معلومات عن تخصص القانون بكالوريوس وماجستير ودكتوراه .. أسأل ونحن نجيب

واااااااااااااااااااااااااااااااو روووعه يسلموووا كتيرررررر تعبت بصررراحة كتير وربي حيعطيك على قد نيتك والله يسهل عليك ياااارب ويحقق امنيتك ..
انا حابه أقولك إني إن شاء الله ناااويه على تخصص قانون وحاااااااااااااااااااابه كتيييير بس يقولوا ماينفع للبنات طبعا انا ماهمني كلامهم بس فية بناات غيري مصدقينهم وغيروا مساراتهم ؟؟؟؟
وحابه أقولك انا أن شاء الله ناويه على دراست البكالوريا هنا بالسعودية بعدين المااااستر إن شاء الله برا بس حبيت أسألك وش راااايك بدراسته في اليابان ؟؟؟؟
ممكن تقول اليابان متخصصه في مجااالات أخري بس حابة أسمع رايك..

ماأكتر عليك بالأسئله لأني قرأت وأستفدت كثيرررررررررررررررررررررر وربي يعطيك ألف عافية ..
تقبل مروري ودعواتك لي بالبعثة ..

يااخوي مبتعث مصر تكفى رد علينا لاني والله محتاجك

لو لازم اخذ دراسات اجتماعيه قبل مااخذ التخصص الي هو قانون

وش تنصحني ويفيدني في القانون

وهل فيه مشكله مع الابتعاث لاني باخذ تخصص عشان ادخل التخصص المطلوب

لاني سمعت انه اذا دخلت تخصص لازم تكمل فيه او ان القانون زي الطب مسموح تاخذ تخصص ماتبيه عشان توصل للتخصص الي تبيه


ارجوك لا تتاخر في الرد لاني لازم اقرر في اقرب وقت ممكن

يعطيك العافيه

هلابك اخوي انت ممكن تدخل اي تخصص سياسه او حتى اداره .. والسياسه هي الاقرب والافضل للقانون
لكن المشكله ان وزارة التعليم العالي السعودي نزلت تنبيه في موقعها ان لازم يكون تخصصك بالبكالوريوس يا انظمه ياشريعه ياقانون عشان تقدر تكمل ماستر قانون ..
((التأكد في حالة دراسة ماجستير القانون أن يكون لدى الطالب بكالوريوس في القانون أو الشريعة أو الأنظمة. ))

وبكذا ماقدامك الا تشوف طريقه تبدا من بدري يا شريعه اسلاميه يا قانون والقانون اسهل من الشريعه ..
مدري عن البكالوريوس قانون بكندا سمعت ان دخوله صعب ومدري كم سنه .. انت ابحث هناك والله ويوفقك ..
لكن انك بتدرس عشان الماستر والدكتوره الافضل والاحوط تدخل اما شريعة اسلاميه او قانون الي هي انظمه عشن تجد قبول اسرع في الجامعات والوزاره بالسعوديه تعادل لك .. حسب تنبيهها الجديد ان الدعوه فيها شيء تأكد من لجنة المعادلات قبل تدخل تخصص غير الي هم حطو ..
والله يوفقك ..

الاسهل في الدخول ومضمون كلية الشريعه
والاقوى جامعة الملك فيصل
طيب افترض انك خلصت التحضيريه ومعدلك مايدخلك قانون وش تسوي ؟!!
اذا ممكن تغامر رح لجامعة الملك فيصل
واذا ماعندك استعداد تغامر رح لكلية الشريعه ..
بما ان كلهم بالنهايه بتدرس قانون أو انظمه يعني الهدف واحد
ولاتخاف قوة الجامعه ماراح تلعب دور كبير في التوظيف اهم شيء المعدل والتخصص ..
الشركات هم الي يلتفتون شوي للجامعه واسمها .. لكن الاهم الاهم والي عليه القبول والرفض
هو التخصص والمعدل ..
ونصيحتي تدخل كلية الشريعه الي على طول تتخصص انظمه او قانون .. لان ماتضمن نفسك تجيب المعدل الي يدخلك قانون ولا لا اذا رحت للجامعات الي فيها سنة تحضيريه مغامره اعتبرها ..
بالتوفيق ان شاء الله ..

اول شيء الله يرزقك بالبعثه والي مثلك تستاهل كل خير ..
ومرسي جدا جدا على دعائك وكلماتك الحلوه ..
بصراحه الله يوفقك وانا اييدك تدرسين هنا والماستر ان شاء الله برى اذا سمحت ظروفك ..
بخصوص اليابان .. ما انصحك مرا زي امريكا او كندا او بريطانيا او استراليا .. اوفرنسا بعدهم كلهم ..
بتقولي ليه بقولك لان الدول هذي هي المتخصصه بالقانون باللغه الانجليزيه وهذا اهم شيء .. لان هنا العقود اما باللغه العربيه او انجليزيه وتعامل الشركات انجليزي وكل شيء انجليزيه فهمتي كيف .. يعني اهم شيء تكون معك لغه انجليزيه قانونيه .. وفرنسا لانها الدوله المعروفه عالميا انها بلد للقانون ولو ان تقريبا نسبه كبيره منه ماخذينه من الشريعه الاسلاميه من عندنا ايام نابليون واحتلال مصر لكن مو مشكله .. واللغه الفرنسيه يعني تعتبر افضل من اليابانيه .من ناحية العمل ..
اليابان موحلوه للقانون لان القانون نظري مو عملي .. يعني وش الفايده الي بتطلعي منها لورحتي اليابان؟
لغه يابانيه؟ مو مهمه عندنا بالسعوديه ولايتعاملون فيها .. قانون باليابانيه ؟ انتي بتطبقينه يابلعربي يابلانجليزي ..
ماجستير؟ ممكن تاخذينه من دوله تتكلم انجليزي ..
يعني ما انصحك ابد باليابان .. يعني لو انتي ولد كان ممكن اقول روحي يمكن بعدين تشتغلين بالسفاره هناك بس انتي بنت يعني اكيد بترجعي بعدين السعوديه ومستحيل تتهجولي باليابان كوظيفه .. هذا لو يعني جت ..
انا اقول خلي اليابان اخر حل .. إلا اذا بتدرسي بالانجليزي وقتها اقولك روحي اليابان .. لان الماستر ممكن بالياباني وممكن بالانجليزي انتي حره تختاري .. لكن وين تتعلمي انجليزي .. وهل لوتعلمتيه باليابان راح يكون مثل امريكا اوبريطانيا اوكندا او استراليا ..
وبالتوفيق ان شاء الله ..

يعطييك الف عافية على المجهودا الاكثر من رائع ولله يوفقك في الدنيا والاخرة ويسهل عليك امورك

اخوي انا جاتني بعثة سابك دراسة قانون في بريطانيا وانا عندي رغبة في التخصص من زمان وقالولي احتمال كبير البعثة تكون الى مانشستر

ابي رايك ؟؟ وما خاب من استشار


وانا على حد علمي انه بيدرسوني قانون تجاري او عقود

وبغيت اسأالك ايش تخصصات اللي في القانون اللي تتبع نظام الشركات او بمعنى اخر ايش تتوقع التخصات اللي بالقانون نفيد شركة مثل سابك؟

وواذا تقدر الله يعافيك تعطيني فكره اكثر عنهم ؟

و كم الدرجة المطلوبة للغة للقبول في تخصص القانون؟

ويعطييك الف الف عافية

هلابك اخوي .. ريطانيا غنيه بالتخصصات القانونيه
يعني بتلاقي قانون الشركات اسمه كذا .. وبتلاقي قانون الاستثمار .. وبتلاقي العقود .. وبتلاقي كثير ..
انا اشوف افضل شيء تتخصص عقود لان هي اهم شيء وهي الي فيها الشغل والاستشارات وغيرها
اما باقي فروع القانون ممكن فقط تقراها تعرفها .. اهم شيء العقود هي الي فيها مهاره وكيف تصيغه وكيف تخليه لصالحك وهكذا ..
الدرجه بالايلتس اللغه تختلف من جامعه لأخرى .. الاغلب يطلبو 6من9 إلى 7من9 ..
وحياك الله اخوي ..

السلام عليكم ورحمة الله وبركاته ..

أنا خريج كلية الشريعة من جامعة القصيم بتقدير جيد .. أريد دراسة ماستر القانون ولدي بعض الإستفسارات :

1 - هل يكفي بكالوريوس الشريعة لدراسة ماستر القانون .. أم لابد أن يكون البكالوريوس تخصص قانون .
2- أنا أفضل الدراسة في نيوزيلندا لبعض الظروف الخاصة .. لكن سمعت أن نيوزيلندا دراسة الماستر فيها أصعب وأطول من انجلترا وايرلندا .. وإذا كانت نيوزيلندا مناسبه ماهي أفضل جامعة معترف فيها من قبل الوزارة ويفضل أن تكون قريبة من كرست تشيرش .
3- كذلك سمعت أن الإبتعاث إلى نيوزيلندا تم إيقافه هل هذا صحيح أم لا .. وكم يستغرق الوقت للإلتحاق بالبعثه علماً أني بالبداية سأدرس لغة قبل التخصص .
4 - إذا التحقت بالبعثة هل أستطيع دراسة اللغة في نيوزيلندا وأحول قبول الماستر لدراسته في انجلترا أو ايرلندا .

آسف على الإطالة .. وأتمنى الرد السريع لأني في عجلة من أمري .


ولكم وافر الشكر والإمتنان .

اتمنى اكون افدتك ولو بالشكل اليسير ..

^^^

الله يعطيك ألف عافية على تجاوبك .. والله يكتب اللي فيه الخير .