اخواني انا مسافر ان شالله جاكرتا ارجو افادتي جزاكم الله خير

هلا اخوي انا راح افيدك باللي تبغى

الاسعار طبعا زايده شويتين في موسم الكرسمس وراس السنة هذا للمعلومة

ولكن انا انصحك بمكتب كاها وهو الافضل طبعا فيه بالمطار واحد وهذا لغتهم على يدك تحملهم شوي والافضل مكتب كاها فرع سنين مقابل فندق اتريوم ويوجد فيه شخص اسمه فهمي الكثيري تعامله جدا راقي ويتكلم العربية بطلاقة وبعد فيه فرع للمكتب في رادن صالح في مطعم سميرة .

طبعا المكتب راح يعطيك قائمة الفنادق انت قل ابغى فندق بالسعر الفلاني وهم راح يوفرون لك اللي تبغاه وانتبه لا تروح دايركت للفندق والحجز من الاستقبال لانه اغلى من الحجز عن طريق المكاتب.

اما من ناحية الامان فالبلد بعد الله آمن لا يوجد فيه خوف

الاماكن في جاكرتا :- دنيا فتازي ( انتشول) مدينة العاب وترفيه مقسومه الى اربعة اقسام واجهة العاب وواجهه بحرية جت سكي وواجهة عالم البحار وواجهة الجليد مدينة اكثر من رائعة

الاسواق تمان انقرك , مانقادوا , اتريوم والعديد لا اذكر اسمائها

فيه الجبل بونتشاك , حديقة سفاري , حديقة الزهور , بحيرة الليدو , المياه الساخنة في مدينة باندونق , شلالات ماربيا , غابات بقور

واذا بغيت مساعدة انا حاضر تحياتي

جزاك الله الف خير اخي الوجدي على المعلومات الطيبة وأسال الله لكم الاجر

إنشاء ربي يوفقك وتقبل مروري

الله يوفقك

وخير مااخترت

انا كنت فيها بشهر 8 الماضي


بصراحه مره روعه

رحلتي كانت على جاكرتا يومين

و3 ايام بالجبل (بونشاك)

و7 ايام في بالي

بس بصراحه اخوي اذا تبي تنبسط

روح لبالي

اي شي تبيه خبرني

وان شاء الله اكون جاهز لك

تحياتي..

جزاك الله خير اخي rc-3more على المرور وماتقصر طال عمرك