معلومات عن تخصص القانون بكالوريوس وماجستير ودكتوراه .. أسأل ونحن نجيب

السلام عليكم ورحمة الله وبركاته

اخوي الله يرضالي عليك انا خريج من الجامعه الاسلاميه تخصص شريعه وابي اكمل ماستر انشالله في مصر
انا ولله الحمد غلقت اوراقي من الوزاره الخارجيه والقنصليه المصريه في جده
بس صراحه مو عارف وش ابي تخصص محتاار والله صراحه نفسي في تخصص قانون ... بس فيه ناس تقول قانون مافيه فيه كلية الحقوق مثل القانون .. وفيه بعد يقولون فيه تخصص شريعه وقانون

انا احترت غلقت اوراقي من هناء ولا ني عارف وش ابي مادري وين اروح

الي ابي اعرفه فيه قانون في مصر؟ وفي اية كليه؟ وهل الكليه معتمده ولا لا؟

طبعا راح ادرس على حسابي الخاص

لا تتأخر علي الله يوفقك يارب

بمصر .. مايقبلونك الا اذا انت خريج قانون او انظمة .. هذا ماقالته لي مسؤولة القبول بجامعة القاهرة .. وكذالك الملحقيه الثقافيه السعوديه ولايمنحونك موافقه لدراسة ماستر قانون .. والجامعه ماتقبلك بدون الموافقه هذي .. يمنحونك موافقه اذا بتكمل ماستر شريعه اسلاميه ..
الي متاكد منه ان الازهر فيها ماستر شريعه اسلاميه .. بس الجامعات الثانيه لاعلم لي ..
لكن ممكن تكمل شريعه اسلاميه فقط مو قانون ..
ولو ان في طلاب خريجين شريعه ويدرسون ماستر قانون بس كيف دخلو الله واعلم ..
في بريطانيا وامريكا والدول هذي تقبلك لماجستير القانون والملحقيه تعطيك موافقه ..
اما الاعتراف .. فتجد الجامعات المعترفه بموقع الوزاره ..
لكن الي اعرفها خمس جامعات للدراسات العليا ..
القاهره
عين شمس
المنصوره
الاسكندريه
الازهر

بالتوفيق ان شاء الله ..

الله يوفقك اخوي

الحين خلاص بانت لي ان تخصص قانون يبيله واسطه ولا كيف غيري يدخله

بس اخوي الله يرضالي عليك ابي منك خدمه اخويه ابيك تكتبلي جميع التخصصات الي تناسب لتخصصي في الباكالريوس.. وفي الجامعات المعترف فيها عشان اقدر افكر مو كل ماختار تخصص القاه مايقبلني

ايه وابي اعرف اخوي تخصص شريعه وقانون هو نفسه تخصص قانون ولا لا ؟ واذا فيه فرق اقدر اقدم على تخصص شريعه وقانون

الله يجعلها في موازين حسناتك اخوي

السلام عليكم ورحمة الله
شكرا لك اخي على كل ماتقدمه ونسال الله للجميع التوفيق يارب
تصفحت كثير من المواقع ووجدت كلام محبط من بعض خريجي القانون اعتقد خريجين من جامعات سعودية بانهم لا يجيدون مايرضي طموحهم من مستقبل وظيفي وبحاجة ان يعملوا لثلاث او اربع سنوات بمكاتب محاماة برواتب ضعيفة جدا لاكتساب خبرة ومن ثم يمكنهم اخذ رخصة بالعمل الخاص بمكتب محاماة
سؤال ياعزيزي لو درست مثلا في بريطانيا قانون تجاري وعدت الى ارض الوطن كيف الفرص الوظيفية بالذات في الشركات وكيف يكون معدل الرواتب وكيف الحاجة الى ذلك خاصة اذا المتقدم مجتهد وفاهم وماعنده خبره ياليت تطمنوني عن وضع البداية عن خريج القانون من بريطانيا في سوق العمل السعودي بالقطاع الخاص لانه صعبة تدرس اربعة خمس سنين بعدين تحتاج تصرف على نفسك ثلاث اربعة سنين براتب ضعيف حتى تكسب خبرة بانتظار ردك ياعزيزي وكلامك ببني عليه قرار والله يعطيك الصحة والعافية وجميع الاخوة والاخوات
وماذا ايضا لو درست ماستر هل يكون الفرق كبير وبالتوفيق ان شاء الله

والله اخوي ماعندي علم بكل التخصصات الي تقبلك ..
لكن الي اعرف انك لوغيرت تخصصك راح تواجه مشكله لو تبي تصير استاذ او دكتور بجامعه .. يرغبون الي ماجستيره ودكتوراه نفس تخصص البكالوريوس ..
ومن ناحية ثانيه الي اعرف ان تخصص ادارة الاعمال .. وتخصص التربية الخاصه كلها ممكن تقبلك لكن يعطونك تقريبا سنه دراسيه تكميليه تدرس فيها بعض المواد .. وبعدين تبدا تدرس الماجستير ..
اما التخصصات الاخرى لاعلم لي فيها ..
انصحك تكمل نفس مسارك .. عشان تقدر تصير بعدين استاذ او دكتور بجامعه وانت مرتاح بعد ماتتخرج .. مايرفضونك لاختلاف التخصص في مرحلة البكالوريوس ..
والله الموفق .. اتسخير والله يكتب الي فيه الخير لك ..

هلابك اخوي ..
اخوي الشركات تعشق خريج كلية القانون .. لخبرته في النظام ولقلة اخطائه القانونيه بالعمل .. ولكنها لاتحبذ خريجي الجامعات العربيه لأن التدريس بالعربيه .. بينما العقود بالشركات غالبا ماتكون باللغه الانجليزيه .. واللغه الانجليزيه القانونيه لايفهما كل من يجيد اللغه الانجليزيه بل تحتاج لطالب درس القانون بالانجليزيه حتى يجيد ترجمة العقود وفهما وكذالك صياغة العقود باللغه الانجليزيه .. لذاليك تجد اغلب خريجي القانون بالسعوديه يتجهون للوظائف الحكوميه او المحاماة التقليديه وليس محاماة على وزن ثقيل .
ومن هنا بكل تأكيد خريج القانون من جامعة بريطانيه او غيرها .. سيكون وضعه افضل بكثير من خريج الجامعات العربيه .. وحتى لوعملت في مكتب خاص سيكون التعاقد معك عن طريق الشركات كبير جدا .. ولايقارن بمحامي يعمل منذ 20 سنه بالمحاماة ولكنه لايجيد الانجليزيه .. سوف تختصر بلغتك مشوار كبييييير ..
فلا تقلق المستقبل واعد لك إن شاء الله .. حتى بالعمل الحر كمحاماة .. يعني ان شاء الله بكل الاحوال انت رابح ..
اما ماجستير .. فبكل تأكيد سوف نضيف فارق .. لانك بالماجستير سوف تتخصص اكثر تخصص دقيق سواء بالقانون تجاري او البحري او الاداري او الدولي اوالمدني اوغيرها ..
مثل الطبيب العام والطبيب المتخصص ايهم افضل ؟
لذالك التخصص سوف يضيف كثير لمستقبلك ..
والله يوفقك ويكتب لك الي فيه خير .. استخر قبل اي شيء ..

اخوي الله يحفظك وشكرا على الرد المطمئن ونتمنى التوفيق للجميع

السلام عليكم اخي مبثعت مصر
كل عام وانت بخير
وجزاك الله خير على ردودك الطيبة ومجهودك الطيب
انا بس حاب اسالك ايش افضل تخصص والاكثر طلبا يعني التخصص الي تنصح بيه والي ممكن احصله في جامعات امريكا وغيرها والي ممكن افتح مكتب خاص
والشي الثاني مامدى صعوبة القانون هل يحتاج لجهد كبير ومتعب يعني ادا اقبلت على العمل هل يحتاج مجهود متعب ولا مجهود طبيعي ليس بمتعب؟
وشكرا

السلام عليكم

اخوي هل يوجد بكالوريوس قانون تجاري او عقود في بريطانيا او اي دولة اخرى ؟ ولا لازم ادرس بكالوريوس قانون عادي بعدين اتخصص ؟

افضل التخصصات .. هو القانون التجاري او القانون الدولي التجاري اي واحد فيهم .. لان مكاتب المحاماة اكثر قضايا تدر عليهم ارباح هي قضايا الشركات ..
يليها القانون الجنائي والاحوال الشخصيه .. لكثرة القضايا الاسريه والجنائيه لكن قانون الاسره و الجنائي عندنا شريعه اسلاميه فماتستفيد كثير من دراسة القانون الجنائي او قانون الاسرة ..

ودراسة القانون ليست بالصعوبه التي تتصورها .. راح تمشي فيها طالما انت راغب بها ..
وكل قسم محتاج مجهود ..