عاجل:طلاب الدبلوم ننتظر الاستجابه للاهميه ..؟؟

اقول ياشباب الحين اللي معاه دبلوم يقدر يحول للبعثه من الخارج اذا كان على حسابه
ردو علي بليييييييز

بسم الله الرحمن الرحيم
الحمدلله الذي لم يجعل البعثات في ايدي الجهلأ امثال من قال ان طلبه الدبلوم عقولهم ليست نظيفه
اولا اخي الكريم/
انت طالب مبتعث وبحاجه ماسه للدعأ بالتوفيق وليس كل التوفيق يأتي من العقول النظيفه
واتوقع ان يكون هذا منطق تفكيرك اذا كنت عاقلا.
ثانيا اتكلم انا فيصل الروقي وانا طالب هندسة دبلوم عالي هندسه كيميائية من كلية الجبيل الصناعية وقد كان معدلي بالثانوية 92 ومع هذا رفضت بالأبتعاث فأين تفكيرك من كل هذا ام ان الغرور اصاب منك مأصاب.
وشكرا لكل المشاركين وشكر خاص لطلبة الدبلوم العالي

بسم الله الرجمن الرحيم
طبعا يأخوان انا والله مالي بسوالف المنتديات وكانت المشاركه السابقه اول مشاركه لي بهذا المنتدى وهذي المشاركه الثانيه والحمدلله تمكنت من قراءة جميع مقالات طلبه الدبلوم والتي كان بادي عليها معالم الأحباط ولكن بالنيابه عن كل من اعرفهم اتوجه بالشكر للأخ يوسف والى كل الأخوان الذين يحاولون رفع اصواتنا والى لقأ قريب

تفائل بالخير وانا اخوك

اللهم لك الحمد حتى ترضى ولك الحمد اذا رضيت ولك الحمد بعد الرضى

ردك جميل اخوي

وبعدين ترا حنا كطلاب دبلوم عالي اللهم لك الحمد في شباب اعرفهم بكليه المجتمع التابعه لجامعه الملك فهد معدلاتهم فوق ال94 ولله الحمد

وانا صراحه ما اعجبني هالمغرور مايدري ان الله فوقه وان الله لايحب كل مختال فخور

او انه من حقين الواسطاات اللي يالله باليالله متخرج من الثانويه وحصله على بعثه هههههه

لاحول ولا قوة الا بالله

اللهم لا شماته

الحمدلله ان في ناس فاهمه وواعيه لهالاشياء بوزاره التعليم العالي

السلام عليكم و رحمة الله وبركاته

كيف حالكم جميعا

انا عضو جديد من حملة الـ "دبلوم"

وهذي اول مشاركة لي

طبعا انا

خريج معهد الادارة العامة بالدمام

تخصصي محاسبة

تخرجت شهر ابريل 2007 يعني بالضبط قبل سنة

والحمد لله توظفت بعدها بشهرين (صار لي موظف 10 شهور) وظيفة "محترمة" براتب" حلو" وفي نفس تخصصي

بس بصراحة نفسي اكمل الدراسة بالخارج لان الجامعات اللي عندنا ما اشوف انها تحقق طموحي؛ الدراسة فيها بالعربي وانا دراستي بالانجليزي؛ الجامعة الوحيدة الممتازة هي جامعة الملك فهد لكن المشكلة انهم ما يعادلون الساعات

باختصار انا رجال "يضم" صوته الى اصواتكم

خلوني افش خلئي

قبل كم شهر سمعنا بابتعاث الهيئة الملكية ، قالو بيبتعثون عشرة الاف مدري عشرين الف

وقدمنا وتابعنا وتحمسنا وتفاءلنا

و في النهاية "تمخض" الجبل فانجب "فارا"

ابتعثو 300 شخص ،،، والله اضحك ،، دفعتي اللي تخرجو معي من معهد الادارة بالدمام "اكثر" من 300 شخص

ما بالك بخريجي المعهد بباقي الفروع ، خريجي الكليات التقنية ، خريجي الكليات الصناعية ، خريجي كليات المجتمع، خريجي الكليات الصحية ، تتوقعون انهم 10000 (عشرة الاف) او اقل او اكثر

لو "افترضنا" انهم بس 10000 يعني الوزارة ابتعثو 300 من اصل 10000 يعني بنسة 3% اضحك والا ابكي على هالنسبة

وعلى فكرة من باب "التذكير فقط" اقول لكم ان هالـ300 مقبولين قبل لا يتم الاعلان "اصلا" عن الابتعاث


والحين "تكرمت" وزارة التعليم العالي و "طلعت بها"

بيفتحون باب القبول "فقط" لطلاب الدبلوم (والله يحببونا محبة خاصة)

لكن هالمرة "تمخض" الجبل فانجب "صرصورا"

قبل لا اعلق على باب القبول الجديد خل اقول لكم سالفة سمعتها
يقولون ان واحد معه دبلوم وشهادة خبرة في نفس تخصصه قدم على جامعة بريطانية عشان ياخذ بكلوريوس وقبلوه ويوم راح وعرض عليهم شهادة خبرته قالو له احنا ممكن ندرسك ماجستير على طول
لان دبلومك مع خبرتك "توازي" البكلوريوس، الرجال فرح وكمل وتخرج ويوم رجع السعودية قالو له الوزارة ماجستيرك "بلّو واشرب ميتو"

الحين خلونا نتكلم في باب القبول الجديد
اولا
اشتراط نسبة 80% فاكثر للثانوية تدرون وش معناه ، يعني انهم "مو معتبرين" المؤسسات التعليمية اللي تخرجنا منها ، طيب اذا مو معتبرينها ومو معتمدينها "قفلوها" ولا تناقضون انفسكم بانفسكم

ثانيا
تخصيص الصين, الهند, كوريا, اليابان, ألمانيا, بولندا

هنا سؤال لوزارة التعليم العالي!

دامكم بتبتعثونا للدول هذي ليش في الثانوية اللي "تهمكم" نسبتنا (يفترض 80% ومافوق) فيها ما درستونا اللغة الصينية والهندية والكورية والالمانية والبولندية عشان نكون مؤهلين لدراسة التخصص بدون اي عوائق
والا تفترضون ان الطالب بيروح وحدة من هالدول وبيختم لغتهم في "سنة وحدة"
لنفترض "جدلا" انه ختمها في سنة وكمل الدراسة من احسن ما يكون ورجع السعودية ببكلوريوس والا غيره ، هل بيلقى وظيفة مثل اللي درس بالانجليزي؟
طيب لنفترض افتراض ثاني ان الجامعات في الدول هذي تدرس بالانجليزي ، تتوقعون ان الناس في الشارع، البقالة، المركز التجاري،المطعم "يتكلمون" انجليزي، انا اتوقع انم يتكلمون عربي

باختصار باب القبول ذا "ما ابي" ادخله وهالمرة "ما راح" اقدم الا اذا اعتبروني مثل غيري وفتح باب مثل باقي الابواب

يا جماعة؛ اللي يشوفني على خطا يصححني والا يشوفني على صح يضم صوته لصوتي وخلونا نصير اصحاب "قضية" ولا نرضى انهم يسكتوننا بـ "حلاوة"
خلوننا نوصل صوتنا لهم بشكل صحيح ونشوف الـ "مخاض" الجديد ، عسى ما تكون النتيجة "نملة"
ادري طولت بس مو مني، من الـ"......"

سلام عليكم

سكر 2007 ويا فالنتينو

كفييتو ووفيتتو والله يجزاكم خير

وحناا معكم

ان شاء الله يكون في شي لاهل الدبلوم بالتوفيق يارب للجميع