ما مصير المبتعث بعد العودة

يا سكوربيون الله يصلحك ما قلنا تواكل..قلنا لك ادرس وضعك ووضعك تخصصك وبناء عليه اتخذ قرار..واذا اتخذت القرار خلاص لعاد تشغل نفسك. يمكن ماوضحت فكرتي بشكل افضل.لما اقول انه ماعندك كنترول اقصد لما تتخذ القرار وتبدا الدراسه, خلاص انتهى الموضوع...ركز على دراستك وكيف تجي بأكبر قدر ممكن التجارب الايجابيه الي تضيف لسيرتك الذاتيه وخبراتك وقدراتك.

الشي الثاني..انت تطالبهم بتحديد مصيرك يعني وضعك الوظيفي!! وطبعا الكلام هذا ينطبق على الجميع.... تبيهم يقولون مالك وظيفه؟ اصلا مهوب منطق انهم يقولون لك فيه وظيفه او مافيه..ترا الامور تختلف كل سنه والاقتصاد يختلف وفتره الركود الله يستر لو حصلت تضر بكل الناس وفتره النمو الي صايره ومتوقع انها تستمر ان شاء الله تفيد كل الناس...قبل خمس او ست سنين ماكان سوق العمل مثل الحين ولا كانت الميزانيات مثل الحين ولا كان عدد اشركات الكبيره مثل الان!! في ذاك الوقت كانو الناس يتمنون الابتعاث وماكان متوفر الا بالوسايط او بشكل محدود جدا في ارامكو والتأمينات واماكن بسيطه جدا...الان الفرص زادت ولله الحمد..القرار مثل ماقلت لك صعب على ناس كثير لكن اذا تبي تسهل القرار على نفسك افترض انه مافيه بعثه من الاساس! هل كنت مستعد تترك وظيفتك لو جاك فلان من الناس وقال لك انا اتكفل ببعثتك من الى واذا تخرجت الوجه من الوجه ابيض...توافق؟ ممكن بتوافق وممكن لا بس مالك حق تقول للرجال ياخي بتظمن لي وظيفه اذا تخرجت؟ هو بيسوي معروف انت ادرس الوظع وقرر...فيه قرارات صعبه في الحياه لازم نتخذها.

الشي الثالث: حتى الي عنده اطفال ووووو...هل قالو له تراك بتلقى وظيفه جاهزه اذا رجعت؟ لا...هم قالو فيه فرصه ابتعاث للي يبغى.

يفترض اننا نصير ايجابيين وننضر لنص الكاس المليان...هم عرضو فرص.. اصلا وزاره التعليم العالي وش دخلها في الوظايف!!.
امر اخر..كل تخصص وضعه مختلف كليا..بعض التخصصات بسهوله ان شاء الله بيلقى وظايف قبل ما يتخرج او اول ما يتخرج لان الشركات تبحث عنهم هنا..شويه نشاط بس.

تحياتي للجميع

موضوع مهم وجدير بالطرح ,

أخي الكريم تفائل بالخير تجده إن شاء الله تعالى ,

والدولة رعاها الله لن تبتعثك سدىً ولن تصرف عليك هذه المبالغ الطائلة دون جدوى ,

إن شاء الله ستجد وظيفة مناسبة لك عند تخرجك وإتمامك للبعثة وتقبل تحياتي.

رئي الشخصي أن فرصه الذهاب و الدراسه في الخارج ستوف لديك خير قوي في الحصول على افضل الوظائف و أنا من وجه نظري أرى أن العمل في الشركات الخاصه افضل بكثير

المردود المالي افضل للذين يقولون الأستقرار اقول له أنت لما تعود بما لديك من مؤهل من المفتض أن ما تحمله من شهاده أضف لك قيمه و يكون مؤهل لك للإتحاق بوظيفه تناسب مؤهلك فبتالي ستكون أنت ذالك الموظف الكفاء الذي تليق به و سيكون ذالك الإستقرار بإذن الله.

كلامي لا يعني الإستهانه بالوظائف الحكوميه و لكن إن كان العرض مقري و أعلى فمن المؤكد ان الوظيفه الحكوميه ستكون افضل

و أنت توكل على الله قبل البداء في إجراءات القبول و استخر الله و خذ رئي والديك و بعدها إن كان القرار الذهاب للبعثه سيكون بعدها كل خير إن شاء الله.

اود ان اقول تفائلوا بالخير تجدوه اود ان اوضح للجميع ان الدولة ماخسرت هذه المخاسير ودفعة الاموال للمبتعث السعودي الا وان هناك نشطات هامه تحتاج اليها المملكة الحبيبة وتخصصات ممتازة لكن السبب الوحيد هو هل الدارس يكمل الدراسة ام لا .............................؟ وشكرا

تفألوا بالخير تجدوه

في البداية لك جزيل الشكر أخي الكريم على طرح هذا التساؤل اللي يشغل الكثيرين منا
وثانيا زي ما تفضلو الاخوان مستحيل الدولة تصرف هالمبالغ الطائلة على الفاضي وربنا الرزاق
موفقين يارب

حنا نتخرج وبعدين نتفاهم

ان شاء الله تلقى وظيفتك تستناك وبعدين المملكة في طور النمو وراح تفتح مجالات لك ولعيال اعيالك

السلام عليكم
اشكرك اخوي الكريم على عرضك لهذه النقطه
اكيد اي واحد تجي له فرصة الابتعاث وهو على راس العمل ومستقر ماديا لازم يفكر بنفس هالطريقه لانه بصراحه معذور هذي تعتبر مجازفه كبيره لكن لو سال كل واحد منا نفسه هالسؤال
بعد سنتين او خمس(حسب مدة الدراسه)وين تتوقع يكون مكانك في العمل للو مارحت تدرس؟؟؟
ولو درست هل بتختصر مسافات في عملك او لا؟؟؟
اما بالنسبه للوظيفه اذا هي مظمونه او لا فترا مافيه شي نظمون في هالدنيا واذا بنجلس نفكر في المظمون ماراح نخطو خطوه وحده لانه حتى لو ظمنوا لك الوظيفه وش يظمن لك انك تنجح لما تروح؟؟؟
شايف هالتفكير وين يوديك راح يخليك جالس بمكانك
يااخي انت ادرس وظعك واعقلها وتوكل واسال الله انه يكتب اللي فيه الخير والله يوفق الجميع

البلد تحتاج الكوادر الوطنية في كل زمان

لا ياحبيبي
اصلا انت لما ترجع بشهادة من جامعة خارجية
( مع شهادة لغة )
ولغة ..
هذي تكفيك ..
وتتوظف وانت مبسوط بإذن الله ..

بس خل ايمانك بالله قوي ..
والله يوفق الجميع ..