عـاجــل فزعتكم يا طلاب ماليزيا ... لاهنتو

راح اجاوبك على بعض الاسئله بحكم معيشتي في ماليزيا واللي اقدر عليه

اسعار السيارات تقريبا اذا هي صناعه ماليزيه ما بين 15 الف (( مستعمل )) الى ما فوق (( حسب علمي والله اعلم ))

اما بالنسبة لدراسه ففيه مدراس سعودية قريبة من السفارة السعودية

بالنسبة لسكن تقريبا سكن لخمسه اشخاص بتلاقي في كندو منيوم شي نظيف وحلو ومفروش من 1600 الى 2000 رينجت طبعا سكيروتي و كل شي وامان بمعنى الكلمة

هذا وان شاء الله اني افدتك واعذرني على القصور

بيض الله وجهك وما قصرت , والله يوفقك في دراستك ويستر عليك ..

وما زلت بإنتظار باقي الأعضاء ,,,,,

ــ كيف اسعار السيارات في ماليزيا ؟ وهل المفروض اشتري سياره افضل لنا ؟
اسعار السيارات على حسب الي انت تبي فيه من 4000 رينقت الى 10000 رينقت بس اذا اشتريت سيارة بـ خمس الاف كويسا وتمشي حالك وطبعا اسعار السيارات الماليزية ارخص شي يعني لو تشتري سيارة بروتون ساقا وهي اقوى السيارات بالنسبه للموديل القديم واقتصاديه واسعار قطع الغيار متوفر مستعمل وجديد وكله رخيص .... طبعاً المفروض تشتري عشان ترتاح ..
ــ كم ايجارات السكن , لعائلة خمس افراد ؟
على حسب السكن وعلى حسب المنطقه
مثلا تقدر تحصل لك سكن من 1300 رينقت 1500 رينقت من غير اثاث بالنسبه هذه منقطه في كولالمبور او بتلنج جايا اما كاجان تحصل 500 رينجت واذا عندك سيارة يعني تقدر تروح وتجي ماعندك مشكله وانا افضل في كاجان عشان هي منطقه كلها طلاب وفيها عرب والماليزين متعودين على العرب وماعندهم اي مشكله بس كي ال في مشاكل .... وانت طبعاً تقدر تشتري الاثاث ماراح يكلفك اكثر من عشر الاف رينقت وهذا وانت مشتري كل شي فخم واذا تبي اثاث عادي يكلفك حول سبعه الاف ..
ــ عندنا طفله عمرها اقل من سنه , وش الحل فيها يعني هل لازم يكون معنا خادمه ولا فيه حضانه تستقبلها ؟
لا مش لازم خدامه ... بس تقدر تقدم على خدامه هنا وانت في ماليزيا ماعندك مشكله وخاصه اذا كانت فلبينيه راح اتعلم اطفالك اللغه وانت وزوجتك راح تتعلموا منها بعد هذا اذا انت تبي كذا ولا مايحتاج لان في حضانه في نفس الجامعه الي راح تدرس فيها زوجتك
ــ هل يمكن للمحرم دراسة اللغة على حساب البعثه ؟
اي نعم ... ويقدر بعد يلتحق بالبعثه
ــ عندنا ولد بصف أول ابتدائي , وين ممكن يكمل دراسته , يعني هل فيه اكاديميه سعوديه ولا كيف ؟
يقدر يدرس في المدرسه السعوديه في كوالالمبور في شارع اسمه جالان امبنج... وهو في السفارة السعوديه ... وقريب من المدرسه السعوديه...

واي تفاصيل انا حاضر

تحياتي لك

أهلا بك أخي الفاضل بين أهلك ومحبيك ، وأتمنى أن أوفق في الإجابة على أسئلتك :
ـ مكافأة المبتعثة بعد الزيادة جداً طيبة ولا تشكل همها لأنها تغنيك وزيادة ، ولا أظن أحد يستطيع يفصل لك المكافأة أكثر من الجدول فهو واضح جداً ..
ـ بالنسبة للقبولات لا تبحث عن مكتب في الرياض ، وحاول أن تجد بعض الأخوة في ماليزيا يسعون في إيصال الملف ، فالانتظار حاصل حتى مع المكتب ، وقد رأيت بعض الأخوة في هذا المنتدى المبارك سعوا في مثل هذه الأمور ..
ـ الأبناء في مرحلة الإبتدائي وما فوقها يدرسون في المدرسة السعودية إن أحببت من دون أجرة ، وأما التمهيدي فهو بأجرة حتى في المدرسة السعودية ، وهناك معاهد متوفرة لتعليم اللغة وأجورها ليست بالكثيرة في الغالب .
ـ قد لا تحتاج تشتري سيارة في أول شهر أو أول شهرين وهناك سيارات للإيجار متوفرة وبسعر قرابة 1000 رينجت شهري ، حتى إذا عرفت المنطقة تسعى في أمر شراء السيارة ...
بالنسبة للأسعار تختلف لكن غالب السيارات المستعملة والجيدة والمناسبة لعائلة مثل عائلتك ( خمسة أشخاص ) تبدأ من 40000 وفوق للمستعمل .
ـ بالنسبة للسكن هناك مجمعات جداً راقية وممكن تسكن فيها ، والأسعار الآن غالية لا سيما في المجمعات النظيفة والتي يحرسها شركات قوية ، فمثلاً أنا أسكن في مجمع في كوالالمبور وفي مجموعة من السعوديين ويحوي مصلى ومسبح وصالة رياضية والعاب للأطفال ، وأسعار الشقق فيه المفروشة ما تقل عن ( 2500 ) بأي حال من الأحوال يعني قرابة ( 2700) ريال ، هذا إذا توفرت الشقة والإ الآن هناك إشكالية في عدم توفرها ...
ـ هناك حضانات متوفرة وأسعارها جداً طيبة يأخذون شهرياً قرابة (200رينجت ) ، فلا تشكل أمر الطفل .
ـ يحق للمبتعث دراسة اللغة لمدة سنة ، وهناك مميزات كثيرة للمبتعث والمرافقين من حيث العلاج والدورات وغيرها بحيث تتكفل الملحقية هنا بسدادها ...

أتمنى أن أكون على الأقل أجبت عما تحب وإن كان هناك من أسئلة فابعث بها على الإيميل أو أودعها هذا المنتدى ....

وفقك ربي أنت وزوجك في الدنيا والآخرة ....

الأخوان / ابو جاسم و شيخ الإسلام بيض الله وجيهكم وجزاكم الله عنا كل خير والله لا يهينكم .
لي طلب منكم لو تكرمتو , ياليت ترسلون لي عناوين ايميلاتكم على الخاص , لأني ما اقدر ارسل رسائل على الخاص في هالفتره .

بإنتظاركم لا عدمناكم يارب ,,,

انا ماقدر ارسل رساله خاصه عشان ماعندي اكثر من 30 مشاركه بس تقدر تضيفني عندك على الهوتميل على نفس اليوزر الي في المنتدى

تحياتي لك