاعتبارات ...

أما ليش نصحتك بكوالالمبور ... فلأنه بما أن جلستك شهر وقصدك إلى جانب الدراسة تغيير جو ... فعندك في كوالالمبور أماكن كثيرة تستطيع الاستمتاع بها ... وكذلك تستطيع بكل سهولة الوصول إلى ما تريده من المناطق الأخرى بأيسر مما لو كنت في بينانج مثلا .... أو جوهور ( حيث فروع ELS ) .... كذلك الأجانب في العاصمة أكثر فتستطيع التحدث معهم لو أردت ...

نقطة أخيرة ومهمة جدا لمن هم مثلك لن يجلسوا فترة طويلة ..... المواصلات في كوالالمبور أفضل وأرخص من غيرها بمراحل عديدة .... ربما في بينانج مثلا وهي المدينة القوية تنتظر الباص لأكثر من ساعة ... على مشوار ما يسوى ... بينا في كوالالمبور بإمكانك استخدام أكثر من وسيلة مواصلات ....

بالنسبة للمواعيد أنا اليوم جبت المواعيد الأكيدة ... هم كله لعيونك وعيون من يقرأ الموضوع ...

شهر 10 ميلادي من 6 / 10 حتى 31 / 10

شهر 11 ميلادي من 3 / 11 إلى 28 / 11

شهر 12 ميلادي من 1 / 12 إلأى 26 / 12

وأنصحك لا تدفع للمكاتب على موضوعك البسيط هذا ولا هللة ..... كل ما عليك هو أن تتوكل على الله وتجي قبل موعد الدراسة بأسبوع مثلا .. وأعتقد أسبوع كثير أيضا وتختبر وتسجل :

الاختبار 100 رنجت ورسوم التسجيل 400 رنجت ورسوم دراسة للشهر الواحد 1750 - 1850 رنجت ( المعذرة لأني نسيت المبلغ تماما لكنه بين ما كتبت لك ) ..

وفقك الله

هلا الشرقية غير

الأخ عيدين ماقصر كفى ووفى

هذا موقعهم في ماليزيا وموجوده فيه الايميلات كلها وتراهم سريعين بالرد

http://www.els.edu.my/

وبالنسبه للسياحه والدراسه صدقني انا حاليا في المعهد وصار لي مثل ماقال الاخ عيدين صعب انني

اوفق بينهم يعطون واجبات كثيره مايمديك تحك راسك واكبر مشكله بعد انني مااحب اطلع بالنهار

لكن للاسف نظامهم لو تروح لأكبر سوق او اي المراكز اللي عليها الكلام الساعه عشربالليل مسكرين

لكن مهما كان تغيير جو.

بالتوفيق للجميع