مسآبقة ..تحدي التخصصات الادارية ..

معلوووووووووومااااااااااااات و مقاااااالات راااااااااائعه

أبدعتوا الطرح

متااابعه معاااكم

^_^

السلام عليكم.. كيف الحال ياشباب ابي منكم خدمه
انا اخوي يبي يكمل الماجستير حاسب ابي استفسر اي احسن التخصصات والجامعات
في كندا والله يعطيكم الف عافيه.

بسم الله الرحمن الرحيم

( لايشكر الله من لايشكر الناس)..
فجزيل الشكر والعرفان للأخت ورقة توت على هذا الموضوع ..
والشكر موصول لكل من قرأ وشارك معنا.. واخص منهم من ابدع بالطرح
وتحيه خاصه للاخ ابورغد على هذه العقليه النيره.
كما اتمنى ان يطبق جوهر الموضوع على باقي مواضيع مبتعث < الاستغناء عن الاسئله المتكرره

اللقب- مليت
التخصص- قانون للأسف
السنه الدراسيه- خريج منذ مبطي
الجامعه-كنق سعود يونفرستي<ودي اقولها من زمان
وبعد..
انا مالقيت احد تكلم عن القانون عشان كذا شكيت هو تخصص اداري ولا لا بس كليتنا اسمها العلوم الاداريه <يعني تقرب للموضوع

تعريف القانون- مجموعة القواعد المنظمه للعلاقات البشرية وماينتج عنها.
اهم موضوعاته -الحريات الشخصيه - الاحوال المدنيه -المسائل الجنائيه - المعاهدات الدوليه-العلاقات التجاريه.
ينقسم الى قسمين :
القانون العام: ويختص بالانظمه الدوليه والمعاهدات.
القانون الخاص: القانون المدني( وهو مايعتبر الاصل الذي تفرعت منه جميع الانظمه)-القانون التجاري -القانون الجنائي- القانون الجوي -القانون البحري-القانون الاداري.
وهذا رابط للخطه الدراسيه وماتحتويه من مواد بجامعة الملك سعود
https://edugate.ksu.edu.sa/ksu/ui/gu...ansIndex.faces

وغالبية مواد هذا التخصص نظرية بحته ولكن لايلجا فيها الى الحفظ المستمر كما هو متصور عند غالبية الشعب بل يعتمد على الفهم بالدرجه الاولى الذي يولد الملكه القانونيه < يعني تعرف تفكر باسلوب قانوني وتكتب كلام كبير
ولعل اشهر الدول بهذا المجال فرنسا فهم يعنون بالقانون ويفتخرون بذلك..
كما ان اغلب رجالات القانون يعتبرونها الدولة السباقه في مجال الانظمه حيث انها اول من اهتم بالاحوال المدنيه الذي اقتبسته اغلب الدول العربيه منها وذلك حسب منظورهم الشخصي< ماعجبتني المعلومه
واللي اشوفه ان كل الكلام هذا سبوقهم فيه فقهاء المسلمين وخصوصا المذاهب الاربعه ولكن الفارق الجوهري انهم اعتمدوا على الادله الشرعيه وفق الاطار الاسلامي بعكس فقهاء القانون الوضعي الذين اعتمدو على الرأي المجرد والقدره العقليه والتطور التاريخي للعلاقات البشريه-وهذا لايعني ان القانون يتعارض مع الشريعه بالعكس فهو مطلب اسلامي مواكب للاحداث والمستجدات متى ماكان وفق القران والسنه.
اما عن جامعة الملك سعود وخبرتي فيها فانا انصح اي واحد يفكر بالقانون يهون واذا كان معزم وماله حل يروح برا احسن له وتراني ناقم عليهم< ادري قويه بس فقعو مرارتي لان ماعندهم منهجيه ولا طرق تدريس تخش العقل ولاتطوير في المواد
واي قانوني بمعنى الكلمه يخلص موادهم بسنه بدون حضور ولا محاظره واخر شي تحس اربع سنين ضاعت من حياتك على الفاظي< هي اكثر من اربع بس نقصتها حفاظن على السمعه

*ملاحظه: من سلبيات هذا التخصص يخليك تتفلسف واجد وماحولك احد
*ملاحظه مره ثانيه: يمكن يطلع كل ذا اللي فوق غلط لحد يدقق
<<< ماذاكر زين

ودمتم بود

والله هذا الكلام عن كنق سعود ينفريستس للأسف ينطبق على كليات كثيرة

وش اقول وش اخلي بس

لوووول والله ذكرتني بالايام الخوالي

.
















.

‏‏
يعني اللي يبغى يبتعث يدرس لمرحله البكالريوس دراسته ماهي مقتصره على التخصصات الطبية -والا التخصص اللي داخلاه الاخت اميرلدا من فروع التخصصات الطبيه
لاني كنت ابغى اسجل على بعثة في مجال الحاسب وقالوا لي كثيرين ماتقدري تدخلي الا تخصصات طبي اذا تبغي تبتعثي للبكالريوس
طيب ياليت من الاخت اميرلدا اذا ماعندك مانع تقوليلي تخصصك هذا تحت اي فرع داخل وياليت شرح مبسط لاني حسيت من اسمه يناسبني خخخ
وياليت اذا ماعندك مانع تقوليلي كم درجتك حقت القدرا والتحصيلي وشكرا

احترت من كثر التخصصات يا اخوان
لاكن احد يكلمني عن ادارة الجودة
وافضل تخصص فيها من ناحية المستقبل الوظيفي والراتب

مو كأنه الموضوع حوسة شوي ؟
المفروض كان فيه موضوع تسجيل- بعدين مرحلة ثانية طرح مواضيع
مو بنفس الموضوع يامتحمسين
ياليت المشرفة تطلب من المشاركين اعادة الكتابة بموضوع مستقل واللي متشابهين بالاقسام يكونون بنفس الموضوع
+ وحذف الكلام اللي ماله لزمه ( اقصد الشرح العائم )
ويضيف معلومات تهمنا كمبتعثين , مثلا هو يدرس بجامعة معينة يعطينا رابط الخطة ورأيه الشخصي في الجامعة
او في باله كذا جامعة يحط لنا روابط الخطط حقتهم ويتم في المواضيع مناقشه عامة عنها
هذا برأيي راح يخلي تعبكم أكثر فائدة , يعطيكم العافيه ماقصرتوا
( مشرفتنا دوك ورده )

الله يجزاك خير ياورقه التوت ماقصرتي

الصفحات الاولى والصفحة الاخيرة حسب اليوم تحمل الشي الكثير من ناحية الوظائف والرواتب وبالتوفيق
http://www.mbt3th.us/vb/forum39/thread129252.html