مقارنه بين تخصصات التمويل ؟! Finance MSc or International Finance

شفت الموقع ..
والله اغلبها مواد محاسبة انتي دارستها , و قانون , و نظم معلومات !!.
ولا فيه الا مادتين مالية بس ..
الصراحة ..
انصحك تشوفين تخصص ثاني ..
ممكن تشوفين تخصص تمويل , او تخصص الاسواق المالية الي موجود فووق و حطه EW ..

انا بصراحة ودي بتخصص يكون فيه هندسة ماليةلان ودي ادرس هذا التخصص وبنفس الوقت ابغى اي تخصص يساعدني في اقامة مشاريع خاصة فيني

شركة نهج جابتلي قبول معهد بجامعة دبلن واختارت لي تخصص المالية واسواق راس المال
ايش رايك بالتخصص

التخصص ممتااز ,,
وميزة التخصص يعطيك معرفة بأسواق المال و العملات و هكذا ..
يعني ممكن تسوين بزنس و انتي في البيت عن طريق المضاربة و الاستثمار في الاسهم و العملات ..
التخصص نصحت فيه المدام لين اقتنعت ..

التخصص الي حطه اخوي EW الي هو مالية و اسواق المال هذي المواد الي فيه و من ضمنها هندسة مالية ..

• Econometrics
• Corporate Finance and Valuations
• Accounting for Finance
• Portfolio Theory and Fund Management
• Securities and Investment
• Fixed Income Markets and Instruments
• Financial Econometrics and Forecasting
• Corporate Treasury Management
• Financial Engineering and Risk Management
• Research Research Topics in Finance
• Equity Investment Analysis
• Research Methodology

المادة علمت عليها بالازرق ..
الهندسة المالية تدرس كتخصص في جامعة UCLA في امريكا , وهي من أفضل 20 جامعة في امريكا !

ماشالله عليك يا بو كارلوس باين عليك متمكن في الامور المالية ..... بس حبيت اسئلك يالغالي عن تخصص الهندسة المالية وش مجالات عمل حاملي شهادات هالتخصص .... وين يدرس هذا التخصص (اقصد الدولة والجامعة) لاني دخت وانا ادور هذا التخصص وما حصلته الا في ثلاث جامعات بالعالم :
1) جامعة برنستون - امريكا ( مستحيل احصل قبول لها )
2) جامعة بنغهامتون - امريكا (ماتعطي قبول مشروط الا بالتوفل)
3) جامعة مالتميديا - ماليزيا (موقفه من وزارة التعليم العالي)

اتمنى يا اخي العزيز تساعدني في ايجاد هذا التخصص وياحبذا يكون في كندا

على فكرة من خلال بحثي حصلته في كندا في جامعة يورك بس المشكلة انه دبلوم في الهندسة المالية مو بكالوريوس ....

اسف على الاطالة ......

مرحبا ولد السلاطين ..
اعتقد ان التخصص موجود في جامعة كالفورنيا " ايرفاين " في امريكا ...
موجود ماجستير ...

بالنسبة للتخصص في كندا ماعندي اي خلفية عنه ابد ...
ممكن افيدك بالتخصص و المواد الي تدرس في الجامعة ..
و قدم على الجامعات في امريكا وشوف وش ربك يسهل !

وعلى فكرة ترى التخصص كله رياضيات و معادلات صعبة و مركبة , اذا كنت شاطر و كويس في الرياضيات روح و ربنا معاك !
والهندسة المالية يعتمد عل العقود المركبة و اصلاح المدخلات واشياء اخرى اجهلها الصراحة ..

والله يوفق الجميع

مشكور اخوي على تجاوبك .... بالنسبة للرياضيات والمعادلات المركبة والمعقدة هذا انا ما عندي فيها مشاكل ابد ... المعضلة الاساسية هي ايجاد جامعة مناسبة تدرس هالتخصص بكالوريوس ... وبحكم خبرتك ودي اعرف الفرص الوظيفية لهذا التخصص في المستقبل وماهي انواع الشركات المرحبة بمثل هذا التخصص؟؟؟؟

مشكوووور بو كارلوس

والله يسهل امرك وامر المدام اللهم امين

الله يوفق الجميع ..

بالنسبة للهندسة المالية , طبعا هو علم يهتم بالحلول المالية المبتكر و اصلاح المدخلات الاستثمارة , و العقود المركبة , و تكييف المعاملات المالية لجعلها لصالح المؤسسة , و يستفاد من العلم كثيييير في المجال الشرعي لأنهم يكيفون المعاملات المالية بدال ماتكون ربوية تكون اسلامية و حلال !
بالنسبة للوظايف المتاحة , اعتقد ان جميع الشركات الكبيرة كسابك وارامكو تحتاج التخصص هذا و البنوك و شركات التأمين هيئات سوق المال و مؤسسة النقد .. اعتقد اكثر من يحتاجه لان عندهم معاملات حرام و يبون يكيفونها وتصير حلال !
والله يوفق الجميع ... و على دروب الأمل نلتقي !