هل أستطيع الحصول على الموافقة من الوزارة للدراسة على حسابي من الملحقية

لان اشراف الملحقيه على الطالب شرط رئيسي من شروط قبولك للانظمام للبعثه بعد اكمال 30 ساعه وللمعلوميه ارقام الملحقيه التي تعطى للطالب من قبل الوزاره قديمه وتغيرت وموقع الملحقيه هو http://www.sacm.org.au

الله يجبر بخاطرك ياخوي زي ما جبرت بخاطري ..... لسه ما رحت الوزارة ان شاء الله قريبا بس تسمح لي الظروف ...... بس ياخوي لي سؤال كيف دوام الوزارة والسفارة يداومون باليل وهل هذا الاسبوع اخر اسبوع لهم ...... بالتوفيق

سلام عليكم ... انا اليوم رجعت من الرياض ورحت للوزارة واعتقد دوامهم صباحي وماعند خبر متى اخر يوم بالدوام . واللي صار معاي رحت لقسم الدارسين على حسابهم الخاص الدور الارضي على اليسار واعطاني استمارة تكتب فيها معلومات و تواقيع بعد ماخلصت اعطيته الاستمارة وطلب مني صورة من شهادة الثانوية و صورة من شهادة حسن السيرة و صورة من بطاقة الاحوال و صورة من الجواز فقط , وبعدها طبعلي ورقتين وقالي طلعها عند مدير البعثات عشان التوقيع و اخذت الاوراق لهناك ومريت قبلها على مكتب لتدقيق الاوراق وبعدها وقعها المدير وانتهى والموضوع كله ماياخذ الا عشر دقايق بس ,, حبيت اقولكم وشصار معي يمكن احد يستفيد واي خدمة انا حاضر .. شكرا

مشكور اخوي عزوز على المعلومات صراحة ما قصرت الله يعطيك الف عافية وربي يوفقك وين ما تروح

نفس السؤال القديم بعد موافقة الوزاره و وصول المبتعث الى مقر الدراسه هل يتصل بالملحقبه التابع لها لفتح ملف له اسوه بالاخوان على نفقت الدوله والا وشلون لان اشراف الملحقيه على المبتعث شرط اساسي للانظمام للبعثه ومعادلة الشهاده في الاخير من لديه خبر كخبر جهينه لايبخل علينا بالتوفيق للجميع

اخي الكريم

لدي استفسار وهو ان الدكتور المعجل قد قالي اذهي الدوله التي تريدها مبدئيا على حسابك الخاص وفي حال وصولك الى الدوله اذهب الى الملحقيه واكتب طلب التحاق بالبعثة وسوف نلحقك بالبعثه في مدة لا تتعدى الشهرين اي في مدة دراسة اللغه في السنه الاولى

هل هذا صحيح؟؟ رغم اني ذهبت اليه مرتين وأكد لي هذا الكلام وقال هذا نظام جديد سوف نطبقه

وانتم تعلمون من هو الدكتور المعجل فهو وكيل الوزاره وأكيد بيكون مسؤول عن الكلمة الي بيقولها ولاحظوا ان هذا الي صرح فيه لي مو اي كلام حتى يغيره بين يوم وليله


ارجوا التفاعل

وشكرا