معلومات عن تخصص القانون بكالوريوس وماجستير ودكتوراه .. أسأل ونحن نجيب

ياربيه حتى أنا محتاره أنا متخرجه من أصول دين وكان بخاطري القانون بقوه بس تحطمت لما شفت كلامكم وأخاف أغامر وأسجل وأنحرم

طيب برأيكم هل الأفضل لي محاسبة أو ماليه أوتمويل ؟ وهل بيتم قبولي وأنا أصول دين ؟؟

طيب اللي مختلفين هل يقبل في ماجستير القانون اللي تخصصه دراسات اسلامية ولا ما يقبل ... مافي احد سال في الوزارة وردو عليه ؟؟

معقولة مافي احد عندة اجابة اكيدة كلها توقعات وتخمينات ؟؟؟

اخوي مبتعث
شكراً لك على ماتقدمه من مجهود رائع لخدمة
أحوانك واخواتك
جزاكالله خير ووفقك في حياتك الدنيويه وجعل الفردوس مثواك الاخير يوم القيامة
اريد ان أسالك انا نتخرج من الثانوية العامة قسم أدبي نسبتي 88,21
سجلت في جامعة تامبا في امريكا تخصص قانون Jd
هل هذا التخصص يعتبر بكالريوس واذا كنت ارغب بأكمال الماجستير
في نفس التخصص هل يكون هناك مشكلة تترتب علي
اتمنى أفادتي
ولك مني خالص الشكر والتقدير

أنا أرسلت سؤال من خلال الشكاوى من التسجيل في المبتعثنين وقال لازم الإلتزام بشروط التسجيل ..
بالرغم من إن القانون وأصول الدين من نفس الجامعه وفيه بعض المواد مشتركه وتدرس بين القسمين يعني يمدي ندرس الباقي كمواد تكميليه جد شيء يقهر

السلام عليكم ورحمة الله ........


حابه أسأل كم سؤال ودي اعرف اجابتهم

1- حابه ادرس قانون لكن الي فهمته الحين ان الدراسات الإسلاميه ماهي نفس قسم الشريعه طيب هل لو درسة مواد التكميليه قبل الماستر لو رجعت السعوديه تتعادل مع شهادتي

2-طيب في خيارات لدول لدراسة القانون اش افضل امريكا ولا ايرلندا ولا المانيا من ناحية الدراسه وعدم مضايقة المسلمين

امين يارب ..
وطبعا يعتبر بكالوريوس قانون وتقدر تكمل بعدها ماجستير في القانون بشكل طبيعي جدا .. ولايوجد اي مشكله ..

1-(قالو لازم شريعه او قانون او انظمه اول كان عادي واساسا لازم تاخذين تكميلي الجامعه تفرضه عليك لما ماتكوني قانون من بالكالوريوس ..) يعني حسب شرطهم ماتقدري .. لكن اسالي لجنة معادلة الشهادات هم اعلم مني ..

2-(كل الدول الي كتبتيها ماتضايق ولو في احد فيهم بيضايق ممكن تكون امريكا .. لكن الي بحاله محد يجيه ..

السلام عليكم
مشكورين ع المجهود البذول
حبيت اسئلكم
انا طالب قانون متخرج من جامعة الملك سعود معدلي 2,99
وعندي رغبة بتكملة الماجستير
اتمنى تنصحوني بافضل تخصص والتخصصات المطلوبة
وسمعت ن كذا شخص ان القانون التجاري متكدسين عليه الطلبة الان في الماستر
وبصراحة عندي اسئلة كثيرة لكن ماراح اطول عليكم
واتمنى تعطوني ماترون انه مفيد لي
وشاكر لكم ذلك

في السعوديه نطبق الشريعه الاسلاميه
يعني مهما درست قانون برى بالنهايه تجد السعودي مختلف ..
لذالك ادرس شيء موحد افضل ..
مثل القانون التجاري .. شبه موحد
او القانون الدولي .. موحد اقصد بين الدول

في ناس تدرس قانون مدني رغم انه مختلف الانه يبي ياخذ فكر قانون مدني وهكذا .. مو انا يبي يجي يطبق الي درسه ..بتقول وش الفايده بقولك ان القانون له فقه يعني ممكن تألف فيه وتبتكر وتعدل فكثير يبون يتفقهون فيه حتى لوكان غير الي ببلدهم على الاقل ينقل كل ماهو صالح لبلده ..
وفي ناس يبون يطبقون الي درسوه .. وهم الي ياخذون تخصصات موحده زي الدولي والتجاري والبحري وغيره ..

انا متخرج من قسم اداره اعمال اقدر اكمل ماجستير قانون تجاري يقولون لهم علاقه ببعض؟؟