اخوكم طالع ماليزيا لدراسة الانجليزي نصائحكم ويوجد لدي بعض الاسفسارات

السلام عليكم ورحمة الله ..

اولا :إذا كان عندك المقدرة على الدراسة في غير ماليزيا يكون أفضل ...

ثانيا : مثل ماذكر الشباب اترك عنك المكاتب .. الموضوع مايستاهل مكاتب وتعب ونصب ,,

ثالثا : حاول الاتصال على احد الشباب هناك يرتب لك الأمور (الشباب الموجودين هنا فيهم الخير والبركة ).
تقبل تحياتي ،،،

اخي العزيز

نصيحتي لك

اولاً: انك تبعد عن هذه البلدة لان فيها مشاكل كثير مع العرب واللغه تعبانه مررررة وبقوة مع المعاهد

اذا مره حاب انك تجي تعال على حسابك ولا تروح للمكاتب ترى كلها عمليه نصب في نصب

انت تعال وادرس في معهد الامريكي الي في بتلنج جايا وفي سكن مرررة قريب ورخيص في الشهر من 500 - الى 700 على حسب

لان افضل معهد في ماليزيا هو المعهد الامريكي وراح تستفيد في الكتابه اكثر شي

ولاتاخذ من عندهم فيزا كل شهر بشهر افضل لك ولهم
الشهر 1800 رينجت .... وبعد ثلاث اشهور اذا انت تحب تكمل معاهم اطلع اندونسيا يوم وتعال التذكرة 400 رينجت رايح جاي مع سكن ليلله 100 ريال وارجع ماليزيا وتقدر تجلس ثلاث اشهر بعد
لان لو تاخذ فيزا من المعهد لازم تدفع مبلغ كبير وتامين وثمن الفيزا 1500 رينجت ولما تجي تطلع تعطيهم خبر وياخذون جوازك ويجلس عندهم شهر عشان يكنسلون الفيزا وبعدين يعطونك فلوسك في شيك وحدك اربعه ايام وتطلع من ماليزيا واذا تاخرت تصير لك مشكله في المطار فنصيحتي لك لاتاخذ فيزا

اذا حاب تجي ماليزيا تعال ولا اتخاف ترى في شباب واجد والكل يخدمك ان شاء الله
او ماتوصل اسكن في فندق الي خلف المهد الامريكي يوم يومين على ماتحصل سكن وسجل في المعهد وراح تشوف الشباب واسئلهم عن السكن وراح يدلونك
ثاني شي لاتجي ماليزيا الا نهاية الشهر عشان مايجي الشهر الجديد كل تقدر تسجل لان لو تجي في نصف الشهر ضاع عليك وقت ولا تقدر تسجل في المعهد حتى لو سجلت راح يرسبونك لان لو تغيب خمسه ايام يحسبونها عليك رسوب واذا قالوا لا مارانح نرسبك لاتصدهم كذابين

يعني لو تجي على 28 فبراير حلو مره

تجي تختبر عندهم بليس منت تست 150 او 100 رينجت ويحددون لك اليفيل الي انت فيه ويقولون لك متدى الدراسه وانت بعدين تعطيهم 1800 رينجت وتبتدى الدراسه من 8:30 الصباح الى 3:30 العصر

واي استفسار انا بالخدمه

تحياتي لك
ابو جاسم

ياهلا والله بي ابو جاسم
كفيت ووفيت
بس ياليت توضح لي
(اولاً: انك تبعد عن هذه البلدة لان فيها مشاكل كثير مع العرب واللغه تعبانه مررررة وبقوة مع المعاهد )

وعلى فكره انا مخير بين الهند و ماليزيا

اهلين اخوي

انا ماقدر اقول لك روح الهند او انك تجي ماليزيا طبعاً هذا شي راجع لك
انت ادخل واقراء عن الدراسه في ماليزيا واقراء عن الدراسه في الهند وشوف وين احسن لك

بس الهند اتوقع فيها مشاكل مع طلاب سعودين من قبل
وماليزيا زي ماتشوف فيها مشاكل مع الايرانين والعرب

بس اذا جيت ماليزيا اتوقع افضل من الهند
بس اهم شي انك ماتطلع في الليل وخلك في البيت اذا انت جاي للدراسه بس وخلك عنك التمشيه
ولا تطلع مع اي شخص ماتعرفه حتى لو انك تعرفه من المعهد كم يوم ماتدري ويش مسوي من اول فخلك فحالك احسن لك
بيت - دراسه - بيت
واذا حاب تتمشى في كي ال ادخل النت وشوف الاماكن السياحيه
حديقه الحيوان - كي ال سي سي - كي ال سنتر - تايم سكوير - شارع العرب -

ولا تطلع في الليل احسن لك هذه نصيحتي لك

تحياتي لك
ابو جاسم

اخوي ابو جاسم
ماريك في els معهد انجليزي

وبعدين اذا تعرف سكن ولا شي قريب من المعهد ياليت تدلني علية


واتمنى من الشباب الي يعرفون معاهد او سكن قريب ياليت يساعدنا

وياليت كمان يشوفلنا مواعيد الدراسة
بنتظار ردكم