ملــتــقــى لجميــع طلآب وطـالبآتـ الــقــآنونـ

رائع جدا ..
ان شاء الله ساكون من اول المتابعين ..

الله يسلمك اخوي ...
انا ببدأ ..
تخصصي إسمه ( الدراسات الإسلامية ) ومثل مالاحظتو عند التسجيل يشترط تخصص القانون ان البكالوريوس يكون إما ( قانون أو شريعة ) ويوم اتصلت على الوزارة قال الموظف لأ ماتنقبلين .... لازم التخصص يكون إسمه شريعة !!!!!!!! وان المسموح للي مثلي يسجل بس تخصصات إدارية !!!!!
نصحوني جماعة اسجل اي تخصص إداري ولا نقبلت اطلب تغيير التخصص للقانون .. بس خايفه اتوهق وينرفض طلبي وانا ماأعرف ولا شي عن التخصاصات الإدارية المطروحة وبصراحة ما حبيت شي منها !!!!!

تعتقدون لو عملت بالنصيحه ممكن يقبلوني بعد كذا قانون ؟؟ ولا راحت علي ؟؟

حياااك الله

ونتمنى تشاركنا مو تتابعنا بس

ياحبيبتي مو يمكن هذا كلة خيره لكي

القانون حلوو بس كمان الاقساام الادارية رائعه ولها مستقبل مشرق باذن الله

مع اني اشووف ان دراسات دارجة تحت مسمى الشريعة بس يمكن زياادة تعقيد

صلي الاستخااارة

واختتاري القسم لايفوتك الموعد

من كل قلبي اتمنالك التوفيق

اكيد.....طبعا ....
الفكرة حلوة اتمنى من الكل المشاركة ....
والتفاعل مع الموضوع عن ..الدول.. والقبولات.. والدراسة ..خاصة ان القانون يعتبر من التخصصات الصعبة ..
اناافكر في كندا لكن للأسف ماعندي معلومات كافية عن القبول في الجامعات..

مرحبا يسلملي الغالي
فكرة التجمع روووووعه
انا حااااااايس وحيرررررااان واشوية ارمي نفسي من الطاقه ما لقيت احد ممكن يكون تخصصه قريب مني الا انتو الله لايحرمني منكم
اولا: حلوه روح الاخوه الي بيننا
ثانيا: ابغا ابشركم ياحلوين ان السعوديه خلال السنوات القادمه في امس الحاجه لتخصص القانون يعني با دن الله جيب شهاده وتعال ادلع
ثالتا: الله يعنيكم عليا))
انا خريج السنه من الشريعه والحمد لله جاني قبول بالماستر هنا بالسعوديه اسمو ماجستير الانظمه
وما ادري نفسي اطلع ادرس برا بس متخوووف جدا من المجازفه خاصة ادا طلعت حيروح الماجستير اللي هنا
اانا سالت ناس متخصصه كتير بعضهم قالولي هنا والبعض لا اطلع كمل برا احسلك
ما ادري انتو لو مكاني ايش حيكوون اختياركم؟؟ وليش؟؟
احترامي لمنافسين المستقبل

عشانك

معليش بس مايبغالها كلام اكيد برااا

اذا انت بتكمل الماجستر على ضوء الشريعة الاسلامية اقولك ممكن هنا بس بفرص قليلة تعرف ليش لان الدراسة هنا ركيكة ومعتدمين اعتماد كلي على القانون المصري والاردني يعني كقانون سعوودي ماافي

بس اذا برا حيكون افضل بكثير حتى لو اخدت المااجستير بشيء بعيد عن تخصصك مثلا تجاري او جناائي او غيره مثلا

انا عن نفسي لو مكانك بستخير واتوكل على الله برا

قدم بعثه

وفي شيء مهم انت كم معدلك
يعني اذا كان حلوو خلالاص باذن الله تنقبل

وفي نقطة كماان انت قدم البعثة وفي نفس الوقت خليك مااشيء على الماجستير الي هنا يعني لاتكنسله

والله يوفقك ان شاءالله

واي شيء حااضرين

عشانك 9 الافضل لك انك تكمل برا اذا ظروفك تسمح لك لانها فرصة كبيرة ...
بس اهم شئ تلاقي قبول جامعة وتوكل عل الله .. لان الدراسة موبس ماجستير بتتعلم اشياء كثيرة اهمها اتقان اللغة يلي صارت اهم شي ..

مـــرحبـــا طلاب وطالبــات القــانون

أولا أحب أن أهنيكــم علي فكرة هذا الملتقــي الرائع باذن الله وراح نستفيـــد منه ان شاءالله

أنا خريـج بكالوريوس قـانون من جامعـة الملك سعود وراح أكمل ماسـتر ان شاءالله بس محتار في التخصص امـا ( تجاري) أو (دولي)

ذلك لانها في اعتقادي الافضل ( فـالتجاري ) القطـاع الخاص .. ( الدولـي ) القطاع العـام ونادر جدا الخـاص في رأيي

بس من الممكن أنك تكون محـامي طبعـا حتي لو أخذت (دولـي ) ..

قـدمت علي أكثر من دوله الاولي ( أمريكـا) والثانية ( بريطانيا ) الثالثة (نيوزلندا) الرابعـه(مصـر)

أمريكـا=== لازم تدرس كورس مدتـه تـرم وتجيب معدل معين ومدة الماستر سنه واللغه سنه يعني المـده بالكامل ثلاث سنوات ونص

بريطـانيـا=== اللغة مدتهـا 9أو 12 شهر المهمـ الايلتيس 6أو 6.5 أو 7 ومدة الدراسة سنـه وثلاث شهور الي سنتين (حسب الجامعه)

نيوزلندا == اللغـة 9 شهور الايلتس 6 كحد أقصى ومدة الماستر سنتين من المستحيل أقل لايوجـد يعني ثلاث سنوات المده كاملـه

مصـر === الدراسة بالعربي ( مافي عـوار رأس ) مدة الماستر سنتين كأحد اقصي الي أربع سنوات وهي علي طريقتين

1- أن تأخذ دبلومين وتحصل علي ماستر
2- أن تأخذ دبلوم ورسالة وتحصل علي ماستر أيضـاا

الخيـار الاخير بالنسبة لي أن أدخل مجال المحاماه لانني أستشرت محامي معروف وقـال بالحـرف الواحـد ( الشهـادة تنفعك أكاديميا فقط)

يعني اذا ترغب بعمل غير المحاماه ( تدريــس مثلا ) أما محاماة فـالخبـرة أفضل لك بكثيـــــر

أتمني أن يستفيد الجميع