معلومات عن تخصص القانون بكالوريوس وماجستير ودكتوراه .. أسأل ونحن نجيب

الأخ مبتعث مصر السلام عليكم و رحمة الله و بركاته

الحقيقه إفتقدناك مرت فتره مالك لا حِس ولا ونس فعسى غيبتك خير إن شاء الله و الغايب عذره معاه بس هه طمنا عاد عنك ولا تشغلنا عليك يا غالي

أحب أشكرك على الموضوع الأكثر من رائع و إللي كان شاغل بالي من فتره طويله و جيت إنت و ماقصرت فتحته و تكرمت بالإجابه على أسئلة الإخوة الأعضاء

أخوي الكريم أنا با سرد لك قصتي و معليش إذا كان فيها إطالة عليك و الإخوان هنا بس عشان تكون في الصورة و أقدر أوضح لك مشكلتي بالشكل الصحيح

أنا طال عمرك خريج ثانوية عامة عام 25 - 1426هـ يعني بين قوسين و باللهجه العاميه ( مُنذُ مبطي ) تخصص علمي طبعاً نسبة الثانوية 81.19% و القدرات العامة 81 طبعاً إلتحقت بكلية التقنية و تخرجت منها العام الماضي 1430هـ دبلوم سنتين و نصف تخصص برمجيات معدل 3.93 من 5 و تقدير جيدجداً و للأمانه أنا من دخلت الكليه و درست التخصص ذا بالتحديد و أنا في قرارت نفسي ماني مقتنع فيه مو تقليلاً في التخصص فهو له مستقبل قوي بالأخص لمن يواصل الدراسه فيه و لكن لست ممن يحبون أو من هم مُولعون بالحاسب الآلي بشكل عام و لكن درسته عشان كلام الناس و كلن يقول لي مالك إلا الحاسب مطلوب و مرغوب و الوظائف فيه بالهبل ووو . . و الكلام ذا صحيح بس أنا ما أحب الحاسب و دراسته خير شر ولا أخفيك إني إنسان أميل للسياسه في حياتي كثير و متابع جيد للأخبار و البرامج الوثائقية و السياسية منها بالتحديد و لكن ماكتبت لي الفرصه لدراسة السياسة حتى هذه اللحظه و الحمد لله على كل حال اللهم لا إعتراض على قضائك و قدرك . الآن طال عمرك أنا ناوي أواصل دراستي و كنت حاطط تخصص القانون نُصب عيني و قريت عنه و سويت عليه بحث و كونت عنه خلفية بسيطه و حابب إني أدرس هالتخصص و تعاملت مع مكتب إبتعاثات على أساس إنه يحضر لي قبول دراسة بكالوريوس قانون في أمريكا و لكن قال لي الموظف : بالنسبه للقانون الجامعة ماراح تقبلك لأن بكالوريوس القانون في أمريكا محصور بالفرد الأمريكي الأصل أو من لديه جنسية طبعاً الكلام هذا عن جامعة ARKANSAS STATE UNIVERSITY بولاية ARKANSAS بمدينة Jonesboro و قلت له : و الحل ؟ رد علي و قال : الحل إنك تصدر لك قبول بالتخصص إللي نصحني هو فيه بحكم إنه شاف مؤهل الدبلوم إللي معي و التخصص هو CIT إختصاراً لـ Computer & Information Tech فـتصدر قبول على هالتخصص و إذا رحت هناك و أنجزت ترم اللغه تكلم الجامعه و إنك ترغب بتغيير التخصص و تقول لهم إنك ترغب في القانون و القرار في النهاية يعود لهم إن وافقوا و إلا فلا و على فرض إنهم و افقوا راح يجرون لك إختبار إذا تجاوزته فخير و بركه و لا خلك على مانت عليه بالعاميه << ذابحتني العاميات بالحيل ( كما كنت ) مع العلم إن الجامعه نفسها فيها بكالوريوس قانون و معتمد من وزارة التعليم العالي و هذا رابط التخصص في الجامعه :

مع العلم و الكلام هذا على ذمة موظف المكتب يقول القبول صدر على التخصص CIT و الأوراق في طريقها لي إن شاء الله

فا وش رأيك أخوي مبنعث مصر ؟ وش تشور علي فيه ؟

وسؤال ثاني إذا تسمح لي

وش هو تخصص الأنظمه إللي لمن أحب دراسة الماستر تعتمده الوزارة ؟

أدري طولت عليك و على الإخوان إللي يقرون ردي و إستفساري و لكن حبيت أوضح لك الصوره كامله أرجو إنك ماتبخل علي بالرد . . و شكراً